Şantaram

XXI əsrin ən möhtəşəm romanlarından birini oxucularımıza təqdim edirik. Uçurumdan qayıdıb sağ qalmağı bacarmış bir adamın bədii şəklə salınmış bu etirafnaməsi bestseller siyahılarına düşərək, Yeni dövrün Melvilldən tutmuş, Heminqueyə qədər – ən seçilmiş yazıçıların əsərləriylə bir sırada dayanmaq şərəfinə yiyələnib. Müəllifin özü kimi, bu romanın qəhrəmanı da uzun illər qanundan gizlənib. O, boşandıqdan sonra valideyn hüquqlarından məhrum olaraq, narkotik aludəçisinə çevrilmiş, bir sıra qarətlər törətmiş və Avstraliya məhkəməsinin hökmüylə on doqquz il həbs cəzası almışdı. Həbsinin ikinci ilində ciddi rejimli cəzaçəkmə müəssisəndən qaçaraq, Bombeyə yollanmış, orada fırıldaqçılıq, qaçaqmalçılıq, silah alveriylə məşğul olmuş, Hindistan mafiyasının təşkil etdiyi əməllərin iştirakçısı olmuş, həmçinin əsl sevgisini tapmaq üçün onu dəfələrlə itirib tapmışdı…