Гадел Кутуйның бу әсәре мине кимендә гаҗәпләндерде, а күп очракта канәгатьсезләндерде дип әйтсәң була.
Галияне нинди генә тырыш, сабыр, кыю дип күрсәтмәсен, минем өчен үрнәк алырлыр героиня түгел. Искәндәрнең нинди икәнен беренче көннән үк белә торып, аның белән яши башлый, ике бала таба. Егет үзе китмәсә, Галия шул хөрмәт итмәүче кеше белән, уңайсыз шартларда яшәп калыр иде төсле. Туганлык турында бер сүз юк — Галия ятим булып калган, а Искәндәрнең әти-әниләре, балаларның әби-бабалары, башка туганнары кайда? “Товарищ” дип яшәгән чорның фаҗигасы дип аңлыйм мин бу күренешне. Имансыз, тугансыз, ирекле, тәртипсез “мәхәббәткә” юл ачылган вакыт. Сәнгать кешесе җавапсыз һәм җилбәзәк тасвир ителә. Шуңа омтылдыгыз, юл ачтыгыз түгел мени? Рәсем ясап, җырлап йөрергә теләдегез. Гаилә турында бер артык сүз юк.
Вәли капкынга эләкте шикелле. Бу мөнәсәбәттән Галия ота, Вәли оттырыр кебек — барысын да аңладым, гафу ит, кичер дип Искәндәр килеп төшсә авылларына, Галия ике дә уйламыйча аңа кире кайтыр кебек тоела.
Ә балалар... ялган эчендә үскән, газиз аталарын (аналары ата итеп сайлаган кешене), нәселләрен белмичә үскән балалар кызганыч. Яхшы “товарищ” булып үсүләре мөһимрәк, димәк.
Отзывы
3