Xavər, mən özümü çox yaxşı hiss eləyirəm, uşaqlar da yaxşıdır. Məndən heç nigaran qalma. Balaca xudmani bir otağımız var. Qazı içindədir, amma suyu ilə ayaqyolusu həyətdə. Kislovodskidə bu il otaq tapmaq çox çətindir. Abik olmasaydı yəqin ki, otaq tapa bilməyəcəkdik. Bir gecə Ruxsaragildə qaldıq. Ruxsaranın otağı pis deyil, ancaq lap kəllə-çarxdadır. Gərək avtobusa minib beş-altı ostanovka yol gedəsən, sonra da palçığın içilə addımlayasan.

Gələndən hələ parka gedə bilməmişik, yağış qoymur. Yerli camaat deyir ki, bu ilki kimi Kislovodskinin yayı olmayıb, elə yağış yağır. Amma hər halda pis deyil. Bura gərək iyulun əvvəllərində gələsən, çünki avqustda yaxşı otaqların hamısı tutulur. Balacalar üçün bura əlbəttə ki, yemək cəhətdən çox yaxşıdır. Tvoroq, süd, smetan çoxdur. Ət zamorojennı. Toyuq-zad da maqazində az olur, gərək bazardan alasan.

Hələlik bu qədər. Məndən nigaran qalma, lap yaxşıyam. Yenə məktub yazacam. Qud bay! Öpürük bərk-bərk.