Читать книгу: «Səni içimdən tərk edirəm», страница 2

qayıtmaq üçün gedirəm

yaxamdakı qəhər bozumtul şəhərdi III

saçlarının ucsuzluğunda intihar qoxusu var

xəyalları çulsuz sevgilim ruhunda kədərli adamlar dolaşar IV

səninçün gizlənmişdim məni tapasan it gözü dəymədən öncə

köç göründü bizə

əlvida gizli bağça

əlvida həyatımın davamı 6

saçları yağışlı qız

kimsəsiz bir intihar məktubu qədər soyuqdu

saçları yağışlı qız

dilində çirkli söyüşlərlə

əzilmiş bir fəslin

yetim limanlarını axtarırdı ayaqları qorxulu yorğun gecəyə ilişdi yollarda yolsuz

yuxularda yuxusuz

dodaqlarına həzin nəğmələr sərilmişdi məni anlatmır vurun bu nəğmələri dedi bilirdi ki bu son payızdı indi hansı çəkməcədədir o yaralı şeirlər rəsmlərə yıxılmış o duruş

gözlərindən həsrət yağan o qərib uşaq hardaydı

yasaqlara çəkilmiş xırdalanmış günəşlərə

itmiş ünvanlara hardan gedilirdi 7

bir gecə

astaca axan bədbəxt bir ulduza aldandı zaman sözünü tutmadı

olmadı

xatirəmdəki yarımçıq adın indi ürəyimdə

bir qeyd

saçları yağışlı qız

8

daş

daş olsan dilə gələrdin bax elə sevmişdim

susacaq qədər belə yanımda deyildin çox gec hiss etdim

9

xəyallarımı məhv edən bu tənha baxışlar alovlandırır gecəni gözlərin əsir ovucların boş qalar indi özünü vur

unudulmuş bir şeirin son misralarında sonra

yarımçıq bir mahnı sifariş ver özünə

bu şəhərdə belə ölərlər yoxsuldun onsuz da

nəyin vardı ki bir ovuc kədərdən başqa indi saatın heçdə dayanmış

hər mövsüm dastanın yaşansa nə fərqi səsinə kilid vurulmuş

əslində biz

hər iqlimdə hər saat tamamında vardıq çoxlardaydıq

bax bitirdin içimi xəyallarımı məhv edən

sənə azaldım

bir quş kimi ölürəm hər gecə

sənli və nakam xəyallarımı satdım dəyəri olmadı

indi

hər döngə təsəllisiz dalanlara çıxır 10

yalnızlıq üstümə yıxılarkən mən qoluna girirəm

çünki şairəm

bilirsən yanımdaykən də qürbətim idin

11

get

indi gedirsən

get

halbuki səndən tək bir damcı istəmişdim sənə qocaman bir dəniz vermək üçün indi gedirsən