Uzaq, qarlı-şaxtalı Şərqi Sibirin Norilski şəhərində yaşayan, əslən Masallı rayonunun Dəmbəlov kəndindən olan, qəlbi in-sana, Vətənə, torpağa sevgi ilə dolu olan Ələkbər Dağlaroğlu-nun poeziyası rəngarəngdir, özünəməxsus gözəlliyə malikdir. Vətən həsrəti ilə yaşayan, doğulub boya-başa çatdığı Ma-sallını öz qibləgahı hesab edən şair sözə İlahi kəlam kimi baxır, sözün çırağının əbədi yanmasına çalışır. Kitabda şairin Vətən nisgilli şeirləri ilə yanaşı, ana babası Ağa Rəşidə həsr olunmuş çox dərin məzmunlu «Ağa Rəşid» poeması da yer almışdır. Vətənini sevən, daim onun həsrəti ilə yaşayan, Vətənin daşı olmağı ən böyük arzusu sayan Ələkbər Dağlaroğlunun «Yaxşım, yamanım…» şeirlər kitabı şairin oxucularla onuncu görüşüdür. Kitab geniş oxucu auditoriyası üçün nəzərdə tutulmuşdur.