Читать книгу: «Pul məktəbi»

PUL MƏKTƏBİ

Bunu elə xatırlayıram, sanki, dünən olub. Elə bil ABŞ-ın Viskonsin ştatının Medison şəhərində, cənab Sinin kafesinin mətbəxində-yəm. Mənim boy atdığım bu yer kiçik bir univer-isitet şəhərciyi idi.

Mən mətbəxdə dayanıb, çirkli qablarla dolu arabanı daşıyan ofisiantı qarşılayıram. Mənim işim bu qablara yapışmış mürəbbə, piroq və yağ qalıqlarını silib, zibil qabına atmaqdan baş-layırdı. Fincanlarda üzən siqaret kötüklərini də tutub çıxarmalı idim, məhz bundan sonra bütün bu qabları xüsusi yuma aparatının içərisindəki rəflərə düzür və onları qaynar buxarla yuyur-dum. Bu proses zamanı çirkli buxar mənim üzümə və dərimə hopurdu…

…Və mən gerçək dünənki günü xatırlayıram: Dünən mən səhəri Budapeştin ən dəbdəbəli otellərindən birində açdım. Bir həftə-dən çox idi ki, orada qalırdım. Əlbəttə, eyni zamanda həm də işləyirdim, amma, vaxtımın çox hissəsini hovuzda, SPA salonlarında, ticarət mərkəzlə-rində və şəhərin ən gəzməli-görməli yerlərində keçirirdim.

Sual: Necə oldu ki, mən qab yumaqdan bugünki vəziyyətimə gəlib çıxdım? Mən hansı yolla buna nail oldum? Və bu hansı yoldur ki, sizin hər biriniz bu yolla eyni uğura nail ola bilərsiz?

Bu kitabda biz məhz bu suallara cavab alacağıq. Əminəm ki, bütün bu yolun ən güclü elementi məhz mənim beynimə yerləşdirdiyim şüuraltı inanclardır. İstərdim bu inancları siz də öz beyninizə yerləşdirəsiniz. Ola bilsin ki, deyə-cəyim bir çox şeylər bəziləriniz üçün inanılmaz görünəcək, məsələn, 10 yaşınız olarkən vali-deynlərinizin sizə dediyi sözlərin sizi uğur qazanmaqdan, varlanmaqdan uzaqlaşdırması faktı kimi. Çoxlarınız inanmayacaq ki, 8 yaşı-nızda baxdığınız TV proqramlar 40 yaşınızda sizin uğurunuzun qarşısını alır. Kimlərsə inan-mayacaq ki, yeniyetmə yaşlarında oxuduğu kitablar onları kasıblıqda saxlayır. Ona gorə də biz bu gün ‘’düşüncə” elmi barədə danışacağıq. Və mən sizə bu gün bu sahədə ən öndə olan mütəxəssislərdən biri kimi məsləhət verəcəm.

Məktəbdə 8 sinif bitirməyimə baxmayaraq, özümü mütəxəssis adlandırmaqdan çəkinmi-rəm. Çünki, mən ənənəvi elmin unutduğu bir sahəni araşdırmışam. Mən bunu hər hansı bir labaratoriya şəraitində və ya nəzəriyyə üzərində deyil, öz gündəlik həyatımda təcrübədən keçir-mişəm. Hal-hazırda isə bunu dünyanın bir çox ölkələrində, bir çox insanlar öz həyatlarının müxtəlif sahələrində uğurla tətbiq edirlər. Mən inanıram ki, siz dünyaya varlı olmaq üçün gəl-misiz. Siz xoşbəxt olmaq üçün doğulmusuz. Siz sağlam yaşamaqcün mövcudsuz. Yəqin ki, bu inancları nə vaxtsa, kimsə və yaxud nə isə sizdə dəyişdirib. Bu gün mən sizə bunu sübut edəcəm.

Lakin, ilk növbədə mən əsas mövzumuzun özəyi olan “dövrlərdən” danışmaq istəyirəm. Dövrlər, bizim hər hansı bir zaman müddətində düşdüyümüz təkrarlanan, oxşar hadisələr silsi-ləsidir. Biz bu gün sizin həyatınızda hər hansı bir dövrü yaradan təhtəlsüur proqramlaşdırma-dan danışacağıq. Gəlin, əvvəlcə sizin təhtəlşüur inanclarınıza təsir edə biləcək və hətta sizi qorxuda biləcək məqamları üzə çıxaraq. Biz o mövzulardan danışacağıq ki, siz adətən onları ciddiyə almırsız, bu barədə danışmırsız.

Gəlin, bu günə qədər olan həyatınıza nəzər salaq. Yəqin ki, həyatınız boyu müxtəlif mərhə-lələrdən keçmis və müəyyən silsilə dövrələrə düşmüsüz. Düşünürəm ki, “biz tez-tez hansısa bir dövrəyə düşür və bəzən orada ilişib qalırıq” desəm dünyanın bir çox yerlərində, bir çox insanlar mənimlə razılaşacaqlar.

1-ci dövrə: Tərəqqi dövrəsi adlanır

Bu, mənim artıq 20 ildir ki, ilişib qaldığım dövrədür. Məndə bəzən elə bir təəssürat yaranır ki, nəyə toxunuram toxunum qızıla, platinə və yaxud da Pradodan olan əşyalara çevrilir.

Beləliklə, belə bir nəticəyə gəlmək olar ki, mənim nə ilə məşğul olmağımın qəti fərqi yoxdur. Şəbəkə biznesi, adi bizneslə məşğul oluram və yaxud daşınmaz əmlaka yatırım edirəm, ümumiyyətlə nə edirəmsə, hamısı son nəticədə çox-cox uğurlu və gəlirli alınır.

Şəxsi qarşılıqlı münasibətlərimi və yaxud da sağlamlığımı nəzərdən keçirəndə də belə bir təsəvvür yaranır ki, hər şey mükəmməlliklə mənim xeyrimə həll olunur.

Hər il mən əvvəlkindən daha uğurlu insan oluram. Hər il əvvəlki ildən daha çox pul qaza-nıram və daha çox nailiyyətlərə imza atıram. Mənim üçün bu silsilə demək olar ki, 20 il əvvəl başlayıb və mən hələ də bu dövrün içindəyəm və o dayanmadan davam edir. Bu silsilə mənim əvvəl içində olduğum, yaşadığım silsilə dövrün tam tərsidir. Çünki, həyatımın birinci hissəsində hər nəyə toxunmuşamsa zibilə çevrilib, həm sağlamlığım, həm münasibətlərim, həm də biznesim, ümumiyyətlə, mən nəylə məşğul olur-dumsa hamısı pis nəticələnib. Bu, milyonlarla insanın düşdüyü silsilədir. Fikrimcə onlar bu silsilədə batıb qalıblar. Amma onlardan da artıq insan başqa bir silsilədə ilişib qalıb.

2-ci dövrə: Neytral dövrə adlanır

Bu dövrədə qalanların hər bir yeni günü həmişə eyni cür olur, heç nə dəyişmir.

Gəlin, insanların bu silsilələrdə necə iliş-məsi barədə danışaq. Gəlin, özümüz üçün bir kəşf edək, görək öz silsiləmizi necə mükəm-məlləşdirə bilərik? Yaxud da özümüzü uğur silsiləsinə keçirib, orada necə qərar tuta bilərik?

Amma bunu etməyə başlamaq üçün ilk növbədə kiçik bir elmi tədqiqat keçirək və bu silsilənin hər birinin əsas tərkib hissələrini özümüz üçün müəyyənləşdirək.

Bu həmin o tədqiqatdır ki, mən buna bütün ömrümü həsr etmişəm. Əgər siz bütün bu silsilələri əmələ gətirən komponentləri anlaya bilsəniz, dərk etsəniz, o zaman sizin üçün bir silsilədən digərinə keçmək sadə bir iş olacaq. Ona görə də bütün bu silsilələrin tərkibinə daxil olan əsas komponenti sizə təqdim edirəm:

1) “Sizin reallığınız sizin xəyallarınızın, təxəyyülünüzün birbaşa nəticəsidir”

Fərqi yoxdur, hal-hazırda sizin həyatınızda yaxşı ya pis şeylər baş verir, şübhəniz olmasın ki, bu sizin xəyallarınızın məhsuludur. Sizlərdən kiməsə bu qaydaya inanmaq çətin olacaq. Çünki, sizin həyatınızda çox şeylər elə də yaxşı deyil, amma, eyni vaxtda siz səmimiyyətlə inanırsınız ki, xəyallarınız, fikirləriniz və istəklə-riniz çox güclü, dayanıqlı və müsbətdir. Mən sizinlə mərc gələrəm ki, bu belə deyil. Əgər həqiqətən də müsbət əhval ruhiyyədə müsbət xəyallar qurmuş olsaydınız və özünüz də buna səmimiyyətlə inansaydınız, siz bunu təntənəli surətdə elan edərdiniz və hər cür yolla bunu nümayiş etdirməyə çalışardınız, “məqsədlər lövhənizə” bərkitdiyiniz və yaxud yazdığınız xəyallar kimi.

Müdriyyətinizin və valideynlərinizin məslə-həti ilə qarşınıza qoyduğunuz məqsədlər də həqiqi deyil. Sizlərdən bəziləri hətta belə deyə bilər: ”Mənim heç bir istəyim yoxdur, heç nə xəyal etmirəm və həyatdan nə istədiyimi də bilmirəm.” Mən buna da etiraz etməliyəm ki, sizin istəyiniz və xəyalınız var. Lakin, bu neytral xəyaldır. Ən böyük məqsədləri həftəni başa vurub, həftə sonu istirahətə getmək olan belə insanlar bizim hamımıza tanışdır. Dövlət qullu-ğunda çalışan, yeganə məqsədi təqaüdə kimi tab gətirmək, sonra hər şey öz qaydasına düşəcək fikirləşənləri də tanıyırıq. Mənə elə gəlir ümumilikdə götürəndə dünyadakı insan-ların çoxu, fərqi yoxdur Moskvada, yaxud Mayamidə yaşasınlar, neytral xəyallarla, neytral təxəyyüllə yaşayırlar.

3-cü dövrə: Neqativ dövrə

Milyonlarla insan var ki, neqativ düşüncə tərzinə malikdir və daim başına mənfi hadisələr gələcəyini gözləyir. Nəticə etibarilə onlar bu mənfi hadisələri elan etməyə başlayırlar və buna uyğun olaraq da həmin hadisələri yaşa-yırlar.

Əgər siz hal-hazırda olmaq istədiyiniz yerdə deyilsinizə, deməli biz özünüz üçün yarat-maq istədiyiniz gerçək mənzərə barədə danışıb, onu aşkara çıxarmalıyıq.

Gəlin, mənim ailəmi nümunə kimi götürək və bu təsirə kənardan baxaq: Mənim anam! Mənim anam, atom elektrik stansiyasında baş verə biləcək ən dəhşətli fəlakətin ən bədbin variantıdı. O, qarşılaşdığı hər bir vəziyyətdən ən pis, ən acınacaqlı nəticələri gözləyir. Əgər o məni səhnənin kənarında görsəydi deyərdi: “Oğlum ehtiyatlı ol! Yıxılıb, boynunu qırarsan”. Masadan qələmi götürsəydim deyərdi: “Ehtiyatlı ol! Gözünü çıxardarsan!”

Yadımdadı, bir şənbə səhəri ofisimdə oturmuşdum. Anama zəng etməyi qərara aldım. Danışıq əsnasında günün qalan hissəsini nəylə məşğul olacağımı soruşdu. Cavabımda dedim ki, elə indicə ofisi tərk edəcəm. Vayperlərimdən (Dodge Viper minik avtomobili) birinə əyləşib, tavanı yığışdırıb, şose yolda yüksək sürətlə avtomobil qovacam. Anam cavabı heç düşün-mədi də, elə həmin saniyə dedi: ”Nə edirsən et, bircə polislərlə rastlaşma, yoxsa sənə cərimə yazarlar, bir də, ehtiyatlı ol, qəzaya uğrayıb şikəst olarsan.” Hansınızın mənim anam kimi anası var? Bəs hansınız məhz belə analardan-sınız? Və yaxud atalardansınız? Bir düşünün, buna bənzər cümlələr, sözlər, hansı əhvalı, hansı xəyalı yarada, hansı nəticələri verə bilər. O zaman başa düşəcəksiniz ki, milyonlarla insanın beynində neytral və ya mənfi təxəyyülü formalaşdıran informasiyalar hardan və necə qəbul olunur. Və bu onların xəyallarını onların bacardıqlarından daha aşağı səviyyədə saxlayır.

2)“Sizin təxəyyülünüz sizin təməlli, köklü inanclarınızın məhsuludur”

Sizin təməl inancınız isə, sizin nə gözlə-məyiniz, nədən gözləməyinizdi. Mən deyərdim ki, siz nə qədər yaşa dolmusuzsa, təməl inan-cınız da bir o qədər mənfiləşmişdir. Ən azından ona görə ki, siz həyatınızın çox hissəsini sosializm quruluşunda yaşamısınız. Əlbəttə, fundamental inancları üzərində daim çalışan insanlar istisnadır.

Biz Sosializm və Kommunizm barədə bilirik ki, onlar işləmir. Bəli, hər şey əla səslənir, ideal görünür, xüsusən də kağız üzərində. Amma real praktikaya gəldikdə, heç nə alınmır. Bu artıq bizə Sovet İttifaqı quruluşundan bəllidir, biz bunu hal-hazırda Çində həmçinin Kubada müşahidə edirik. Artıq biz bunu hətta Ameri-kada da müşahidə edə bilərik. Çünki, bu günki gördüyümüz Amerika əvvəl tanıdığımız Sovet İttifaqından daha artıq sosialist dövlətidir. Bu növ hakimiyyət modeli azad düşüncəli fərdləri məhv edir, sıxışdırıb çıxarır.

Uğurun sirri isə, məhz bizim azad, tənqidi düşüncəmizdədir. Hər zaman suallarla qarşı-qarşıya durub, bunlara verdiyimiz cavablara şübhəylə baxmağımız çox vacibdir. Buna görə də əgər siz kommunizmdə böyümüsünüzsə, demək şüurunuzda belə bir fikir kök atıb: “Sizin hakimiyyətiniz sizin qayğınıza qalmalıdır, sizin hakimiyyətiniz sizə pulsuz təhsil verməlidir, o, sizi tibbi xidmətlə, müalicəylə təmin etməlidir, sizi evlə təmin etməlidir.” Bütün bunlara inandı-ğınız gün şüurunuzda sizi hər zaman kasıblıqda saxlayacaq bir inanc kök atıb.

Ola bilsin ki, sizi hansısa dini, təşkilati cərəyan proqramlaşdırıb. ABŞ-da bu kimi prob-lemlər elə də böyük əhəmiyyət kəsb etmir. Amma, gəlin danmayaq ki, bu problem bütün dünyada mövcuddur. Çünki, dininizin təməl inancları sizi elə sizin öz şəxsiyyətinizə qarşı mənfi fikirlərə belə inandıra bilər. Qeyd edim ki, mövcud olan bütün dini cərəyanları diqqətlə öyrənmişəm. Mənə görə bunların hamısı avia şirkətlərin bonus sistemlərini xatırladır. Siz yəqin bilirsiniz ki, səyahətçi proqramında hər dəfə eyni avia şirkətlə uçanlara avia bonuslar, xallar yazılır. Daha doğrusu, siz təyyarəyə əylə-şirsiniz, öz kartınızı təqdim edirsiniz və hər uçuşa görə xal qazanırsınız. Bir çox mütəşəkkil dinlər də məhz avia şirkətlərdə bonus toplama proqramı kimi təşkil olunmuşdur. Avia şirkətlərdə isə vəziyyət belədir: İnsanlar mümkün qədər çox xal toplamaq istəyirlər ki, məsələn, Almaniyaya pulsuz uçuş əldə etsinlər.

Əsas dinlər də əslində sərbəst düşüncəli fərdlərin düşüncə tərzini dağıdır. Bu, milyonlarla insanı hansısa çatışmamazlıqlar və məhdudiy-yətlər çərçivəsində saxlayır. Əslində isə onlar əsas dinlərin əsl mahiyyətini, əsl çatdırılmalı olanı gizlədirlər. Məsələn, bizdə böyük sayda xristian kütləsi var ki, onlar günahkar olaraq doğulduqlarını düşünürlər. Ona görə də, belə bir insan heç vaxt özünü yaxşı şeylərə layiq bilmir və hər zaman hesab edir ki, özünü xilas etməkçün mümkün qədər müsbət xal topla-malıdır. Əslində bu insan öz uğurunun qarşısını alır. Düşünməyin ki, mən indi xristianlığa qarşı çıxıram. Biz yəhudi, buddist, islam, indus və sairə dinlərə baxa bilərik. Hamısı eynən avia şirkətin bonus proqramını xatırladır. Hər şey eyni bir inanca söykənib ki, siz nalayiq insansınız və layiqli olmağınız üçün sizi təmir etmək lazımdır. Və bu da sizin təməl inancı-nızdır. Siz planlar qurur, hər hansı bir işə başlamaq istəyirsiniz. Hansı iş olmasının fərqi yoxdur, əgər sizin fundamental inancınız mənfidirsə, bu, uğurunuzun qarşısını alacaq. Mən bunu dəqiq bilirəm, çünki, mən bununla 30 il məşğul olmuşam. Biz bu çərçivədən çıxmağı ən azından istəməliyik. Bunun üçün isə bizə bu silsilənin 3-cü komponentinin nə olduğunu bilmək vacibdir:

3) ”Sizin inancınız sizin proqramlaşdırılmanızdan asılıdır!”

Televiziya, radio, jurnallar, qəzetlər, internet, kinofilmlər və oxuduğunuz kitablar… Siz dərk etməlisiniz ki, istifadə etdiyiniz bütün bu şeylər, şüuraltı səviyyədə sizi proqramlaşdırır. Bu proqramlaşdırma şüurunuzun üzərində aparılır və siz bu prosesi qətiyyən hiss etmirsiniz. Amma bu belədir.

Sizin layiqli adam olmamağınız barədə proqramlaşdırma, varlıların pis və qəddar adamlar olması barədə proqramlaşdırma, kasıblığın alicənablıq olduğunu, insan mənəviy-yatını qoruduğunu aşılayan proqramlaşdırma…

Xahiş edirəm, Sovet dönəmində şüuru-nuza həkk olunmuş bütün bu proqramları yadınıza salasınız.

Varlı insanlar barəsində ildən-ilə yedirilən cəfəngiyatlar… Bir çoxlarınız on illərldir ki, dövlətdən, kütləvi informasiya vasitələrindən bununla qidalanırsız. Bəs, qatıldığınız dini cərəyanlar barədə nə düşünürsüz?

Bilirsizmi, mən hər dəfə şərqi Avropaya səyahət edəndə küçələrdə kinofilmlərin böyük sayda reklam plakatlarını görürəm. Elə indicə “Ulduz müharibələri”, “Betman”, “Hörümçək adam” və sairə filmlərin reklamını gördüm. Bütün bloqbasterlər, Hollivudda hitə çevrilmiş bütün filmlər artıq buradadır. Sual verirəm: ”Necə düşünürsünüz, bu filmlər sizin üçün hansı şüuraltı proqramlaşdırmaya səbəb olur?”

Mən sizə bu filmlərin hər birinin daşıdığı fundamental proqramlaşdırmanı deyəcəm: 1. Pullar pisdir. 2. Varlı insanlar hamısı qəddar-dır. 3. Kasıb olmaq ruhən varlı olmaq deməkdir.

Sizlərdən kimsə Titanik filminə baxıb? Əlbəttə, hamınız baxmısınız. Hardan bilirəm? Ondan ki, bu film kino tarixində ən uğurlu, ən gəlirli və ən çox səs-küyə səbəb olan filmdir. Və o, Amerika prokatlarında 2 milyarddan çox dollar toplamışdı. Sizə deyim ki, bu, kino tari-xində çəkilmiş ən qorxulu, ən zalım və ən dəh-şətli filmdir. Və bu film nə qədər çox xoşunuza gəlirsə, sizə bir o qədər çox şüuraltı natamamlıq proqramı yüklənib. Gəlin bu film barədə nəyə görə belə şeylər danışdığımı sizə izah edim. Çünki, əminəm ki, indi üzünüzdə təəccüb və anlaşılmazlıq əlamətləri yaranıb. Soruşursunuz ki, axı niyə o qəddar və zalım filmdi, axı bu gözəl bir sevgi hekayəsidir?

Gəlin belə təsəvvür edək ki, biz sizinlə birlikdə, hərəmizə bir qutu popkorn alıb kinoya getmişik. Budur, birincı səhnədə Leonardonu görürük. Çox xoşbəxt oğlandı, onun həmişə bəxti gətirir. Sual: O niyə belə bəxtəvərdi? Çünki, o kasıbdı! O, hətta Titanikə bileti də kartda udur. Onun varlılar kimi narahat olacağı heç bir şeyi yoxdu. O tam rahatdı. Siz bir düşünün, milyon-çuların nə qədər problemləri var. Birdən qulluqçu xəstələnsə və bu gün işə gəlməsə nə olacaq? Birdən kimsə onların yeni Ferrarisini mıxla cızsa? Hələ şəxsi təyyarə saxlamaq üçün nə qədər vəsait lazım olduğunu düşünün. Leonardo isə xoşbəxtdi, ona bütün bunları düşünmək lazım deyil.

İkinci səhnədə biz Rozayla tanış oluruq. Roza… O tamamilə bədbəxtdir. Yadınızdadır nəyə görə? Çünki, o çox darıxdırıcı, varlı bir adama ərə getmək məcburiyyətindədir. Onun anası deyir: ”Roza, sən bunu bizim ailəmizin naminə eləməlisən.” Bu da bizim bu səhnədən aldığımız ikinci şüuraltı informasiya: Siz pula görə ruhunuzu iblisə satmalısınız. Sonra isə filmi və oradakı, bütün emosional səhnələri yadınıza salın. Gəlin Rozanin 1-ci dərəcədən olan restoranda etdiyi nahar yeməyini xatırla-yaq. O, bütün bu darıxdırıcı adamların arasında oturaraq bir anlıq fikrə gedir: ”Mən bütün həyatımı bu insanların arasında keçirməli olacam?” Sonra isə bu səhnəni görürük: Bəm-bəyaz əlcəklər geyinmiş ana və qızı. Ana qızını ilbiz üçün nəzərdə tutulmuş, sol tərəfdən 8-ci çəngəldən istifadə edə bilmədiyi üçün cəzalan-dırır. Biz bu səhnələrdə varlı insanların necə xüdbin və təkəbbürlü olduğunu görürük. Sonra Leonardo ona deyir: ”Gedək mənimlə 3-cü dərəcədən olanlarçün göyərtəyə və mən sənə əsl əyləncənin nə olduğunu göstərim.” Yadınız-dadır? Onlar kasıblar əylənən yerə gəlirlər, orada isə xoş-bəxtlik, şənlikdi. Hamı rəqs edir, oxuyur, əylənir. Və biz, bunu hiss etmədən, yenə də öz kiçik şüuraltı proqramlaşdırma payımızı alırıq və bu informasiya bizə deyir: varlılar çox lovğa və darıxdırıcıdırlar. Kasıblar isə, əslində çox yaxşı, mülayim, şən insanlardır. Əgər sən vaxtını əla keçirmək isəyirsənsə, kasıbların məclisində əylənmək lazımdı.

Son səhnəni xatirlayaq. Nəhayət ki, gəmi aysberqlə toqquşur və budur varlılar qayıqlara oturub günbatan istiqamətinə avar çəkirlər. Kasıb camaatı isə öz göyərtələrində qapadıblar, onlara ordan çıxmağa icazə vermirlər. Varlılar pul qablarını çıxarıb, xilasetmə qayıqlarında özlərinə yer almağa çalışırlar. Bu filmdəki ən varlı adam isə qayığa düşməkçün südəmər körpəni oğurlamağa çalışır.

Sual belədir: “Sizcə burada hansı informa-siyanı şüurumuza proqramlaşdırmağa çalışırlar?”

Orada bir səhnə də var. Qadın iki uşağıyla göyərtədə dayanıb deyir: ”İndi biz öz kayutumuza gedib qapını bağlayacağıq və suya qərq olana kimi kilsə himni oxuyacağıq.”

Filmin sonuna keçirik. Budur, Rozanın təxminən 150 yaşı var. Nəvəsi əlindən tutub, hərəkət etməyə kömək edir, bir sözlə, bu qoca qarının hər cür qayğısına qalır. Rozanın isə boynundan 40 milyon dollar dəyəri olan boyun-bağı asılıb. O, bu boyunbağını nəvəsinə verib onun bütün həyatını təmin edə bilərdi. Düzdür? Bəs o neylədi? O bu boyunbağını köpək balıq-larına yem elədi. Səhnə səhnə ardınca, bu film sizi proqramlaşdırır ki, pullar pisdi, varlı insanlar hamısı qəddar və amansızdı. Kasıblıq mənəviy-yatlı olmaqdı. Və siz bu filmi nə qədər çox bəyə-nirsizsə, proqramlaşdırma beyninizə bir o qədər çox hopur. Əgər sizin evinizdə bu filmin diski və yaxud kaseti varsa, yaxşısı budur onu məhv edin. Əgər baxmamısınızsa? Yaxşı ki, baxmamısınız.

Mən bir-birinin ardınca çox filmləri xatırlaya bilərəm. Hörümçək adam barədə düşünür-sünüz? Daha bir səs-küyə səbəb olmuş kassa filmi. Kim deyər bu filmdə cinayətkar kim idi? Bəli, düzdü, varlı adam. Filmdə belə bir səhnə var. Piter dayısı ilə danışır. Dayısı isə gənc Piterə tarix boyu insanın kəşf etdiyi ən məşhur təcridedici sözləri deyir: “Ola bilsin ki, biz varlı deyilik. Amma ən azından dürüst insanlarıq.” Əslində bu nə deməkdi? Bu o deməkdir ki, bütün varlı insanlar başdan-ayağa kriminaldırlar. Onların hamısı cinayətkar, baş kəsəndirlər, hamısı yalan danışır və soyğunçuluq edir, bu yolla da varlanırlar. Və əgər kimsə sizə gənclikdə buna bənzər nəsə deyibsə… Mən yüz faiz əminəm ki, sizə də kimsə buna bənzər bir cümlə deyib. O vaxtdan bu cümlə sizin təməl inancınıza çevrilib. Artıq, siz böyümüsünüz, sizin 30, 40, 50 yaşınız var və siz istəyirsiniz ki, təzə, qəşəng maşınınız olsun, təzə, yaraşıqlı evdə yaşayasınız. Əmin olmaq istəyirsiniz ki, övladlarınızın gözəl gələcəyi olacaq. Səmimi qəlbdən inanırsınız ki, varlı olmaq istəyirsiniz. Varlı insan olmaq yolunda ilk addımlarınızı atmağa başlayırsınız, lakin, altşüurunuzda varlı insanların pis adamlar olduğuna inanırsınız. Varlı olmaq üçün siz də yalan danışmalı, oğurluq etməli və aldatmalı olacağınızı düşü-nürsünüz. Elə burada da münaqişə yaranmağa başlayır. Məhz bu sizi özünüzə qarşı çıxmağa məcbur edir. Budur, qarşınıza gözəl bir fürsət çıxır və siz öz-özünüzə deyirsiniz, bu, həqiqət olmaqçün həddən artıq cəlbedicidi. Və yaxud da, əsl real müştəriylə və ya ideal biznes orta-ğınız olacaq birisiylə qarşılaşırsınız, lakin, bu insana zəng etməyə, onunla kontakta girməyə cəsarətiniz çatmır. Siz tərəddüd edirsiniz və biznesiniz üçün gərəkli olacaq bir çox şeyləri etməkdən boyun qaçırırsınız. Müştərilərinizə zəng vurmaq əvəzinə, ofisinizdə dəyişiklik eləməyə başlayırsınız, çantanızı səhmana salır və yaxud qələm yonmaqla məşğul olursunuz. Biznesinizi inkişaf etdirmək əvəzinə 125-ci dəfə şirkətin video rolikini izləyirsiniz. Belə bir proq-ramlaşdırmayla yalnız belə nəticələr almaq olar.

Gəlin, “Hörümçək adam” barədə 2-ci filmə nəzər salaq. Əgər yadınızdadırsa, bu filmdə o pitseriyada işləyir. Onun işi pitsaları ünvanla-rına çatdırmaqdı. Əgər gecikərsə, onu hər an qova bilərlər. Budur, o, 20 pizzadan ibarət sifa-riş alır və bunu ünvana çatdırmalıdır. Yolu keçərkən iki azyaşlı uşağın az qala yük maşınının altında qalacağını görür. Və o qərara alır ki, əlindəki pitsaları yerə atıb, uşaqları xilas etsin. Təbii ki, bundan sonra o pitsaları ünvanına vax-tında çatdıra bilmir və buna görə onu işdən qovurlar.

Sual: Bu səhnədən sonra sizin beyninizdə hansı inanc proqramlaşır? O, öz pullarından, işindən, maddi təminatından imtina edir ki, yax-şı işlərlə məşğul olsun. O özünü daha böyük və əhəmiyyətli işlərçün fəda edir. Bir müddət sonra o, bibisi ilə danışır və Hörümçək adam olması barədə ona bir söz deməkdə tərəddüd edir. Söhbətin mövzusu, insanın sevdiyi şeylərdən imtina etməsi, sevdiklərini daha müqəddəs amal uğrunda tərk etməsi barədə olur. Bibisi ona deyir: “Xüsusi kateqoriyalı insan növü var və bu növ insanlar bütün insanlıq üçün, bəşəriyyət üçün hər şeylərindən keçməyə hazırdılar.” Bütün bunlar nə vaxtsa Marks və Leninin təbliğ etdiyi eyni cəfəngiyyatdı. Bu, elə həmin yalan, həmin proqramlaşdırmadır ki, insanları xəstəlik, səfalət və avamlıqda saxlayır.

Bilirsinizmi, bugünki gündə sosializm artıq təhlükəli sayılmır. Çünki, bu modeldə nəsə işləmir. Amma, ən pis nəticələr şüuraltı proq-ramlaşdırmada qalır. Bunun sayəsində insanlar öz güclərini, öz seçimlərini hökümətin əlinə verir, özlərini proqramlaşdırmağa icazə verir və özləri özlərini uğursuzluğa, ehtiyaca və aza qane olmağa proqramlaşdırırlar.

Gəlin bu 3 əsas amili, dövrənin əsas 3 toplananını yekunlaşdıraq.

1.Sizin gerçəkliyiniz sizin təxəyyülü-nüzdən yaranır.

2.Sizin təxəyyülünüz sizin təməli inanc-larınızdan yaranır.

3.Sizin təməli inanclarınızı sizin şüuraltı proqramlaşdırmanız yaradır.

Əgər biz bu silsilədə nəyisə dəyişmək istə-yiriksə, ən dərin mərhələdən başlamalıyıq. Bunun üzərində dayanıb işləməliyik. Siz bunun nə dərəcədə vacib olduğunu dərk etməlisiniz, çünki, bütün tərəqqi bunun üzərində qurulub. Əgər bunu həm ağlınız, həm qəlbinizlə həqi-qətən də dərk etmiş olsanız, o zaman, bu gecə yuxuya getmək sizin üçün çox çətin olacaq. Çünki, siz açıq gözlərlə uzanacaq və qarşınızda açılan imkanları nəzərdən keçirəcək-siniz. Yeri gəlmişkən, siz eynilə mənim kimi bir yox, bir çox belə yuxusuz gecələr keçirəcəksiniz. Mən yatağımda uzanaraq tavanda dairələr çəkirdim və bütün bu imkanları təsəvvürümdə canlan-dırırdım.

Əgər siz proqramlaşdırmanı idarə edə biləcəksinizsə, deməli özünüzdə düzgün olan inancları da yarada biləcəksiniz. Əgər düzgün inanclar yaradırsınızsa, deməli özünüz üçün müsbət təxəyyül yarada, pozitiv xəyallar qura biləcəksiniz. Bununla da müsbət nəticələr alacaqsınız.

İnanın ki, mən bütün filmlər, tv-şoular, bestseller kitablar barədə saatlarla ətraflı müza-kirələr, tədqiqatlar aparıb, analiz edə bilərəm. Bunların 99%-inin neqativ proqramlaşdırma olduğunu sizə açıq-aydın sübut edə bilərəm. Orta statistik insan həftədə bir dəfə kinoya baxır, film izləyir. Orta statistik insan gündə bir dəfə qəzet oxuyur. Onlar düşünürlər ki, qəzet onları savadlandırır, əslində isə tam əksidir. Orta statistik insan gün ərzində 5-6 saat TV proqramlarını izləyir. Gün ərzində gözünüzü beş saat ekrana zillənmək sizin beyninizi kəsmiyə döndərir. İnsanların çoxu bunu edir. Əgər siz uğurlu insan olmaq istəyirsinizsə, başqa cür olmalısınız. Siz şüurunuza yazılan proqramlaşdırmaya nəzarət etməyə məcbur-sunuz. Siz bu proqramlaşdırmanı idarə etdiyiniz zaman silsilə nəticələr alınmağa başlayacaq. Hər şey o həddə çatacaq ki, siz nəhayət nail olacağınız nəticələri də idarə edəcəksiniz.

Gəlin proqramlaşdırmanın nə dərəcədə dərin təsirə malik olduğunu sizə azacıq da olsa izah edim. Bu, çox yoluxucu və davamlı bir şeydir.

Mənim uzun illərdi biznes əlaqələri qurdu-ğum çox yaxın və əziz bir dostum var. Əslində çox yaxşı insandı, amma, o daim mübarizədədi. Bir dəfə biz onunla Avstraliyada restoranların birində masa arxasında səhər yeməyinə əyləşmişdik. Söhbət əsnasında çalışırdım izah edim ki, o, düşdüyü bu vəziyyətdən çıxmalıdı və daha çox qazanc əldə etməlidi. O mənim qarşımda oturmuşdu və cavabı da belə oldu ki, Rendi, mənim daha çox pul qazanmaqda prob-lemim yoxdu. Əgər yadınızdadırsa demişdim ki, mən təcrübəli aliməm və çıxardığım nəticə-lərdən biri budur ki, insanlar özləri də inanmadıqları şeylər barədə danışanda başla-rını o tərəf bu tərəfə yırğalayırlar. Bu şüuraltı etirazdı. Lakin çoxlarl bunun nə demək olduğunu bilmirlər. Mənim dostum özü bədən dili müəllimi olduğundan bunları bilir. Buna görə mən ondan soruşdum: “Əgər sənin qazancla bağlı heç bir problemin yoxdursa, bəs niyə bu sözləri deyəndə başını yırğalamağa başladın?” O isə mənə dedi ki, yox mən başımı yırğa-lamadım. Mən dedim: “Sən bunu yenə də elədin.” O yenə inkar etmək istəyirdi ki, özünü bu hərəkətdə tutdu və təəccüblə dedi: “Belə çıxır ki, mən buna şübhə etməliyəm?” Və qərara aldı ki, bu barədə bir neçə gün düşünmək istəyir. Üç gündən sonra biz onunla yenidən görüşdük. Bu dəfə Havay adalarında şam edərkən mən ona dedim ki, bir anlıq ilk biznes sövdələşməsini yadına salsın. İlk işində o, 28 milyon dollar gəlir gətirəcək bir sövdələşməyə sərmayə yatırmışdı. Sonra o, bu işi tərk etdi. Və nəticədə bundan heç bir şey qazanmadı. Təbii ki, o bunu xatırladı. Mən bunu onun baxışların-dan gördüm, çünki, o mənə sualedici nəzərlərlə, təəccüblə baxmağa başladı. Mən dedim: “Gəl sənin ikinci kompani-yanı xatırlayaq. İkinci dəfə sən bir şirkət üçün hovuz geyimlərinin satışını təşkil etdin, daha doğrusu, sən kompaniya üçün onlara elə həmin dəqiqə bir neçə milyon dollar qazandıran marketinq planı hazırladın, lakin onlar səni bu layihədən sıxışdırıb çıxardılar və nəticədə sən yenə də heç nə qazanmadın. Sonra sən Leslə işləməyə başladın. (Les bizim dostlarımızdan biridi). Sən ona milyonları qazanmağı öyrətdin, amma özün heç nə qazan-madın. Bəs sənin sonuncu işin necə oldu? Bu işin nəşriyyat şirkətinə xeyir gətirdi, sən isə hələ də heç nə qazanmamısan. Sənə elə gəlmir ki, burada bir oxşarlıq, silsilə var?” O dedi: “Mən heç vaxt bu hadisələrə bu yöndən baxmamışam, bu qazanc imkanlarını da nəzərə almamışam.” “Mən isə hər bir şeyə eyni nöq-teyi nəzərdən baxıram və mən sənin həyatında daim davam edən sonsuz bir silsilə gördüm. Sən qatildığın hər bir işdə, hər bir şirkətdə çox dinamik, güclü katalizator rolu oynamısan, çalışdığın şəriklər üçün böyük pullar qazan-mısan, özün üçünsə heç bir şey.” O dedi: “Mən heç vaxt bu barədə düşünməmişəm.” Ona məsləhət gördüm ki, on yaşı olanda baş verənləri yadına salsın. “Xahiş edirəm, mənə deyəsən, on yaşın olanda pul barədə nə düşünürdün? Nəyə inanırdın? Varlılar barədə nə fikirdəydin? Mənə elə gəlir ki, sənin təməl inancların artıq on yaşına kimi formalaşmış olub.” Və o, on yaşında nələrə inandığını xatır-lamağa çalışdı. Hər şey onun ağlamağa başlaması ilə bitdi. O dedi: “Yaxşı, mən sənə həqiqəti danışacam.” O yetim olub və öz vali-deynlərini heç vaxt görməyib. Çoxlu sayda uşaq evləri dəyişib. Əvvəl körpələr evinə, sonra uşaq evinə, daha sonra ikincisinə, üçüncüsünə göndərilmişdi. On yaşı tamam olanda onu multimilyoner övladlığa götürüb. Və ona işgəncə verib. Həmin bu multimilyoner öz ailə üzvlərini idarə etmək üçün var dövlətindən istifadə edirmiş. O, iki il sərasər bu evdən qaçsa da, hər dəfə tapıb geri qaytarıblar. Nəticədə, artıq on iki yaşında küçədə yaşamağa başlayıb. Atalığı burada da onu tapıb polisə təhvil verib. Sadəcə əlindən heç yerə qaça bilməyəcəyini ona sübut etmək üçün. Bax bu da onun pullar barəsində formalaşmış təməli inancı olmuşdur. O, demək olar ki, bütün həyatını, bütün imkanlarını ögey atasına oxşamamağa sərf etmişdi və onu atasına oxşatmağa çalışan hər kəsi öldürməyə hazır idi. Əslində isə öldürməkdə davam etdiyi insan elə özü idi.

Sizin ev tapşırığınız:

Mən istəyirəm ki, indi siz gedib, oturub, sakitcə bir müddət düşünəsiniz və on yaşınızda nələr düşündüyünüzü xatırlayasınız. Dövlətin sizin həyatınızdakı rolu barədə nə düşünür-dünüz, pul barədə nə düşünürdünüz, varlı insanlar barədə nə düşünürdünüz?

Özüm-özümü alim elan etdiyimi bildirsəm də, hadisələri analiz etməyi xoşladığıma yəqin ki, fikir vermisiz. Günlərin birində mən qərara aldım ki, öz keçdiyim yolu tədqiq edim. Və bütün bu yolu hər bir insana kömək edə və hər kəs tərəfindən təkrarlana bilən bir neçə mər-hələyə böldüm. Eyni zamanda mən bu yolda əsas prinsip və strategiyaları araşdırdım. Həyatda kəşf etdiyim bilgilərdən biri də odur ki, hər insan öz fərdi texnikasını, üsulunu tapa bilər. Lakin, əsas məsələ bu üsulu tətbiq etmək, həmçinin də öyrətməkdir. Məncə, mənim uğurumun əsas səbəbi məhz bu olub.

Mən tərəqqinin necə işləməsi üzərində araşdırma apardım. Bu proses zamanı kainatın tərəqqı prosesində özlərini 100% doğruldan 7 əsas qanununu aşkar etdim. Sonra isə əldə etdiyim dəlilləri qarşıya qoyub, sual verdim: “Bu qanunlara riayət etməkçün hansı prinsiplərlə yaşamaq lazımdır?”

İndi deyəcəyim şeylər mütərəqqi olmaq üçün sizə gərək olacaq ən vacib məqamlardır. Bu sözlər, hətta sizin biznes artımı strategiya-nızdan da qat-qat vacibdir. Məsələ burasındadır ki, siz bu prinsiplərlə yaşamağa başlasanız, müəyyən bir növ insanlardan olacaqsınız. Və elə bu andan etibarən məhz bu növ insanları özünüzə cəlb edəcəksiniz. Bu insanlar məhz sizinlə işləmək istəyəcəklər. Təkcə ona görə ki, siz də belə bir insansınız. Siz mükəmməl işgüzar görüşlər keçirə bilməsəniz belə, işinizi tam mənasında anlamasanız da, verilən sual-ların hamısını cavablandıra bilməsəniz də onlar sizin kim olduğunuzu görəcəklər. Onlar sizin necə yaşadığınızı görəcəklər. Və onlar da bu prosesin bir hissəsi olmağa çalışacaqlar.

Gəlin bu qanunlara baxaq:

Prinsip № 1

Əgər siz vakuum (boşluq) yaradırsınızsa, kainat bu boşluğu yaxşı şeylərlə doldurur. Məncə, bu ən vacib kainat qanunlarından biridir. Biz indi onu müzakirə edəcəyik. Gəlin təbiətdə bu qanunun necə işləməsi barədə sizə misal göstərim: Tutalım, siz qışda Sibir çöllərini gəzməyə çıxmısınız. Addımladıqca sizin ayaq izləriniz qalacaq, lakin, çox az müddətdə külək bu izləri yenidən qarla dolduracaq. Eyni şey siz dəniz kənarında gəzəndə də baş verir. Qumda izlər qoyursuz, sonra külək və yaxud yeni bir dalğa bu izləri yenidən qum dənəcikləri ilə dol-durur. Çünki, təbiət hər zaman boşluğu doldurur. İndi biz əsas inanclarımızdan birinin təməlini qoyacağıq. Mənim təməl inancım belədir:

Kainat çox yaxşıdır, mən hər dəfə həyatımda boşluq yaradanda oraya yaxşı şeylər dolur

Ola bilsin ki, bu söhbət həddən artıq meta-fizikdi. Ola bilsin ki, mən həddən artıq abstrakt danışıram və yaxud sizə elə görünür. İndi bu dediklərimə aydınlıq gətirəcəm: Bir çox tədqiqatlar sübut etmişdir ki, kainat enerjidən ibarətdir. Bunu isbat edən, cazibənin mövcud-luğuna heç bir şübhə qoymayan çoxlu sayda dəlil-sübutlar var. Siz firavan yaşayırsınızsa, ətrafınıza sizin kimi yaşamaq istəyən çoxlu sayda insanlar toplanır.

Gəlin, indi də bu prinsiplərlə yaşamaq üçün ata biləcəyimiz bir sıra addımlar barədə danı-şaq. Fərz edək ki, siz özünüzə bir cüt təzə ayaqqabı almaq istəyirsiniz. Şəxsən mən istərdim özümə bir cüt təzə dəbli çəkmə alım. Bu o deməkdir ki, biz şkafımızda eşələnib, ora-dan bir cüt köhnə çəkmə tapıb, onları harasa yox eləməliyik. Əgər siz yeni bir əlbisə istəyir-sinizsə köhnəsindən qurtulmalısınız, yəni, vakuum, boşluq yaratmalısınız ki, yenisiylə əvəz olunsun. Maraqlı olan bilirsiniz nədir? Bu qanun tərəqqinin hər yönündə, hər sahəsində işləyir.

Əgər sizi neqativ insanlar əhatə edirsə, bu o deməkdir ki, sizin həyatınızda pozitiv insan-larçün daha yer yoxdu. Əgər siz daima xəstə olduğunuz fikri ilə yaşayırsınızsa, o zaman həyatınızda sağlamlıq üçün yer qalmır. Bu o deməkdir ki, sizin etməli olduğunuz iş vakuum yaratmaqdır.

Bunun mənim həyatımda necə işlədiyini göstərmək istəyirəm.

Bir vaxtlar mən bir neqativ şəxsi münasi-bətdən digərinə keçirdim və nəhayət 11 belə şəxsi münasibəti geridə qoyandan sonra qərara aldım ki, bu problemlə bağlı hər hansı bir məs-ləhət alım. Biz psixoloqla görüşümüzdə özümüz üçün gözlənilməz faktlar aşkar etdik. Məlum oldu ki, əslində heç birimiz bu cür şəxsi münasi-bətlər üçün yetərincə emosional yetkin deyilik. O an çox-çox vacib bir məqamla qarşılaşdım. Əslində, mən bu ideyanın özünü sevirdim. Aşiqlik, sevmək fikrini sevirdim. Həqiqətdə isə heç kimi sevmirdim. Bir müddət bu psixoloqla məsləhətləşdikdən sonra, ayıq başla qərara gəldik ki, ayrılmağımız məsləhətdi. Mən yaxşı oğlan olmağı öhdəmə götürdüm və dedim ki, evi özünə götür, mebeli də, bütün hasabları ödəyirəm, bu, kollecə getmək üçün pul, bu da əlavə xərclərin üçün. Mən isə yalnız maşınımı və paltarlarımı götürüb buradan köçürəm. Bilir-sinizmi, həqiqətən də maraqlı şeylər baş verdi. Bu ayrılıqdan bir ay sonra maşınımda küçəylə gedirdim. Başımı çevirib baxanda çox gözəl, heyrətamiz bir maşın gördüm. Mən nə etdim? Öz maşınımı satdım və bu təzə EN Essex modelini aldım. Bir həftə sonra mən artıq təzə maşınımda San-Dieqoya gedirdim. Orada seminar keçirməliydim. Mən özümlə qalstuk götürməyi unutmuşdum. Mehmanxanada mənə məlumat vermişdilər ki, oradan təxminən bir mil aralıda kişi geyimləri mağazası yerləşir. Budur, mən mağazaya daxil olur və bu məkana heyran oluram. Bura çox dəbdəbəli idi. Hər tərəfdə manekenlər düzülmüşdü və onların əynindəki yaraşıqlı geyimlər – pencəklər, şalvarlar, köynəklər, qalstuklar çox ideal seçilmişdi. Bir tərəfdə isə kiçik bar yerləşirdi. Alıcılar hər vaxt orada təzə dəmlənmiş kofe içə bilərdilər. Ən əsası isə, mənim ən çox sevdiyim səhnə: fortepiano və onun arxasında oturub gözəl musiqi ifa edən adam. Bu yer çiçəklənməkdə, tərəqqi yolunda idi. Və budur, bir xanım mənə yaxınlaşır və soruşur: ”Nə arzulayırsınız?” Mən ona ölçülərimi deyir və manikenlərdəki paltarları göstərirəm: “bunu, bunu, bunu, həmçinin bunu da, bunu da…” və sairə. Demək olar ki, hər manekendən bir şey aldım. Nəticədə 1000 dollara kimi pul xərcləmiş oldum. Mehmanxa-naya qayıdıb, sabahkı çıxışıma hazırlaşmağa başladım. Özümlə daşıyıb gətirdiyim, seminara geyinəcəyim paltara, sonra isə, elə indicə aldı-ğım bir yığın təzə geyimə baxdım. Mən artıq köhnə paltarları geyinmək istəmirdim. Mən təzə, qəşəng geyimləri geyinmək istəyirdim. Təsadü-fən köynəklərdən birində xırda bir ləkə gördüm, həm də çıxışa geyinəcəyim köynək üçün düymə almağı unutmuşdum. Çıxışım ertəsi gün günor-tadan sonra olacaqdı. Ona görə də səhər tezdən etdiyim ilk şey əlbəttə ki, o mağazaya qayıtmaq oldu. Orda gördüyüm bir neçə cüt düyməni, sonra daha bir neçə qalstuk və köynək aldım. Nəticədə daha bir neçə min dollar xərcləmiş oldum.

İki həftə keçmişdi ki, San-Fransiskoda həmin mağazalar şəbəkəsinin daha bir filialına rast gəldim. Və təbii ki, yenə mağazada qarşı-ma çıxanı almağa başladım. Mayamiyə qayı-danda ağlıma bir fikir gəldi: evdə olan bütün paltarlarımı niyə də təzələməyim? Çünki, bu vaxta qədər olan bütün geyimlərim monoton və darıxdırıcı idi. Təzə aldığım şeylər isə o qədər xoşuma gəlmişdi ki, onlar mənə həyatımda yeni bir başlanğıc hissini aşılayırdı. Qərara aldım ki, hər şeyi tamamilə yeniləyəcəm. özünüz bunu etməsəniz bunun üçün nə qədər pul tələb olunduğunu ağliniza da gətirməzsiniz.

Bəli, bu çox pul istəyir, lakin, mən bunu etdim. Qısa müddətdən sonra mən bir şeyi dərk etdim. Həyatım boyu məni neqativ hadisələr və silsilələr, həmçinin neqativ şəxsi münasibətlər əhatə edirdi. Mən konsultanta müraciət etdim və özlüyümdə bu silsiləni qırmağa qərar verdim. Maşınımı və geyimlərimi özümlə götürdüm. Nəticədə köhnə maşınımla da, paltarlarımla da vidalaşdım. Mən onları təzələrinə dəyişdim. Və məlum oldu ki, bu iki şey, mənim maşınım və paltarlarım keçmiş həyatımla olan son əlaqə idi. Etdiyim bu hərəkətlərlə mən yeni həyatım üçün vakuum yaratdım.

Mən artıq sizə demişdim ki, bu qayda tamamilə hər sahədə işləyir. Gəlin fərz edək ki, siz çoxlu insan yaşayan bir mənzilin sakinisiniz. Və sizi hər zaman başqalarına məxsus olan çoxlu sayda əşyalar əhatə edir. Məsələn, divarlardan bir şəkilin yerinə səkkiz şəkil asılıb. Divarlar rəflərlə, rəflər isə müxtəlif əşyalarla doludu. Həddən çox mebel var. Hara baxsanız bütün bunları görürsünüz. Bəlkə, çoxlarınızın vəziyyəti həqiqətən də belədir. Əgər sizi bu cür darısqal, qarmaqarışıq mühit əhatə edirsə, çox güman ki, siz fikrinizi cəmləyə bilmirsiniz. Eyni şeyi sizin ofisiniz barədə də demək olar. Əgər sizin iş masanızın üstünü kitablar, vərəqlər, qələmlər və sairə zəbt edibsə, əgər başınız çoxlu sayda işə qarışıbsa, bu o deməkdir ki, gündəlik həyatınızda sakitlik və harmoniya üçün yer qalmayıb. Ona görə də diqqətiniz yayılırsa, daim kənardan təzyiq hiss edirsinizsə, sizə belə bir məsləhət verərdim: Evinizdə və iş yerinizdə sizi əhatə edən mühiti sadələşdirin. Beləliklə vakuum yaradacaqsınız. Siz məşğulluğu və yayınmanı yığışdıracaqsınız ki, həyatınıza diq-qət və harmoniya gətirəcəksiniz.

Firavan yaşamaq yolunu tutmaq istəyən insanlar bu sahədə üzləşdkləri problemlərlə bağlı mənə müraciət edirlər. O zaman onlara verdiyim ilk sual belə olur: ”Həyatında nədən əl çəkməlisən, nələri atmalı, tərk etməlisən?” Elə sizə də eyni sualı verirəm: “Sadəcə buraxmaq lazım olanı nədən möhkəm-möhkəm tutmu-sunuz?”

Misalçün, mobil telefon. Elə bir zəmanədə yaşayırıq ki, dünyada mövcud olan az qala hər bir insan mobil telefondan istifadə edir və hər kəs onu özü ilə hər yerə daşıyır. Çərşənbə axşamı Budapeştdə baletə tamaşa edirəm. Hər üç dəqiqədən bir zalın hansısa küncündən telefon zəngi eşidilir. Özüm telefondan mənə lazım olanda istifadə edirəm. Demək olar ki, bütün qalan vaxtı o, söndürülmüş vəziyyətdə olur. Demək olar ki, heç vaxt onu özümlə daşı-mıram. O həmişə mənim çamadanımda olur. Mən ondan mehmanxanaya çatdığım vaxt evə zəng etməkçün istifadə edirəm, yaxud da məni 3-4 saatlıq səyahət gözləyirsə onu maşına götürürəm. Hətta, bu vaxtı da zəng etmək üçün istifadə etmək istəməzdim. Çünki, mən telefondan, mənə xidmət etməsi üçün istifadə edirəm, mən öz telefonuma xidmət etmirəm. Mən boşluq yaratmışam, çünki sakit, harmoniya dolu həyat yaşamaq istəyirəm. Bilirsinizmi, mənim dostlarımı bu dəli edir. Mənə deyirlər, sənə zəng vururuq, sən isə cavab vermirsən. Hə, nə olsun? Mesaj yolla, mənim üçün uyğun olan vaxtda sənə zəng vuracam. Mən hər günün hər dəqiqəsi məşğul olmaq istəmirəm. Mən opera tamaşasına mobil telefonla getmək istəmirəm. Sizlərdən heç kim mənə deməsin ki, o məndən daha məşğul, daha işgüzar insandı. Mən daim 5-6 paralel multimilyonluq iş aparıram. Lakin, mən operaya getdiyim zaman mənə qətiyyən zəng eləmək lazım deyil. Mən həyatımı və işimi elə qururam ki, bu şeylər mənə xidmət göstərsin. Bu, tərəqqinin əsas amillərindən biridir. Həftə ərzində 80 saat işləməlisinizsə, və bu vaxtın 20 saatını mobil telefonla danışığa sərf edirsinizsə, belə var-dövlət, firavanlıq olmur.

Gəlin vakuum yaratmaq məsələsini incə-ləyək. Özünüzə sual verin, həyatımda bunu hara və ya nəyə tətbiq edə bilərəm. Sizlərdən kimlərsə evini, ofisini və ya kabinetini yığışdır-malı olacaq, kimlərsə, bəlkə də çoxlarınız maşınını yumalıdı. Bilirsinizmi, mən hətta maşın özümə məxsus olmayanda da onu yuyuram, kirayə götürəndə belə. Bunu niyə edirəm? Çünki, mən təmiz atmosferdə, mühitdə olmaq istəyirəm. Sizlərdən kimlərsə evinə gedib şəxsi münasibətlərini qaydaya salmalı olacaq. Çünki, ola bilsin ki, siz özünüzü neqativ insanlarla əhatə etmisiniz. Bütün bunlar da sizin ev tapşı-rığınızın bir hissəsidir.