Хатлар язам хәзер киләчәккә,
Үткәннәрдән hәмдә бүгеннән.
Теләнмәгән бәлки теләкләрне,
Табып алып күңел түреннән.

Күпме сүзләр инде онытылган,
Күпме хисләр инде сүнгәннәр.
Булганнары озын гомер буе,
Гел озатып безне килгәннәр…

Күпме калганнары әйтә алмыйча,
Ни сәбәптән калып тыелып…
Онытмаслык була алганнары,
Күңелләрдә кала уелып…

Күпме сүзләр кала әйтелмәгән,
Ихласлары бәлки ялганы…
Беленмичә, уйда хыялларда,
Серләр генә булып калганы.

Хатлар язам хәтер төпләреннән,
Сайлап алып җылы булганын..
Хатлар укыганда, уйланганда,
Күңелләрнең тула торганын.

Булсын әле, саклансыннар алар,
Кабат кабат, укый алырлык…
Якыннарың булсын бу тормышта,
Сагынырлык… хатлар язырлык.

Фикер

Уйланмыйча яшәп булмый инде,
Фикерләгез, диеп язылган.
Акыл белән яши алган чакта,
Дөрес юллар hәрчак табылган…

Тормыш юлын hәркем үтә үзенчә,
Аңлаганча, үзе белгәнчә…
Җитәкләшеп хыяллары белән,
Юлларыннан язмыш биргәнчә…

Аңлар өчен бөтен гомерләр аз,
Яшәр өчен барын фикерләп…
Язмышныңда кысалары булла,
Ялгыш була йөрү «иркенләп».

Тәңгәл килми уйлар hәм хыяллар…
Чынбарлыкның кырыс кануны.
«Яшәп калыйк» – әле дигән булып,
Җилбәзәклек белән баруны.

Үткәннәрне кайчак уйлау кирәк,
Калган булса кайбер бурычлар…
Ак караны бутап яшәгәндә,
Язмыш юлы әле «борычлар»…

Туган авыл

Туып үсеп киткән җирем,
Авылым булган минем.
Тормыш юллары башында,
Чәчкән hәм сөргән җирем.

Хәтирәләр хәзер инде…
Шушында аның башлары.
Тимер мичтә, чүлмәгендә,
Пешкән тәмле ашлары.

Барысыда истә кебек…
Авылның hәр кешесе…
Инде бездән киткәннәре…
Өлкәннәре… кечесе.

Һәр вакыйга – үзе тарих,
Тотып китап язырлык…
Ә кылынган ялгышлардан,
Мәңге сабак алырлык…

Кемнәр белән очрашылган,
Сөйләшенгән, күренгән…
Кемнәрнедер табып була,
Һәрчак күңел түреннән…

Һәркемнең дә үз уйлары,
Һәркем саклый серләрен…
Нигә барысын яшерергә,
Яздым әле түзмәдем…

Балачак бураны

Балачакның кышкы бураны,
Көрткә күмгән авыл урамын…
Дөньяларны онытып аунаганда,
Таулар шома, ул чак булганын.

Ул бураннар безне, ул вакытта,
Урамнарга әллә чакырган…
Чана тартып тауга барган чакта,
Юллар салып, урам чатыннан.

Шуңа алар истә сакланганда,
Бураннарда, булгач урамда…
Ул вакытлар шуна искә төшә,
Буран белән, бергә булганга.

Ул вакытның бураннарыда бит,
Шул ук җиле, шул ук карлары…
Нигә шулай искә төшә микән,
Балачакта булып калганы…

Бураннары бәлки сәбәп кенә,
Үткәннәрне искә алырга…
Бураннарда якын була алган,
Балачаклар, истә калырга…

Ярый әле, тагын кышлар килде,
Бүген тагын – менә буранлады…
Буран инде, бүген башка кебек,
Бала чактагыдай булалмады…

Сәләм булып

Сәләм алам кебек үткәннәрдән,
Сәләм кебек булсын язганнар.
Теләк иде-барытапшырырга,
Сәләм алып ерак язлардан…

Сәләм булсын барлык язылганнар,
Җавап булыр, укый алганнан.
Кайнар сәләм кебек кабул итәм,
Һәр язганны укып барганнан.

Җылы хисләр булып барып җитсен,
Әллә ниләр уйлап язганым.
Ул хисләрне миңа җибәргәндәй,
Әллә кайда калган язларым…

Сәләм кебек булсын әйткән сүзләр,
Акыл түгел, бары фикерләр…
Әйтәлсаңда, инде әйтмәсәңдә,
Гомерләр бит барыбер үтерләр.

Әллә язлар шулай искә төшә,
Көзе шулай әллә төрткәли…
Бушатырга кушып күңелдәне,
Үзе бушаганын көтмә ди…

Хыялларга артык бирелмичә,
Мин тапшырам бары булганны.
Әйтеп булмый барсын бергә җыеп,
Күңелләргә кереп тулганны…

Исемсез хат

Исемсез хатлар киләләр,
Бигерәк күп алар ват сапта,
Таратабыз башка кешеләргә,
Ниләр күрсәк, ниләр тапсакта…

Әллә дөрес, әллә ялган анда,
Авторлары никтер язылмый…
Гайбәт кебек була ул язмалар,
Анонимга хуҗа табылмый.

Кеше сүзен нигә таратырга,
Синең сүзең түгел бит инде…
Исемсез хат таратмыйк зинhар,
Җилдә очкан гайбәт шикелле.

Я күренсен аны кем язганы…
Ошый икән калдыр, үзеңдә.
Таратырсың ялган, теләмичә,
Аңламыйча калып, үзеңдә…

Кайда булсаңда

Кеше күңеле җилкенәдә,

Тынып кала… көтәм диеп…

Көтмәгәнда ташлап барсын,

Туган җирдән китәм диеп.

Уйларныңда кайсы жинә,

Күпмеләре онытыла…

Барыберда безнең алда,

Язмышның юлы тора…

Калсаңда син, китсәңдә син,

Үзгәрәме икән күңел…

Кем сынаган, кем тикшергән,

Аны белү мөмкин түгел…

Кайда гына яшәсәктә…

Без Аллаhның кул астында.

Еракларга китүләрдә…

Җир өстендә, күк астында…

Күңелләргә аралар юк…

Аны тыю зур хатада…

Ирек бирик күңелләргә,

Калмасын ихатада…

Юллар…

Сизмичәдә калдым үтүләрен,
Дистәләгән кышын җәйләрен…
Үтеп бетереп инде баруымны,
Хәзер генә менә шәйләдем…

Кая диеп, шулай ашыгылган,
Уйланырлык вакыт тапмаслык…
Тормыш агымнары әллә булган,
Барган юлны уйлап ятмаслык.

Бураннарның була җәяүлесе,
Аларда бит үтә юлларын…
Хыял диеп… Кемнәр белә ала,
Алда күпме юллар булганын.

Алдан белмәү – серле юллар кебек,
Уңга яки сулга барырга…
Колак салмый барып киңәшләргә,
Ул юлларда адашып калырга.

Җаваплар юк-алар булмасларда…
Язмыш чөнки безгә билгесез.
Юллар туры гына булганда да,
Күрми калмыйк «тыю» билгесен.

Дөнья камил итеп яратылган,
Бары кирәк аңлый алырга…
Юлсыз җирдә юллар эзләмичә
Булганынан кирәк барырга.

Соң түгел…

Соң түгелдер, изге ниятләргә,

Алда әле килер көннәрең…

Ул көннәрең әле уйлар өчен,

Күңелеңне бүген телгәнен..:

Дога итеп бөтен белгәнең…

Вакыт бит ул безне гел чикләми,

Кала вакыт савап – гамәлгә.

Соңгы көндә кыла алганыда,

Савап була алыр әдәмгә…

Ихласлыкта кылсаң әгәрдә.

Тыңлаганда тәүге вәзазьләрне,

Иман килеп… бассаң намазга.

Соң түгелдер, алгы көннәреңдә

Колак сала алсаң азанга…

Чәчләреңә инде чал керсәдә,

Күзләр инде шикле күргәндә…

Соң булалмый әле берәүгәдә,

Мөмкинлекне Аллаh биргәндә.

Дөрес юллар сиңа килгәндә.

Күңелләргә яңа сулыш кебек,

Иман нуры безгә төшкәндә.

Соң була ала… җитә вакыт…

Соңгы йотым суны эчкәндә,

Кереп китеп соңгы кичләргә…

Өлкән булу

Кыенсынып бераз читләшәләр,
Картайганны кайчак өлкән дип,
Үтеләсе гомер юлларының,
Авыр юлын инде үткән дип.

Картайганчы яшәү үзе нигъмәт,
Өлкән булу үзе дәрәҗә…
Бу вакытта инде башкаларга,
Була алып тере шәҗәрә…

Яхшы әле була хәтерләр,
Үткәннәрне бераз сөйләргә…
Бергә җыелганда күмәкләшеп,
Кушылганда моңлы көйләргә…

Картлык белән бергә акыл килә,
Башкаларга «сата» алырлык…
Җитешмәгән, эшли алмаганны,
Ялгышларны күреп калырлык…

Яшьлек белән картлык алышына
Күк күкерәп килгән шикеле…
…Килгәнедә, бары күренмәгән,
Күптән бергә икән бит инде…

Без бүген

Бәхетле бул, дибез ихластанмы,
Әллә матур сүзләр булганга…
Җылы теләк белән кемнәргәдер,
Эчке дөньяң синең тулганда…

Кем аңлата нинди булганлыгын,
Кайда булганлыгын бәхетнең…
Мизгелләре генә түгел микән,
Туеп торган чагы нәфеснең…

Нәфес туя алу бәхетме соң,
Шуның өчен гомер узамы…
Озата бара, бәхет эзләгәнне,
Үткән юлның, бетмәс тузаны.

Бәхет белән кайгы алар килә…
Көтмәгәндә… уйламаганда…
Язмыш юлларында очрыйлар,
Язмыш белән уйнамаганда…

Әфәт килер юлда булмаганда…
Бәхет килер, юлдан барганда…
Кешене hич бәхете тапмый калмас,
Кеше булып җирдә калганда.

Без бүген…

Ач күзеңне дөнья бу,

Карап яшә фикерлә…

Үз фикереңне таба бел,

Иярми чит фикергә…

Күргәнеңне аңлыйда бел,
Кая таба барабыз…
Комсызларны мактап яшәп,
Үзебез ач калабыз…

Ялагайлар армиясе,
Зураяда зурая.
Ялап яшәүчегә карап,
Ялатучы елмая…

«Бердәм"булып алга диләр,
Ә халыкны талайлар…
Табынырга җирдә җитә,
Тимер hәм кар бабайлар…

Бердәм булмый ак hәм кара,
Көтүчегә – көтүләр…
Юләрлек ул, башка заттан,
Яхшы тормыш көтүләр…

Соң булмасын

Соңга калган сүзләр кемгә кирәк,
Вакыт үткән… сүзләр җавапсыз…
Кылынмыйча калган ният кебек,
Калачаклар алар, савапсыз…

Соңга калсаң, бары хәтерендә,
Үкенүләр кала яныңда…
Сүзләрнеңдә төрлеләре була,
Әйтеп булмый кайчак барында.

Хыялларың әйтелмичә калсын,
Планнарың бәлки бозылыр…
Кирәк сүзең әйтелмичә калып,
Үкенечтә вакыт узылыр…

Олы бурыч кебек рәхмәтлелек,
Шөкер итү җирдэ яшәүгә…
Бәя бирә алу кылганнарга,
Бик кирәкле сыйфат яшәүдә.

Үткән гомер тере диплом кебек,
Төрле эшкә, төрле гамәлгә…
Сынауларын әле үтәсе бар…
Яклыйсы бар, аны әдәмгә…

Ни булды

Ни булды гади халыкка,
Сорыймда, әйтимдә әле…
Дәүләтнең терәгы булган,
Хәзерге ятимнәре…
Кая китеп, кем булдылар,
Ул вакыт хәкимнәре…

Буш сүз булган барысыда,
Халыкны алдадылар…
Коммунизмга чакырып,
Үзләре бармадылар…
Бөтен байлыкны алдылар,
Югалып калмадылар.

«Череп барган» капиталист,
Җыеп алды себереп…
Себерелә алмаганы,
Йөри эчеп сүгенеп…
Капиталистка тырышып,
Хезмәт итеп җигелеп.

Директорлар, почмак саен,
Генераллар меңләгән,
Илдә шоферлар калмады,
«Иномарка» күрмәгән.
Кемнәр генә кала микән
Чит илләргә йөрмәгән…

Кибетләрдә чиратлар юк,
«Камин» хәзер мичләре…

Бесплатный фрагмент закончился. Хотите читать дальше?

Хатлар язам. Шигырь. Том 5. Стихи