Читать книгу: «Псалтирь и каноны, чтомые по усопшим»

Name: Псалтирь и каноны, чтомые по усопшим
Author: Сборник
ISBN: 978-5-89101-621-7

Сборник

Шрифт:

РЕКОМЕНДОВАНО К ПУБЛИКАЦИИ ИЗДАТЕЛЬСКИМ СОВЕТОМ РУССКОЙ ПРАВОСЛАВНОЙ ЦЕРКВИ

ИС Р 17-711-3246

«ЛУЧШЕ СОЛНЦУ ОСТАНОВИТЬСЯ, ЧЕМ ПРЕКРАТИТЬ ЧТЕНИЕ ПСАЛТИРИ», – говорят святые отцы Церкви. Предки наши, православный русский народ, всегда это понимали, и Псалтирь сопровождала человека в течение всей его жизни – от рождения и до гроба. Псалтирь была первой книгой, по которой учили грамоте, псалмы Давида читали в минуты опасности, испрашивая предстательства и помощи Божией, словами псалмов возносили Богу хвалу и благодарение. Когда человек умирал, вновь обращались к этой святой книге.

Столь же великое значение имеет Псалтирь и для нас. Обычно чтение ее связывают с молитвой о усопших, когда над телом почившего, по возможности, стараются прочитывать всю Псалтирь или хотя бы несколько кафизм. На каждой «Славе», на которые делится кафизма, поминаются усопшие, особенно новопреставленные, и испрашивается, чтобы Господь принял нашу молитву, наше покаяние за них и простил грехи усопших. Эта молитва приносит несомненную пользу. Не случайно в монастырях имеется обычай «неусыпаемого» чтения Псалтири, когда день и ночь неустанно возносятся к Богу псаломские слова, и душа умершего человека по этим молитвам получает у Бога прощение.

Душа усопшего подобна беспомощному младенцу, который ждет нашей молитвенной помощи. В первую очередь необходимо, конечно, поминовение на проскомидии, а затем – молитва на Псалтири. Есть много свидетельств того, что молитва о усопших приносит великие плоды. Преподобному Макарию Египетскому было открыто Богом, что когда христиане молятся за своих усопших, то даже самые отчаянные грешники, осужденные на муки, и те получают облегчение.

Усопшие ждут наших молитв. Святой старец Иаков Эфбейский рассказывал, что когда однажды он забыл помянуть на проскомидии свою умершую мать, она явилась ему и упрекнула в этом. «Как же, я каждый день вас поминаю». – «Нет, сегодня ты меня не помянул, потому что я не получила утешения, не получила отрады».

Молитва о усопших приносит пользу не только тем, кто ушел от нас, она столь же необходима и живым. «Молитва моя в недро мое возвратится», говорит Священное Писание. И люди, еще живущие на земле, в своей скорби и печали, в смятении души читая псаломские слова, обретают надежду и успокоение.

К преподобному Амвросию Оптинскому однажды пришел человек и сказал, что у него душа мятется.

Старец посоветовал ему читать Псалтирь. Через некоторое время тот пишет: «Читаю – ничего не понимаю», на что старец ответил: «Ты не понимаешь, зато бесы понимают и трепещут».

Мы молимся, потому что уповаем на милосердие Божие. Церковь учит, что на сороковой день по смерти человеку выносится только еще предварительный приговор, до Страшного Суда. И мы не должны оставлять молитвы за усопших, должны постоянно призывать на них милость Божию, присоединяя к церковному поминовению и наши частные молитвы, молитвы на Псалтири.

Архимандрит АЛЕКСИЙ (Поликарпов), игумен Данилова монастыря

О поминовении усопших по уставу Православной Церкви

Приготовление к кончине

Православная Церковь напутствует каждого своего члена в загробный мир Таинствами Исповеди и Святого Причащения. При смертной опасности в первую очередь следует позаботиться о приглашении к больному священника для совершения этих Таинств, дабы не предстать ему пред Богом неготовым и неочищенным. Во время тяжких болезней Святая Церковь призывает своих чад прибегать также к Таинству Елеосвящения, в котором, при помазании тела елеем, призывается на болящего благодать Божия, испрашивается исцеление от болезней и отпущение грехов. Поэтому совершать это Таинство нужно во время усиления болезни, с верою, что дни земной жизни человека будут продлены для покаяния и исправления.

Когда душа разлучается с телом и переходит в духовный мир, она особенно нуждается в нашей молитвенной помощи. Для облегчения самых последних минут земной жизни христианина читаются особые каноны на исход души от тела: ко Господу Богу нашему Иисусу Христу и Пречистой Богородице и канон «егда человек долго страждет». Каноны исполнены великого покаяния и мольбы о милости Божией к отходящему в мир иной. В случае отсутствия священника оба канона на исход души могут и должны быть прочитаны у одра умирающего мирянином. В нашем издании они, по указанию святителя Афанасия (Сахарова), объединены в одно Последование при разлучении души от тела всякого правоверного (см.: Сахаров Афанасий, еп. О поминовении усопших по уставу Православной Церкви. – СПб.: Сатис, 1999. С. 137).

Каноны на исход души не обязательно читать непосредственно около умирающего. Если человек умирает в больнице, каноны можно читать дома. Главное – помочь душе в эти самые тяжелые для нее минуты. Если христианин испускает дух во время чтения канонов, то их дочитывают с заупокойным припевом: «Покой, Господи, душу усопшаго раба Твоего…». И после 9-й песни завершают Окончанием заупокойных канонов.

По исходе души от тела начинают читать Канон о усопшем (стр. 361). Если человек умер не дома, прочитайте канон по получении известия о его кончине.

Надгробное чтение Псалтири

Чтение Псалтири можно начать сразу после кончины и не обязательно непосредственно над гробом. Обычай петь псалмы у гроба усопшего пришел из глубокой первохристианской древности. Это и сильнейшая помощь со стороны живущих душе умершего, проходящей в первые дни страшные мытарства, и утешение для скорбящих близких.

Чтение Псалтири до погребения отличается от чтения в последующее время на домашней молитве. Оно совершается по особому чинопоследованию, желательно не прерывать его ни днем, ни ночью. Необходимо полностью прочитать всю Псалтирь над гробом хотя бы один раз. При этом поминают только новопреставленного, других усопших поминать не следует.

Молитвы о усопших на Светлой седмице

Если человек умер на Светлой седмице (от дня Святой Пасхи до субботы Светлой седмицы включительно), то вместо заупокойного читают Пасхальный канон. Во всех случаях, когда положено читать Литию, поют пасхальные стихиры: «Да воскреснет Бог…» и «Пасха священная…», то есть на положение во гроб, на вынос тела из дома и до и после захоронения на кладбище.

Вместо Псалтири на Светлой седмице, по традиции, читают Деяния святых апостолов. Начинают чтение словами: «Молитвами святого апостола и евангелиста Луки, Господи Иисусе Христе Сыне Божий, помилуй нас, аминь», после чтения: «Богу нашему слава всегда, ныне и присно и во веки веков, аминь».

Чтение Деяний святых апостолов содержит в себе и молитву о усопшем, и утешение родным. У язычников в обычае оплакивание, истерические рыдания и вопли, разрывание на себе одежд. Мы же, христиане, веруем, что жизнь со смертью не кончается, что смерть тела не есть смерть души, что душа бессмертна. Поэтому мы должны провожать душу ушедшего от нас в тихой молитве.

Погребение

При погребении выносят гроб с телом усопшего из дома, переносят в храм и из храма к могиле под пение «Трисвятого». На Светлой седмице провожают почившего под пение «Христос воскресе из мертвых…». Впереди несут крест или икону. В некоторых селах до сих пор сохраняется обычай погребального шествия с крестом и хоругвами. Оркестр на похоронах православных христиан неуместен.

Дни памяти усопших

Первые сорок дней после кончины посвящаются сугубым молитвам за усопшего, все эти дни его именуют в молитвах новопреставленным. Особое поминовение совершают в третий день – в воспоминание о том, что Господь наш Иисус Христос воскрес из мертвых «в третий день по Писанием». В девятый день мы молимся о том, чтобы заступлением и молитвами девяти Ангельских чинов душа умершего была помилована. А в сороковой день – в память о том, что Господь наш Иисус Христос вознесся на Небеса в сороковой день по Своем Воскресении. Есть благочестивый обычай совершать также особое поминовение на двадцатый день по кончине и через полгода.

Главными днями памяти усопшего становятся годовщины кончины, а также дни тезоименитства. Обязательно также поминовение во Вселенские родительские субботы: Мясопустную (за неделю до Великого поста), Троицкую (перед Днем Святой Троицы), а также в Родительские субботы 2-й, 3-й и 4-й седмиц Великого поста, на Радоницу и в Димитриевскую субботу. Во Вселенские родительские субботы Церковь особо молится о умерших внезапной смертью, о тех благочестивых христианах, которые, перейдя в мир иной на чужбине, от голода и болезней, в море, на пожаре, от бед и несчастий, «узаконенных псалмов и песней памяти не получили». Радоница – это первое поминовение усопших после Святой Пасхи, на 10-й день, во вторник Фоминой недели. Димитриевская суббота была установлена святым благоверным князем Димитрием Донским в память воинов, павших на Куликовом поле. Впоследствии в этот день стали поминать также всех православных христиан.

Кроме того, все субботы года, на которые не выпадают праздники, посвящаются поминовению усопших, потому что суббота – день покоя, «седьмый день… егоже древле Господь благословил… упокоение от дел» (Быт. 2, 3). И потому, что Господь наш Иисус Христос Сын Божий в этот день «пребывал в усопших» (по слову святителя Филарета Московского).

Церковное поминовение усопших

Святые отцы Церкви учат, что самое сильное и действенное средство к испрошению усопшим милости Божией – Литургия за умерших. Святитель Иоанн Златоуст говорил, что «не напрасно узаконено апостолами творить перед Страшными Тайнами поминовение об усопших: апостолы знали, что велика бывает от сего польза для усопших, великое благодеяние». Необходимо в ближайшие дни по кончине заказать в храме сорокоуст, то есть поминовение на сорока Литургиях: сорок раз приносится Бескровная Жертва за почившего, из просфоры вынимается частица и погружается в Кровь Христову с молитвой об отпущении грехов новопреставленного. Это самое необходимое из того, что можно сделать для души усопшего.

В Великий пост полные Литургии служатся только по субботам и воскресным дням, поэтому сорокоуст обычно заказывают с Фоминой недели.

После сорока дней следует заказать годовое поминовение и потом каждый год его возобновлять. Можно заказать и более долговременное поминовение в монастырях – вечное, то есть пока стоит монастырь. Есть благочестивый обычай заказывать поминовение в нескольких монастырях или храмах. Хорошо поминать усопшего на «неусыпаемой» Псалтири, то есть при непрекращающемся ни днем, ни ночью чтении Псалтири.

Во все дни памяти усопших необходимо подавать записки о их упокоении и заказывать панихиды в храме. Поминовение совершается на каждой Литургии.

Домашние молитвы о усопших

Молитву о усопших Святая Церковь считает необходимой частью не только богослужения в храме, но и домашнего правила.

Конечно, главное – это церковное поминовение усопших, вместе с пастырями. Но – «не все на священника возверзем». Мы должны потрудиться и сами, в своей домашней молитве. Это наш долг перед усопшими, доказательство нашей любви к ним. Тем более необходима домашняя молитва в дни памяти умерших, если невозможно было помянуть их в храме.

В третий, девятый, сороковой дни и годовщины (где принято, также в двадцатый день и полгода) память усопшего следует почтить чтением Панихиды.

Во все сорок дней после кончины – время особого поминовения, когда решается судьба души почившего, – ежедневно должен читаться Канон о усопшем.

Все эти последования можно читать как дома, так и на кладбище.

В остальные дни можно читать или Панихиду, или отдельно Каноны о усопшем, усопших. Также поминают усопших на Псалтири и читают помянник в утренних (а по желанию, и в вечерних) молитвах. Под субботу можно читать за всех своих родственников один из Канонов о усопших.

Также мы публикуем Канон о усопших, который совершается в церкви всего два раза в год – в Мясопустную и Троицкую Вселенские родительские субботы. Но в домашней молитве можно его читать и в любое другое время – по желанию и по силам, по благословению духовника. Это поминовение всех от века усопших православных христиан.

Есть благочестивый обычай – раз в году совершать поминовение всех своих сродников и в домашней молитве, и поминальной трапезой. Можно выбрать для этого или день памяти кого-то из родных, или просто какой-то удобный для поминовения день, когда разрешена, по Уставу, домашняя заупокойная молитва, то есть не в праздничные и не в воскресные дни.

Необходимо особо отметить, что о составе и пределах своей домашней молитвы обязательно следует советоваться со священником, а главное – со своим духовным отцом.

Поминальная трапеза

Поминовение усопших обычно сопровождается поминальной трапезой. Если все присутствующие были перед этим на панихиде в храме, то после обычных молитв перед вкушением пищи можно приступать к трапезе. Если же многие не смогли быть на панихиде в храме, то перед трапезой следует прочитать либо Панихиду, либо Канон о усопшем, что по силам.

Сама трапеза начинается с вкушения кутии. По обычаю, в Средней России принято подавать на поминках блины и кисель. В конце трапезы читается заупокойная Лития.

Недопустимо ставить на стол и даже под иконы яства или напитки как бы для умерших. Это языческий обычай.

Если поминальная трапеза совершается в постный день, то стол должен быть постным.

Апостольские правила запрещают употребление вина и других спиртных напитков на поминальных обедах. По слову святителя Иоанна Златоуста, тот, кто поминает умершего винопитием, ходатайствует не об избавлении от мук души усопшего, а об умножении ему огня геенского.

Поминальная трапеза – это наша милостыня в память о усопшем. Пищу на поминальной трапезе полагается вкушать молча, творя в уме молитву о упокоении души преставившегося.

Когда не совершается поминовение

По Церковному Уставу, не совершают домашние заупокойные молитвы и поминальные трапезы во все воскресные дни, двунадесятые и великие праздники, на Светлой (Пасхальной) седмице, в Лазареву субботу, Преполовение Пятидесятницы, Отдание Пасхи, в последние три дня Страстной седмицы, а также во второй день Рождества Христова, Крещения Господня, Святой Троицы.

В праздники и воскресные дни православный христианин должен быть в храме на Литургии и подать записку о упокоении на проскомидию, а поминальную трапезу перенести на другой день. В Рождественский сочельник и все Святки можно молиться о усопших дома, но не следует устраивать поминальных трапез. Если человек умирает в дни Великого поста, все поминовения переносят на субботы. В Типиконе говорится, что поминовение третьего дня совершают в ближайшую субботу, а в следующую субботу отмечают девятый день, независимо от счета, так как в будни Великого поста поминальные трапезы не положены.

Память сорокового дня, по Уставу, не должна переноситься, поэтому в сороковой день необходимо отстоять службу в храме, дома прочитать Панихиду, но не должно устраивать никаких больших собраний, разве только можно помянуть в узком кругу родственников, не нарушая, разумеется, при этом поста. Собраться же всем ради поминовения можно опять-таки в ближайшую субботу. Так же необходимо поступать, когда сороковой день приходится на праздник или воскресный день.

На Страстной седмице в первые три дня в храме служат заупокойную литию. Можно молиться о усопших и дома. Но начиная с вечерни Великого Четвертка мы предстоим Страстям Христовым и Гробу Господню – все иное умолкает.

Если девятый и сороковой дни или годовщина приходятся на Светлую седмицу, то записки подавать можно, но молитв о усопших и поминальных трапез не совершают. После погребения на Светлой седмице обед не должен носить характер поминального – ни кутия, ни блины на трапезе не подаются. Все поминовения со Страстной и Светлой седмиц переносят на Радоницу. На Рождество Христово и в день Святой Пасхи не совершают даже погребения.

Молитвы о умерших без покаяния

В наше время многие люди, даже будучи крещеными, не ходят в храм, не исповедуются, не причащаются Святых Христовых Таин или делают это крайне редко. За них, а также за всех скончавшихся скоропостижно и не успевших должным образом подготовиться к своей кончине, читают Канон преподобному Паисию Великому. Этот святой, всю жизнь трудившийся в иноческих подвигах, не желал иметь никакого воздаяния за них, ради того только, чтобы была избавлена от наказания душа одного молодого грешника. И Господь милостиво принял бдения и слезы Своего раба и даровал ему особую благодать ходатайствовать о умерших без покаяния.

О ком Церковь не молится

Православная Церковь не совершает отпевания и не возносит молитв о людях, сознательно отвергавших Бога и Церковь, отпавших от Православия в расколы, ереси и секты, отлученных от Церкви, занимавшихся оккультизмом, магией, экстрасенсорикой и т. п., а также о самоубийцах, сознательно лишивших себя жизни.

Если человек, лишивший себя жизни, был душевнобольным или был доведен до самоубийства издевательствами и притеснениями (например, в армии или местах лишения свободы), а также во всех сомнительных обстоятельствах необходимо для отпевания и поминовения получить благословение правящего архиерея.

Как молиться о некрещеных и иноверцах

Также не отпевают и не поминают тех, кто никогда не принадлежал к Православной Церкви: католиков, протестантов, иноверцев и всех, умерших некрещеными. О их душах нельзя совершать общецерковной молитвы. Но близкие родственники в домашней молитве могут читать о них Канон мученику Уару, имеющему благодать от Бога предстательствовать за умерших, не сподобившихся Святого Крещения. (Имена умерших некрещеными при этом не называют.) Из жития святого мученика Уара известно, что он своим ходатайством избавил от вечных мук родственников почитавшей его благочестивой Клеопатры, которые были язычниками.

Часто возникает вопрос о посмертной участи и поминовении умерших некрещеными или убитых во чреве матери младенцев. В житии преподобного Василия Нового говорится об откровении Божием, данном ученику преподобного, что некрещеные или безвинно загубленные младенцы, хотя и не могут в полной мере наследовать вечное блаженство, но будут избавлены от вечных мук. За них также читается Канон мученику Уару, ибо если даже язычники получают облегчение, то тем более заслуживают милости Божией души этих несчастных младенцев.

О пользе молитв о усопших

«Кто молится за умерших, тот наперед себе ходатайствует жизнь и спасение, – говорит святой Иоанн Златоуст. – Не напрасны бывают моления, не напрасна милостыня: все это установил Дух Святый, желая, чтобы мы получили пользу друг от друга, ибо благотворение живых в память усопших спасает тех и других. Если усопший грешен, то мы своей любовной заботой много можем ему помочь, и из места мрака и скорби перенести его в светлый мир безграничного счастья, а если усопший праведен, то сам он, находясь перед Престолом Божиим, ответит на нашу любовь горячей молитвой о нашей душе, находящейся еще в земной жизни».

Заботиться о спасении душ усопших, молиться о них Господу Богу, чтобы Он простил им все согрешения вольные и невольные, – священный долг каждого сына Православной Церкви. К молитве о усопших побуждает нас христианская любовь, которою мы все соединены во Господе нашем. Эта любовь объединяет нас здесь, на земле. Не кончается она и при переходе в жизнь вечную. Ведь любовь, по слову апостола Павла, «никогда не престает» (1 Кор. 13, 8). Усопшие – наши ближние, которых Бог призывает нас любить, как самих себя. Ведь Господь не заповедал нам любить ближних, только пока они живут на земле. Господь хочет, чтобы любовь эта перешла и за гроб. Поминовением и молитвой мы доказываем свою непреходящую любовь к нашим дорогим усопшим.

Молитвы на исход души

Последование при разлучении души от тела всякого правоверного

Молитвами святых отец наших, Господи Иисусе Христе Сыне Божий, помилуй нас, аминь.

Слава Тебе, Боже наш, слава Тебе.

Царю́ Небесный, Уте́шителю, Ду́ше и́стины, Иже везде сы́й и вся исполня́яй, Сокро́вище благи́х и жизни Пода́телю, прииди́ и всели́ся в ны, и очи́сти ны от всякия скве́рны, и спаси́, Бла́же, ду́ши на́ша.

Святы́й Бо́же, Святы́й Кре́пкий, Святы́й Безсме́ртный, помилуй нас (читается трижды, с крестным знамением и поясным поклоном).

Слава Отцу и Сыну и Святому Духу, и ныне и присно и во веки веков, аминь.

Пресвята́я Троице, поми́луй нас; Го́споди, очи́сти грехи́ наша; Влады́ко, прости́ беззако́ния наша; Святы́й, посети и исцели́ не́мощи на́ша, и́мене Твоего́ ради.

Господи, помилуй (трижды).

Слава, и ныне.

Отче наш, Иже еси на Небесе́х, да святи́тся имя Твое, да прии́дет Царствие Твое: да будет воля Твоя, я́ко на

Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставляем должнико́м нашим; и не введи́ нас во искуше́ние, но изба́ви нас от лука́ваго.

Господи, помилуй (12 раз).

Слава, и ныне.

Прииди́те, поклони́мся Царе́ви нашему Богу (поклон).

Прииди́те, поклони́мся и припаде́м Христу, Царе́ви нашему Богу (поклон).

Прииди́те, поклони́мся и припаде́м Самому Христу, Царе́ви и Богу нашему (поклон).

Псало́м 50

Помилуй мя, Боже, по вели́цей милости Твоей, и по множеству щедро́т Твоих очи́сти беззаконие мое. Наипа́че омы́й мя от беззако́ния моего и от греха́ моего очи́сти мя: яко беззаконие мое аз знаю, и грех мой предо мно́ю есть вы́ну. Тебе Единому согреши́х и лука́вое пред Тобою сотвори́х: я́ко да оправди́шися во словесе́х Твоих и победи́ши, внегда́ суди́ти Ти. Се бо в беззако́ниих зача́т есмь, и во гресе́х роди́ мя ма́ти моя. Се бо и́стину возлюби́л еси, безве́стная и тайная прему́дрости Твоея́ яви́л ми еси. Окропи́ши мя иссо́пом, и очи́щуся: омы́еши мя, и па́че сне́га убелю́ся. Слу́ху моему́ да́си радость и веселие: возра́дуются ко́сти смире́нныя. Отврати́ лице Твое от грех моих и вся беззако́ния моя очи́сти. Сердце чи́сто сози́жди во мне, Боже, и дух прав обнови́ во утро́бе моей. Не отве́ржи мене́ от лица Твоего́ и Духа Твоего Свята́го не отыми́ от мене́. Возда́ждь ми радость спасения Твоего́ и Ду́хом Влады́чним утверди́ мя. Научу́ беззако́нныя путе́м Твоим, и нечести́вии к Тебе обратя́тся. Изба́ви мя от крове́й, Боже, Боже спасения моего: возрадуется язы́к мой правде Твоей. Господи, устне́ мои отве́рзеши, и уста́ моя возвестя́т хвалу́ Твою. Яко а́ще бы восхоте́л еси́ же́ртвы, дал бых у́бо: всесожже́ния не благоволи́ши. Жертва Богу дух сокруше́н: сердце сокруше́нно и смире́нно Бог не уничижи́т. Ублажи́, Господи, благоволе́нием Твоим Сио́на, и да сози́ждутся сте́ны Иерусали́мския: тогда благоволи́ши жертву правды, возноше́ние и всесожега́емая: тогда возложа́т на олта́рь Твой тельцы́.

Канон ко Господу Иисусу Христу и ко Пресвятой Богородице, глас 6-й

Песнь 1

Ирмос: Яко по су́ху пешеше́ствовав Изра́иль, по бе́здне стопа́ми, гонителя фарао́на ви́дя потопля́ема, Богу победную песнь пои́м, вопия́ше.

Помилуй мя, Боже, помилуй мя¹.

Прииди́те собери́теся вси, и́же благоче́стно в житии́ пожи́вшии, и воспла́чите о души́ отчужде́нней славы Бо́жия, и работавшей сту́дным де́моном всяким тща́нием.

Помилуй мя, Боже, помилуй мя.

Ны́не у́бо время все моего́ живота́ яко дым претече́, и предста́ша прочее Ангели по́сланнии от Бога, окая́нную мою душу и́щуще неми́лостиво.

Помилуй мя, Боже, помилуй мя.

Се предста́ша множество лукавых духо́в, держа́ще моих грехов написа́ние, и зовут зело́, и́щуще безсту́дно смире́нныя моея́ души́.

Пресвятая́ Богородице, спаси́ нас.

Про́чее к кому возопию́; кто мой плач от болезни прии́мет, и се́рдца воздыха́ние; то́кмо Ты, Пренепоро́чная Чистая, Надеждо христиа́н и всех грешных.

Пресвятая́ Богородице, спаси́ нас.

Ка́плям подо́бно дожде́вным, зли́и и ма́лии дни́е мои, летним обхожде́нием оскудева́юще, пома́лу исчезают уже́, Владычице, спаси мя.

Пресвятая́ Богородице, спаси́ нас.

Твоим благоутро́бием и многими щедро́тами Твоими, Владычице, преклоня́ема есте́ственно, в час сей ужа́сный предста́ни ми, Помо́щнице Непоборимая.

Пресвятая́ Богородице, спаси́ нас.

Содержи́т ны́не ду́шу мою страх вели́к: тре́пет неисповеди́м и боле́знен есть, внегда́ изы́ти ей от телесе́, Пречистая, ю́же уте́ши.

Слава: Грешным и смире́нным изве́стное Прибежище, о мне извести́ Твою милость, Чистая, и бесо́вския изба́ви руки́, я́коже бо пси мно́зи обступи́ша мя.

И ныне: Се время по́мощи, се время

Твоего́ заступле́ния, се, Владычице, время, о не́мже день и нощь припа́дах те́пле и моля́хся Тебе.

Песнь 3

Ирмос: Несть свят, я́коже Ты, Господи Боже мой, вознесы́й рог ве́рных Твоих, Бла́же, и утверди́вый нас на ка́мени испове́дания Твоего́.

Помилуй мя, Боже, помилуй мя.

До́брии мои дру́зи и зна́емии, почто́ не пла́чете; почто́ не рыдаете, и́же иногда́ любимаго друга и брата, ныне же стра́нна Бога и всех вас.

Помилуй мя, Боже, помилуй мя.

Возлю́бленная моя бра́тия, зря́ще моя дея́ния облича́ема ме́рилом пра́ведным, Христа всех Бога моли́те ми́лостива бы́ти мне.

Помилуй мя, Боже, помилуй мя.

Помяну́вше моея́, возлю́бленнии, е́же к вам дружбы, Христа моли́те призре́ти на мя, злополу́чна, живота́ лиши́вшагося и мучима.

Пресвятая́ Богородице, спаси́ нас.

Приклони́ ухо Твое ко мне, Бога моего Мати, от высоты славы мно́гия Твоея́, Блага́я, услы́ши стена́ние последнее, и ру́ку пода́ждь ми.

Пресвятая́ Богородице, спаси́ нас.

Издале́ча сего́ дне, Владычице, прови́дя, и того я́ко прише́дша помышля́яй при́сно, слеза́ми те́плыми моля́хся не забы́ти мене́.

Пресвятая́ Богородице, спаси́ нас.

Обыдо́ша мя мы́сленнии рыка́юще ски́мны и и́щут восхи́тити и растерза́ти мя го́рце, и́хже зу́бы, Чистая, и че́люсти сокруши́ и спаси мя.

Пресвятая́ Богородице, спаси́ нас.

Уга́сшу у́бо отню́д орга́ну слове́сному, и связа́вшуся язы́ку, и затвори́вшуся гла́су, в сокруше́нии се́рдца молю́ Тя, Спасительнице моя, спаси мя.

Слава: Приклони́ ухо Твое ко мне, Христа Бога моего Мати, от высоты мно́гия славы Твоея, Блага́я, и услыши стена́ние конечное, и ру́ку ми пода́ждь.

И ныне: Не отврати́ от мене́ многия щедро́ты Твоя, не затвори́ утро́бу Твою человеколю́бную, Чистая; но предста́ни ми ныне и в час су́дный помяни́ мя.

Господи, помилуй (трижды).

Слава, и ныне.

Седален, глас 8-й

Ма́лии мои́ дни́е и лука́вии, и ле́та моя́ со тща́нием отыдо́ша и погибо́ша во мно́зе суете́. Вре́мя жа́тве, близ и серп, душетле́нный же обхо́дит тать, хра́мину мою душе́вную подкопа́ти тща́ся. Но, о Препе́тая, потщи́ся изъя́ти и изба́вити мя того́ крамолы́ и ловле́ния.

Песнь 4

Ирмос: Христос моя сила, Бог и Господь, честна́я Церковь боголе́пно поет, взыва́ющи, от смы́сла чиста о Господе пра́зднующи.

Помилуй мя, Боже, помилуй мя.

Увы́ мне блудному, увы мне окая́нному: я́ко ру́це простира́ю к моим друго́м, и сле́зы от о́чию проливаю, но никто́же ми́луяй мя.

Помилуй мя, Боже, помилуй мя.

По́двиг наста́ мне души всегуби́телен, и очи́ма взира́яй к Божиим светлым

Ангелом, вопию́: ма́ло оста́вите мя пожи́ти, но никто́же послу́шаяй мене́.

Помилуй мя, Боже, помилуй мя.

О мне пла́чите, о мне рыдайте Ангельстии собо́ри, и челове́цы вси христолю́бцы: неми́лостивно бо душа моя от тела разлуча́ется.

Пресвятая́ Богородице, спаси́ нас.

Влады́чице, Влады́чице, ныне помилуй душу недоумева́ющую, и к Твоему покро́ву еди́ному зря́щую, и не пре́зри, Блага́я, де́моном отда́ну бы́ти ми.

Пресвятая́ Богородице, спаси́ нас.

Умове́ние согреше́нием, ток сле́зный ныне положи́, Блага́я, сердца моего сокруше́ние прие́млющи: о Тебе утвержда́ющу упова́ние, Блага́я, егда́ ка́ко стра́шнаго мя изба́виши о́гненнаго муче́ния, яко Сама́ благода́ти еси источник, Богороди́тельнице.

Пресвятая́ Богородице, спаси́ нас.

Непосты́дное и непогреши́тельное всем, и́же в ну́ждах, Прибежище, Владычице Пренепоро́чная, Ты ми бу́ди

Засту́пница в час испыта́ния.

Пресвятая́ Богородице, спаси́ нас.

Просте́рши пречи́стеи Твои́ и всечестне́и ру́це, яко свяще́ннии голуби́не криле́, под кро́вом и се́нию тех покры́й мя, Владычице.

Слава: Возду́шнаго кня́зя наси́льника, мучи́теля, страшных путе́й стоя́теля и напра́снаго сих словоиспыта́теля, сподо́би мя прейти́ невозбра́нно отходя́ща от земли́.

И ныне: Се мя, Владычице, страх усре́те, его́же и боя́хся; се по́двиг велик объя́т мя, в не́мже бу́ди ми Помощница, Наде́жде спасения моего́.

Песнь 5

Ирмос: Божиим све́том Твоим, Бла́же, у́тренюющих Ти ду́ши любовию озари́, молюся, Тя ве́дети, Сло́ве Божий, Истиннаго Бога от мра́ка грехо́внаго взыва́юща.

Помилуй мя, Боже, помилуй мя.

Свет у́мный возсия́й на мя, да вижу

Тя, Христе, поне́ вма́ле, ктому́ бо не узрю́ Тебе: о́блак бо де́монов внеза́пу нападе́ на мя, и тьма сту́дных моих дел покрыва́ет мя.

Помилуй мя, Боже, помилуй мя.

Спаси́теся вси возлю́бленнии, благоутро́бнии о мне я́вльшеся злоча́стнем и всеокая́ннем: вси бо, а́ще еди́ным гла́сом провеща́ли бы́сте к моему Влады́це, тьмы изба́вили мя бы́сте.

Помилуй мя, Боже, помилуй мя.

Спаса́йся, великий кня́же Божий Михаи́ле, Ангелов нача́льниче: ктому́ бо твое святое имя не призову́, е́же помощи́ мне: молчи́та бо мои устне́, и язык связа́ся.

Пресвятая́ Богородице, спаси́ нас.

Спаса́йся и Ты, нескве́рная чистая

Мати Христа моего и Бога: ктому́ бо о́браза Твоего́, от моих согреше́ний не узрю́ окая́нный: угасе́ бо свет мой, и нощь покры́ мя.

Пресвятая́ Богородице, спаси́ нас.

Не забу́ди мя, Блага́я, ниже́ отврати́ от мене́, Твоего́ о́трока, лице́ Твое, но услыши мя, яко скорблю́, и вонми́ души́ моей, и сию́ изба́ви.

Пресвятая́ Богородице, спаси́ нас.

Иже по пло́ти сро́дницы мои, и и́же по ду́ху бра́тие, и дру́зи, обычнии и зна́емии, пла́чите, воздохни́те, се́туйте, се бо от вас ны́не разлуча́юся.

Пресвятая́ Богородице, спаси́ нас.

Ныне избавля́яй ника́ко и помога́яй вои́стинну никто́же. Ты помози́ ми, Владычице, да не яко человек безпо́мощен, в руках враг моих затворе́н буду.

Слава: Вше́дше, святи́и мои Ангели, предста́ните суди́щу Христо́ву, коле́не свои мыслении прекло́ньше, плаче́вне возопи́йте Ему: помилуй, Тво́рче всех, де́ло рук Твоих, Бла́же, и не отри́ни его.

И ныне: Покло́ньшеся Владычице и Пречи́стей Матери Бога моего́, помоли́теся, яко да прекло́нит коле́на с вами, и прекло́нит Его на милость: Мати бо су́щи и Пита́тельница, услы́шана будет.

Песнь 6

Ирмос: Жите́йское мо́ре, воздвиза́емое зря напа́стей бу́рею, к ти́хому приста́нищу Твоему прите́к, вопию́ Ти: возведи́ от тли живот мой, Многоми́лостиве.

Помилуй мя, Боже, помилуй мя.

Приклони́те ухо ваше, бра́тия моя, ко мне, и кро́тко услы́шите умиле́нных глаго́л ма́лое веща́ние, и не преслу́шайте, и мзду от Господа вси восприи́мите.

Помилуй мя, Боже, помилуй мя.

Се ныне разлуча́ется с боле́знию душа от окая́ннаго моего телесе́: не у́бо тело мое погребе́те в земли́, несть бо досто́йно: но извле́кше вон, псом пове́рзите.

Помилуй мя, Боже, помилуй мя.

Ка́я бо мне по́льза, души́ моей в стра́шныя му́ки вве́ржене бы́ти, телу же пе́ту бы́ти от вас; оста́вите непогребе́но, яко да снедя́т пси сердце мое.

Пресвятая́ Богородице, спаси́ нас.

Не́гли мимоходя́щии, стра́ннии, ви́дяще кости от псов влеко́мыя, умили́вшеся воззову́т от души́: помози́, Владычице, душе́ окая́ннаго сего́ тела.

Пресвятая́ Богородице, спаси́ нас.

Устне́ мои молча́т, и язык не глаго́лет, но сердце веща́ет: огнь бо сокруше́ния сие снеда́я внутрь возгара́ется, и гласы́ неизглаго́ланными Тебе, Де́во, призыва́ет.

Пресвятая́ Богородице, спаси́ нас.

При́зри на мя свы́ше, Мати Божия, и ми́лостивно вонми́ ныне на мое посещение сни́ти, яко да ви́дев Тя от телесе́ изы́ду ра́дуяся.

Пресвятая́ Богородице, спаси́ нас.

Растерза́еми соу́зы, раздира́еми зако́ни есте́ственнаго сгуще́ния, и составле́ния всего теле́снаго, ну́жду нестерпимую и тесноту́ сотворя́ют ми.

Слава: Святы́х Ангел священным и честны́м рука́м преложи́ мя, Владычице, яко да тех крилы́ покры́вся не вижу безче́стнаго и смра́днаго и мра́чнаго бесо́в о́браза.

И ныне: Черто́же Божий Всече́стне, Небесному разу́мному черто́гу сподо́би мя, мою уга́сшую и несия́ющую свещу́ вже́гши, святы́м еле́ем милости Твоея́.

Господи, помилуй (трижды).

Слава, и ныне.

Кондак, глас 6-й

Душе́ моя, душе́ моя, воста́ни, что спи́ши, конец приближа́ется, и ну́жда ти мо́лвити: воспряни́ у́бо, да пощади́т тя Христос Бог, Иже везде сы́й и вся исполняяй.

Икос

Христо́во врачество́ видя отве́рсто, и от сего́ Адаму источа́юще здра́вие, пострада́в уязви́ся диа́вол, яко беды́ прие́мля рыда́ше и своим друго́м возопи́: что сотворю́ Сыну Мари́ину? Убивает мя Вифлее́млянин, Иже везде сый и вся исполня́яй.

Песнь 7

Ирмос: Росода́тельну у́бо пещь соде́ла Ангел, преподо́бным отроко́м, халде́и же опаля́ющее веле́ние Божие, мучи́теля увеща́ вопи́ти: благослове́н еси, Боже оте́ц наших.

Помилуй мя, Боже, помилуй мя.

Се привле́кше отторго́ша от телесе́ лю́те внеза́пу окая́нную ду́шу, и отво́дят к Судии́ грозному и страшному: помяну́вше у́бо возлю́бленнии, е́же к вам моея́ бесе́ды, память твори́те мне.

Помилуй мя, Боже, помилуй мя.

Помилуйте мя, Ангели всесвяти́и Бога Вседержи́теля, и изба́вите мыта́рств всех лука́вых: не и́мам бо де́ла бла́га, возме́рити ме́рилу злых моих дея́ний.

Помилуй мя, Боже, помилуй мя.

Егда́ взы́дете, всесвяти́и мои Ангели, предста́ти суди́щу Христову, коле́на прекло́ньше плаче́вно возопи́йте Ему: помилуй, всех Тво́рче, де́ло руку́ Твое́ю, Бла́же, и не отри́ни от Тебе.

Пресвятая́ Богородице, спаси́ нас.

Покло́ньшеся Владычице и Пречи́стей Матери Бога моего, помоли́теся, яко да прекло́нится с вами и прекло́нит

Его на милость: Мати су́щи и Пита́тельница, услы́шана будет.

Пресвятая́ Богородице, спаси́ нас.

Нощь сме́ртная мя пости́же негото́ва, мра́чна же и безлу́нна, препуща́ющи непригото́влена к до́лгому о́ному пути́ страшному: да спутеше́ствует ми Твоя милость, Владычице.

Пресвятая́ Богородице, спаси́ нас.

Се вси дни́е мои исчезо́ша вои́стинну в суете́, я́коже пи́шется, и ле́та моя со тща́нием, сети же сме́ртныя вои́стинну и го́рькия предвари́ша мою ду́шу, я́же мя обдержа́т.

Пресвятая́ Богородице, спаси́ нас.

Мно́жество грехо́в моих да не возмо́жет победи́ти Твоего́ мно́гаго благоутро́бия, Владычице, но да обы́дет мя Твоя милость и вся да покры́ет беззако́ния моя.

Слава: Отводя́щии мя отсю́ду нахо́дят, содержа́ще мя всю́ду: душа же моя отлага́ет и страши́тся, мно́га испо́лнена мяте́жа, ю́же уте́ши, Чистая, явле́нием Твоим.

И ныне: Спеча́лующаго ниеди́наго в ско́рби моей, ниже́ утеша́ющаго обрето́х, Владычице, ибо дру́зи мои и зна́емии вку́пе оста́виша мя ны́не, но, Hаде́жде моя, ника́коже да не оста́виши мя.

Песнь 8

Ирмос: Из пла́мене преподо́бным ро́су источи́л еси́, и пра́веднаго же́ртву водою попали́л еси, вся бо твори́ши, Христе, то́кмо е́же хоте́ти. Тя превозно́сим во вся ве́ки.

Помилуй мя, Боже, помилуй мя.

Ныне совоздохни́те вси земни́и концы́ о мне окая́ннем, и спла́чите: прии́де бо лю́тое свыше изрече́ние, рука́ма мои́ма связа́тися, и нога́ма изри́нутися.

Помилуй мя, Боже, помилуй мя.

Недоуме́вый от всех, к тебе, Храни́телю окая́ннаго живота моего, стеня́ зову́ го́рько: виждь моих уз вечных озлобле́ние, и не оскуде́й о мне моля́ся.

Помилуй мя, Боже, помилуй мя.

Поне́же бых де́моном изда́н, и во а́дово дно ну́ждею низво́дят, вем, яко ны́не вси мене́ забы́ша, ты же помяни́ мене́, о Ангеле Господень.

Пресвятая́ Богородице, спаси́ нас.

Христа моего Мати, ка́ко забыла еси мене́: ка́ко не преклони́ла еси на милосердие Источи́вшаго кровь от ребра́, да спасе́т, я́же созда́; увы́ мне, ка́ко заключи́ся милосердие Христа моего.

Пресвятая́ Богородице, спаси́ нас.

Яко Бога Человеколю́бца Мати человеколюби́вая, тихим и ми́лостивым вонми́ о́ком, егда́ от те́ла душа моя отлуча́ется, да Тя во вся ве́ки сла́влю, Свята́я Богородице.

Пресвятая́ Богородице, спаси́ нас.

Убе́гнути ми ва́рвар безпло́тных полки́, и возду́шныя бе́здны возни́кнути, и к Hебеси́ взы́ти мя сподо́би, да Тя во веки сла́влю, Святая Богородице.

Пресвятая́ Богородице, спаси́ нас.

Ро́ждшая Господа Вседержи́теля, го́рьких мыта́рств нача́льника мироде́ржца отжени́ дале́че от мене́, внегда́ сконча́тися хощу́, да Тя во веки сла́влю, Святая Богородице.

Слава: Великой после́дней глася́щей трубе́ в страшное и грозное воскреше́ние Суда́ воскреса́ющим всем, помяни́ мя тогда, Святая Богородице.

И ныне: Высо́кая Влады́ки Христа пала́то, Твою благодать свы́ше посла́вши, предвари́ мя ны́не в день озлобле́ния, да Тя сла́влю во веки вся, Святая Богородице.

Песнь 9

Ирмос: Бога челове́ком невозмо́жно ви́дети, на

Него́же не сме́ют чи́ни Ангельстии взира́ти. Тобо́ю же, Всечистая, яви́ся челове́ком Слово Воплоще́нно, Его́же велича́юще, с Небесными во́и, Тя ублажа́ем.

Помилуй мя, Боже, помилуй мя.

Бога не ктому́ аз помяну́, не ктому́ бо во а́де помина́ти Господа: но во тьме лю́те покрыва́емь сежу́, ожидая воскресе́ния всех человек, да, суди́вся, во огнь вве́ргуся.

Помилуй мя, Боже, помилуй мя.

Бог не ктому́ мене́ помяне́т, ниже́ множество Ангелов, Архангелов собо́р, проро́ков, апо́столов собра́ние, мно́жества же му́чеников, всех же праведных: еди́н у́бо почерплю́ зла́я, я́же собра́х.

Помилуй мя, Боже, помилуй мя.

Пла́чите о мне ныне и рыдайте, а́дово дно и бе́здна, и червь и та́ртар: му́ки у́бо вся о мне возстони́те: един бо от христиан ведо́хся, вам пре́дан бых, е́же му́читися горько.

Пресвятая́ Богородице, спаси́ нас.

Божия Мати, виждь в бе́здну, виждь ду́шу му́кам пре́данную мучитися, и коле́на прекло́нши прослези́, да прекло́нится Твоими мольба́ми, Иже кровь

Свою да́вый за мене́, воззва́ти мя.

Пресвятая́ Богородице, спаси́ нас.

О, ка́ко узрю́ Неви́димаго? Ка́ко ужа́сное о́но претерплю́ виде́ние? Ка́ко дерзну́ отве́рсти о́чи? Ка́ко моего́ Владыку сме́ю ви́дети, Его́же не престая́х от юности огорчева́я при́сно?

Пресвятая́ Богородице, спаси́ нас.

Святая Отрокови́це, Богороди́тельнице, на мое смирение милосе́рдно при́зри, умиле́нное мое и после́днее моле́ние сие прии́мши, и му́чащаго ве́чнующаго огня потщи́ся изба́вити мя.

Пресвятая́ Богородице, спаси́ нас.

Хра́мы святы́я оскверни́вшая, скве́рный и теле́сный храм оста́вивши, Тебе, Божий всечестны́й Хра́ме, мо́лит, Отрокови́це Дево Мати, душа́ моя тьмы кроме́шния убежа́ти и лю́таго гее́нскаго жже́ния.

Слава: Зря конец бли́зу жития́ моего, и помышля́я безме́стных мы́слей, дея́ний же, Всечистая, душу мою де́лательницу, лю́те уязвля́юся стрела́ми со́вести, но прекло́ншися ми́лостивно, бу́ди ми Предста́тельница.

И ныне: Сын да́стся нам за милость, Сын Божий и Ангельский Царь, Преве́чный от чистых крове́й Твоих Человек проше́д. Его́же уми́лостиви, Отрокови́це, страстне́й моей душе́, исторга́емей лю́те от окая́ннаго моего́ телесе́.

Досто́йно есть яко вои́стинну блажи́ти Тя, Богородицу, Присноблаже́нную и Пренепоро́чную и Матерь Бога нашего. Честне́йшую Херуви́м и сла́внейшую без сравне́ния Серафи́м, без истле́ния Бога Сло́ва ро́ждшую, су́щую Богородицу, Тя величаем (поклон).

Окончание канона²

Святы́й Бо́же, Святы́й Кре́пкий, Святы́й Безсме́ртный, помилуй нас (читается трижды, с крестным знамением и поясным поклоном).

Слава Отцу и Сыну и Святому Духу, и ныне и присно и во веки веков, аминь.

Господи, помилуй (трижды).

Слава, и ныне.

Отче наш, Иже еси на Небесе́х, да святи́тся имя Твое, да прии́дет Царствие Твое: да будет воля Твоя, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставляем должнико́м нашим; и не введи́ нас во искуше́ние, но изба́ви нас от лука́ваго.

Тропари

Поми́луй нас, Господи, поми́луй нас; вся́каго бо отве́та недоуме́юще, сию Ти молитву, я́ко Влады́це, гре́шнии приносим: поми́луй нас.

Слава: Господи, поми́луй нас, на Тя бо упова́хом; не прогне́вайся на ны зело́, ниже́ помяни́ беззако́ний наших, но при́зри и ны́не, я́ко Благоутро́бен, и изба́ви ны от враг на́ших; Ты бо еси Бог наш, и мы лю́дие Твои, вси дела́ руку́ Твое́ю, и имя Твое́ призыва́ем.

И ныне: Милосе́рдия две́ри отве́рзи нам, благослове́нная Богоро́дице, наде́ющиися на Тя да не поги́бнем, но да изба́вимся Тобо́ю от бед: Ты бо еси спасе́ние ро́да христиа́нскаго.

Господи, помилуй (40 раз).

Честне́йшую Херуви́м и сла́внейшую без сравне́ния Серафи́м, без истле́ния

Бога Сло́ва ро́ждшую, су́щую Богородицу, Тя величаем.

Слава, и ныне.

Господи, помилуй (трижды).

Господи, благослови.

Господи Иисусе Христе, Сыне Божий, молитвами Пречистыя Твоея Матере, преподобных и богоносных отец наших и всех святых помилуй и спаси нас, яко Благ и Человеколюбец, аминь.

Псалтирь и каноны, чтомые по усопшим

Псалтирь пророка и царя Давида

Начало чтения Псалтири до погребения

Молитвами святых отец наших, Господи Иисусе Христе Сыне Божий, помилуй нас, аминь.

Святы́й Боже, Святы́й Крепкий, Святы́й Безсмертный, помилуй нас (трижды).

Слава Отцу и Сыну и Святому Духу, и ны́не и при́сно и во ве́ки веко́в, аминь.

Пресвята́я Тро́ице, помилуй нас; Господи, очи́сти грехи́ на́ша; Влады́ко, прости беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Господи, помилуй (трижды).

Слава, и ныне.

Отче наш, Иже еси на Небесе́х, да святи́тся имя Твое, да прии́дет Царствие Твое: да будет воля Твоя, я́ко на

Небеси́, и на земли́. Хлеб наш насу́щный даждь нам днесь, и оста́ви нам до́лги на́ша, я́коже и мы оставляем должнико́м нашим; и не введи́ нас во искуше́ние, но изба́ви нас от лука́ваго.

Господи, помилуй (12 раз).

Слава, и ныне.

Прииди́те, поклони́мся Царе́ви нашему Богу (поклон).

Прииди́те, поклони́мся и припаде́м

Христу, Царе́ви нашему Богу (поклон).

Прииди́те, поклони́мся и припаде́м

Самому Христу, Царе́ви и Богу нашему (поклон).

Псалом 90

Живы́й в по́мощи Вы́шняго, в кро́ве Бога Hебе́снаго водвори́тся, рече́т Го́сподеви: Засту́пник мой еси и Прибе́жище мое, Бог мой, и упова́ю на Hего́. Яко То́й изба́вит тя от се́ти ло́вчи и от словесе́ мяте́жна: плещма́ Свои́ма осени́т тя, и под криле́ Его наде́ешися: ору́жием обы́дет тя и́стина Его. Не убои́шися от стра́ха нощна́го, от стрелы́ летя́щия во дни, от ве́щи во тьме преходя́щия, от сря́ща и бе́са полу́деннаго. Паде́т от страны́ твоея́ ты́сяща, и тьма одесну́ю тебе́, к тебе́ же не прибли́жится: оба́че очи́ма твои́ма смо́триши и вoздая́ние гре́шников у́зриши. Яко Ты, Господи, упова́ние мое: Вы́шняго положи́л еси прибе́жище твое. Не прии́дет к тебе зло, и ра́на не прибли́жится телеси́ твоему: яко Ангелом Своим запове́сть о тебе́, сохрани́ти тя во всех путе́х твоих. Hа рука́х во́змут тя, да не когда́ преткне́ши о ка́мень но́гу твою: на а́спида и васили́ска насту́пиши, и попере́ши льва и зми́я. Яко на Мя упова́, и изба́влю и́: покры́ю и́, я́ко позна́ и́мя Мое. Воззове́т ко Мне, и услы́шу его: с ним есмь в ско́рби, изму́ его и просла́влю его: долгото́ю дний испо́лню его и явлю́ ему́ спасе́ние Мое.

Слава, и ныне.

Аллилуия, аллилуия, аллилуия, слава

Тебе, Боже (трижды).

Господи, помилуй (трижды).

Тропарь, глас 8-й

Глубино́ю му́дрости человеколю́бно вся стро́яй и поле́зная всем подава́яй, Еди́не Соде́телю, упоко́й, Господи, ду́шу раба Твоего (или: рабы Твоея): на Тя́ бо упова́ние возложи́, Творца́ и Зижди́теля и Бога на́шего.

Слава, и ныне: Тебе и Сте́ну, и Приста́нище и́мамы, и Моли́твенницу благоприя́тну к Богу, Его́же родила́ еси, Богородице Безневе́стная, ве́рных спасение.

И читаем Псалтирь, на каждой «Славе» творя тропарь о новопреставленном «Покой, Господи…» с пятью поклонами.

По окончании Псалтири читаем псалом 50-й и Канон о усопшем.

Начало чтения Псалтири после погребения

Моли́твами святы́х оте́ц наших, Го́споди Иису́се Христе́ Бо́же наш, поми́луй нас, аминь.

Царю́ Hебе́сный, Уте́шителю, Ду́ше и́стины, Иже везде сы́й и вся исполня́яй, Сокро́вище благи́х и жизни Пода́телю, прииди́ и всели́ся в ны, и очи́сти ны от всякия скве́рны, и спаси́, Бла́же, ду́ши на́ша.

Святы́й Боже, Святы́й Крепкий, Святы́й Безсмертный, помилуй нас (трижды).

Слава Отцу и Сыну и Святому Духу, и ны́не и при́сно и во ве́ки веко́в, аминь.

Господи, помилуй (трижды).

Слава, и ныне.

Отче наш, Иже еси на Небесе́х, да святи́тся имя Твое, да прии́дет Царствие Твое: да будет воля Твоя, я́ко на Небеси́, и на земли́. Хлеб наш насу́щный даждь нам днесь, и оста́ви нам до́лги на́ша, я́коже и мы оставляем должнико́м нашим; и не введи́ нас во искуше́ние, но изба́ви нас от лука́ваго.

Тропари́, глас 6-й: Поми́луй нас, Го́споди, поми́луй нас; вся́каго бо отве́та недоуме́юще, сию́ Ти моли́тву, я́ко Влады́це, гре́шнии прино́сим: поми́луй нас.

Слава: Честно́е проро́ка Твоего́, Го́споди, торжество́, Небо Це́рковь показа́, с челове́ки лику́ют Ангели. Того́ моли́твами, Христе́ Бо́же, в ми́ре упра́ви живо́т наш, да пое́м Ти: аллилу́ия.

И ныне: Мно́гая мно́жества моих, Богоро́дице, прегреше́ний, к Тебе прибего́х, Чистая, спасе́ния тре́буя: посети́ немощству́ющую мою ду́шу и моли́ Сына Твоего и Бога нашего дати ми оставление, яже содеях лютых, едина Благословенная.

Го́споди, поми́луй (40 раз). И поклонов, сколько возможно.

Всесвята́я Тро́ице, Бо́же и Соде́телю всего мира, поспеши́ и напра́ви сердце мое нача́ти с ра́зумом и конча́ти де́лы благи́ми богодухнове́нныя сия́ книги, яже Святы́й Дух усты́ Дави́довы отры́ну, и́хже ныне хощу́ глаго́лати а́з недосто́йный. Разуме́я же свое неве́жество, припа́дая молю́ся Ти, и е́же от Тебе по́мощи прося́: Го́споди, упра́ви ум мой и утверди́ сердце мое, не о глаго́лании усте́н стужа́ти си́, но о ра́зуме глаго́лемых весели́тися, и пригото́витися на творе́ние до́брых дел, я́же учу́ся, и глаго́лю: да до́брыми де́лы просвеще́н, на суди́щи десны́я Ти страны́ прича́стник буду со всеми избра́нными Твоими. И ныне, Влады́ко, благослови́, да воздохну́в от сердца, и язы́ком воспою́, глаго́ля си́це:

Прииди́те, поклони́мся Царе́ви нашему Богу (поклон).

Прииди́те, поклони́мся и припаде́м

Христу, Царе́ви нашему Богу (поклон).

Прииди́те, поклони́мся и припаде́м

Самому́ Христу́, Царе́ви и Богу нашему (поклон).

И начинаем читать Псалтирь.

Кафисма первая

Псалом Давиду, не надпи́сан у еврей, 1.

¹ Блаже́н муж, и́же не и́де на сове́т нечести́вых, и на пути́ гре́шных не ста, и на седа́лищи губи́телей не се́де: ² но в законе Госпо́дни во́ля его, и в зако́не Его поучи́тся день и нощь. ³ И будет я́ко дре́во, насажде́нное при исхо́дищих вод, е́же плод свой даст во время свое́, и лист его не отпаде́т: и вся, ели́ка а́ще твори́т, успе́ет. ⁴ Не та́ко нечести́вии, не та́ко; но я́ко прах, его́же возмета́ет ветр от лица́ земли́. ⁵ Сего́ ра́ди не воскре́снут нечести́вии на Cуд, ниже́ гре́шницы в сове́т пра́ведных. 6 Яко весть Госпо́дь путь пра́ведных, и путь нечести́вых погибнет.

Псалом Давиду, 2.

¹ Вску́ю шата́шася язы́цы, и лю́дие поучи́шася тще́тным? ² Предста́ша ца́рие зе́мстии, и кня́зи собра́шася вку́пе на Го́спода и на Христа́ Его. ³ Расто́ргнем у́зы их и отве́ржем от нас и́го их. ⁴ Живы́й на Небесе́х посмее́тся им, и Госпо́дь поруга́ется им. ⁵ Тогда́ возглаго́лет к ним гне́вом Своим и я́ростию Свое́ю смяте́т я́: ⁶ аз же поста́влен есмь Царь от Hего над Сионом, горо́ю святою Его, ⁷ возвещаяй повеление Господне. Господь рече́ ко Мне: Сын мой еси́ Ты, Аз днесь роди́х Тя: ⁸ проси́ от Мене́, и дам Ти язы́ки достоя́ние Твое́, и одержа́ние Твое́ концы́ земли́: ⁹ упасе́ши я́ жезло́м желе́зным, я́ко сосу́ды скуде́льничи, сокруши́ши я́. ¹⁰ И ны́не, ца́рие, разуме́йте, накажи́теся вси судя́щии земли́. ¹¹ Работайте Го́сподеви со страхом, и ра́дуйтеся Ему с тре́петом. ¹² Приими́те наказа́ние, да не когда́ прогне́вается Господь, и поги́бнете от пути́ пра́веднаго, егда́ возгорится вско́ре ярость Его: блаже́ни вси наде́ющиися Нань.

¹ Псалом Давиду, внегда отбега́ше от лица Авессало́ма, сына своего, 3.

² Го́споди, что ся умно́жиша стужа́ющии ми? Мно́зи востаю́т на мя, ³ мно́зи глаго́лют души́ моей: несть спасения ему в Бо́зе его. ⁴Ты же, Го́споди, Заступник мой еси́, слава моя, и вознося́й главу мою. ⁵ Гла́сом моим ко Господу воззва́х, и услы́ша мя от горы́ святы́я Своея́. ⁶ Аз усну́х и спах, воста́х, я́ко Госпо́дь засту́пит мя. ⁷ Не убою́ся от тем людий, о́крест напа́дающих на мя. ⁸ Воскресни́, Го́споди, спаси́ мя, Бо́же мой: я́ко Ты порази́л еси́ вся вражду́ющия ми всу́е, зубы грешников сокруши́л еси́. ⁹ Госпо́дне есть спасе́ние, и на лю́дех Твоих благослове́ние Твое.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

Поко́й, Господи, душу усо́пшаго раба Твоего (или: усопшей рабы Твоея, или: усопших раб Твоих, имярек) (поклон), и ели́ко в житии́ сем яко человек согреши́ (или: человецы согрешиша), Ты же, яко Человеколю́бец Бог, прости́ его (или: ю, или: их) и помилуй (поклон), ве́чныя му́ки изба́ви (поклон), Небесному Царствию прича́стника (или: причастницу, или: причастники) учини́ (поклон) и душа́м на́шим поле́зная сотвори́ (поклон).

И ныне и присно и во веки веков, аминь.

(Или молитва «Помяни, Господи…» на стр. 407).

¹ В конец, в песнех, псалом Давиду, 4.

² Внегда́ призва́ти ми, услы́ша мя Бог пра́вды моея́: в ско́рби распространи́л мя еси́: уще́дри мя и услы́ши моли́тву мою. ³Сы́нове челове́честии, доколе тяжкосе́рдии? Вску́ю лю́бите суету́ и ищете лжи? ⁴И уве́дите, я́ко удиви́ Госпо́дь преподо́бнаго Своего. Господь услышит мя, внегда́ воззва́ти ми к Hему. ⁵Гне́вайтеся, и не согреша́йте, я́же глаго́лете в сердца́х ваших, на ло́жах ваших умили́теся: ⁶пожри́те же́ртву правды и уповайте на Господа. ⁷Мно́зи глаго́лют: кто яви́т нам блага́я? Зна́менася на нас свет лица Твоего, Го́споди. ⁸ Дал еси весе́лие в сердце моем: от плода пшеницы, вина и еле́я своего умно́жишася: ⁹ в мире вку́пе усну и почи́ю, я́ко Ты, Го́споди, еди́наго на упова́нии всели́л мя еси.

¹ О насле́дствующем, псалом Давиду, 5.

² Глаго́лы моя внуши́, Господи, разуме́й зва́ние мое. ³Вонми́ гла́су моления моего, Царю мой и Боже мой: я́ко к Тебе помолюся, Господи. ⁴ Зау́тра услы́ши глас мой: зау́тра предста́ну Ти, и у́зриши мя: ⁵ яко Бог не хотя́й беззако́ния, Ты еси: не присели́тся к Тебе лука́внуяй, ⁶ниже́ пребу́дут беззако́нницы пред очи́ма Твои́ма: возненави́дел еси вся де́лающия беззаконие, ⁷ погуби́ши вся глаголю́щия лжу: му́жа крове́й и льсти́ва гнуша́ется Господь. ⁸Аз же мно́жеством милости Твоея вни́ду в дом Твой, поклоню́ся ко храму святому Твоему, в страсе Твоем. ⁹Го́споди, наста́ви мя правдою Твоею, враг моих ра́ди испра́ви пред Тобою путь мой. ¹⁰ Яко несть во усте́х их и́стины, сердце их су́етно, гроб отве́рст горта́нь их, язы́ки свои́ми льща́ху. ¹¹Суди́ им, Бо́же, да отпаду́т от мы́слей своих: по мно́жеству нече́стия их изри́ни я́, я́ко преогорчи́ша Тя, Господи. ¹² И да возвеселя́тся вси упова́ющии на Тя, во век возрадуются, и всели́шися в них: и похва́лятся о Тебе лю́бящии имя Твое. ¹³ Яко Ты благослови́ши праведника, Го́споди, я́ко оружием благоволе́ния венча́л еси нас.

¹ В конец, в песнех о осмо́м, псалом Давиду, 6.

² Господи, да не я́ростию Твоею́ обличи́ши мене́, ниже́ гне́вом Твои́м нака́жеши мене́. ³Поми́луй мя, Го́споди, я́ко не́мощен есмь: исцели́ мя, Го́споди, яко смято́шася кости моя, ⁴ и душа моя смяте́ся зело: и Ты, Го́споди, доко́ле? ⁵Обрати́ся, Го́споди, изба́ви ду́шу мою, спаси́ мя ради милости Твоея: ⁶яко несть в смерти помина́яй Тебе, во а́де же кто испове́стся Тебе? ⁷Утруди́хся воздыха́нием моим, измы́ю на вся́ку нощь ло́же мое, слеза́ми моими посте́лю мою омочу́. ⁸ Смятеся от я́рости око мое, обетша́х во всех вразе́х моих. ⁹Отступи́те от мене́ вси де́лающии беззако́ние, я́ко услыша Господь глас плача моего, ¹⁰услыша Господь моле́ние мое, Господь молитву мою прия́т. ¹¹Да постыдя́тся и смяту́тся вси врази́ мои, да возвратя́тся и устыдя́тся зело́ вско́ре.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

Поко́й, Господи, душу усо́пшаго раба Твоего (имярек) (поклон), и ели́ко в житии́ сем яко человек согреши́, Ты же, яко Человеколю́бец

Бог, прости́ его и помилуй (поклон), ве́чныя му́ки изба́ви (поклон), Небесному Царствию прича́стника учини́ (поклон) и душа́м на́шим поле́зная сотвори́ (поклон).

И ныне и присно и во веки веков, аминь.

¹ Псалом Давиду, егоже воспе́т Го́сподеви о словесе́х Хусие́вых, сына Иемении́ на, 7.

² Го́споди Боже мой, на Тя упова́х, спаси́ мя от всех гоня́щих мя и избави мя: ³ да не когда́ похи́тит я́ко лев ду́шу мою, не су́щу избавля́ющу, ниже́ спаса́ющу. ⁴Го́споди Боже мой, а́ще сотвори́х сие́, а́ще есть неправда в руку́ моею, ⁵ аще возда́х воздающим ми зла, да отпаду́ у́бо от враг моих тощ: ⁶ да пожене́т у́бо враг ду́шу мою, и да пости́гнет, и попере́т в зе́млю живо́т мой, и славу мою в пе́рсть всели́т. ⁷Воскресни́, Го́споди, гне́вом Твоим, вознеси́ся в концах враг Твоих, и воста́ни, Го́споди Боже мой, повеле́нием, и́мже запове́дал еси, ⁸и сонм людий обы́дет Тя: и о том на высоту́ обрати́ся. ⁹Госпо́дь су́дит лю́дем: суди́ ми, Го́споди, по правде моей и по незло́бе моей на мя. ¹⁰Да сконча́ется зло́ба гре́шных, и испра́виши пра́веднаго, испыта́яй сердца́ и утро́бы, Боже, пра́ведно. ¹¹Помощь моя от Бога, спасающаго пра́выя сердцем. ¹²Бог Суди́тель Праведен, и Кре́пок, и Долготерпели́в, и не гнев наводя́й на всяк день. ¹³Аще не обратите́ся, ору́жие Cвое очи́стит, лук Свой напряже́, и угото́ва и́, ¹⁴и в нем угото́ва сосу́ды сме́ртныя, стре́лы Своя сгара́емым соде́ла. ¹⁵Се боле́ непра́вдою, зача́т болезнь и роди́ беззако́ние; ¹⁶ ров изры́ и ископа́ и, и паде́т в яму, ю́же соде́ла. ¹⁷Обрати́тся болезнь его на главу его, и на верх его неправда его сни́дет. ¹⁸Исповемся Го́сподеви по правде Его и пою имени Господа Вы́шняго.

¹ В конец, о точи́лех, псалом Давиду, 8.

² Го́споди, Госпо́дь наш, я́ко чу́дно имя Твое́ по всей земли́, я́ко взя́тся великоле́пие Твое превы́ше небес. ³ Из уст младе́нец и ссу́щих соверши́л еси хвалу́, враг Твоих ра́ди, е́же разруши́ти врага и ме́стника. ⁴Яко узрю́ небеса, дела́ перст Твоих, луну и зве́зды, я́же Ты основа́л еси. ⁵Что́ есть человек, я́ко по́мниши его? Или сын человечь, я́ко посеща́еши его? ⁶Ума́лил еси его малым чим от Ангел, славою и че́стию венча́л еси его: ⁷и поста́вил еси его над де́лы руку́ Твоею, вся покори́л еси под но́зе его: ⁸овцы и волы́ вся, еще же и скоты́ польски́я, ⁹птицы небесныя и рыбы морски́я, преходя́щия стези́ морски́я. ¹⁰ Господи, Господь наш, я́ко чу́дно имя Твое по всей земли́.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

(До погребения тропари и молитву после кафисм не читают, а переходят к следующей кафисме.)

По 1-й кафисме: Святы́й Боже, Святы́й

Крепкий, Святы́й Безсмертный, помилуй нас (трижды).

Слава Отцу и Сыну и Святому Духу, и ны́не и при́сно и во ве́ки веко́в, аминь.

Господи, помилуй (трижды).

Слава, и ныне.

Отче наш, Иже еси на Небесе́х, да святи́тся имя Твое, да прии́дет Царствие Твое: да будет воля Твоя, я́ко на Небеси́, и на земли́.

Хлеб наш насу́щный даждь нам днесь, и оста́ви нам до́лги на́ша, я́коже и мы оставляем должнико́м нашим; и не введи́ нас во искуше́ние, но изба́ви нас от лука́ваго.

И тропари, глас 1-й: В беззако́ниих зача́вся аз, блу́дный, не дерза́ю взира́ти на высоту Небесную, но, дерза́я на человеколюбие Твое, зову: Боже, очи́сти мя, грешнаго, и спаси мя.

Аще праведник едва спасается, аз где явлюся, грешный? Тяготы́ и зноя дневна́го не понесо́х, но с нае́мники единонадеся́таго часа́ сопричти́ мя, Боже, и спаси мя.

Слава: Объя́тия Отча отве́рсти ми потщи́ся, блу́дно мое ижди́х житие́, на богатство неиждива́емое взира́яй щедро́т Твоих, Спа́се, ныне обнища́вшее мое да не пре́зриши сердце. Тебе бо, Господи, умиле́нием зову: согреши́х на Небо и пред Тобою.

И ныне: Упование христиан, Пресвятая Дево, Егоже родила́ еси, Бога, паче ума же и слова, непреста́нно моли с горними силами дати оставление грехов нам всем и исправление жития́, верою и любовию при́сно Тя чту́щим.

Господи, помилуй (40 раз).

Владыко Вседержи́телю, Непостижи́ме, начало света и преу́мная си́ло, Иже Ипоста́снаго слова Отец и Единоси́льнаго Твоего Духа испусти́тель: милосердныя ради милости и неизрече́нныя бла́гости не презре́вый человеческаго естества́, тьмою греха содержи́маго, но Боже́ственными све́ты священных Твоих учений, законом и проро́ки свети́вый миру, последи́ же нам того Единоро́днаго Твоего Сына благоволи́вый пло́тию возси́яти, и ко осия́нию нас Твоего просвещения наста́вити: да будут уши Твои вне́млюще гла́су моления нашего, и да́руй нам, Боже, во бде́нном и тре́звенном сердце всю настоя́щаго жития нощь прейти́, ожида́ющим прише́ствия Сына Твоего и Бога нашего, Судии́ всех, да не возлежа́ще и спя́ще, но бо́дрствующе и воздви́жени в де́лание заповедей Твоих обря́щемся и в радость Его совни́дем, идеже празднующих глас непреста́нный, и неизрече́нная сладость зрящих Твоего лица добро́ту неизглаго́ланную. Яко Благ и Человеколю́бец Бог еси́, и Тебе славу возсыла́ем, Отцу и Сыну и Святому Духу, ныне и присно и во веки веко́в, аминь.

Кафисма вторая

¹ В конец, о тайных сына, псалом Давиду, 9.

² Испове́мся Тебе, Го́споди, всем сердцем моим, пове́м вся чудеса Твоя. ³ Возвеселюся и возрадуюся о Тебе, пою имени Твоему, Вы́шний. ⁴ Внегда возврати́тися врагу моему вспять, изнемо́гут и поги́бнут от лица Твоего. ⁵ Яко сотворил еси суд мой и прю мою: сел еси на Престоле, судяй правду. ⁶ Запретил еси язы́ком, и поги́бе нечестивый, имя его потребил еси в век и в век ве́ка. ⁷ Врагу оскуде́ша ору́жия в конец, и грады разруши́л еси: поги́бе память его с шумом. ⁸ И Господь во век пребыва́ет, угото́ва на суд Престо́л Свой: ⁹ и Той судити и́мать вселе́нней в правду, суди́ти и́мать лю́дем в правоте́. ¹⁰И бысть Господь прибе́жище убо́гому, помощник во благовре́мениих, в ско́рбех. ¹¹ И да упова́ют на Тя зна́ющии имя Твое, я́ко не оставил еси взыскающих Тя, Го́споди. ¹²Пойте Го́сподеви, живущему в Сионе, возвести́те во язы́цех начинания Его: ¹³ яко взыска́яй кро́ви их помяну́, не забы́ звания убо́гих. ¹⁴Поми́луй мя, Го́споди, виждь смирение мое от враг моих, вознося́й мя от врат сме́ртных: ¹⁵ яко да возвещу́ вся хвалы Твоя во врате́х дще́ре Сио́ни: возрадуемся о спасении Твоем. ¹⁶ Углебо́ша язы́цы в па́губе, ю́же сотвори́ша: в се́ти сей, ю́же скры́ша, увязе́ нога их. ¹⁷Зна́емь есть Госпо́дь, судьбы́ творя́й: в де́лех руку́ свое́ю увязе́ гре́шник. ¹⁸ Да возвратятся грешницы во ад, вси язы́цы, забыва́ющии Бога. ¹⁹ Яко не до конца забве́н будет нищий, терпение убогих не погибнет до конца. ²⁰ Воскресни, Господи, да не крепи́тся человек, да су́дятся язы́цы пред Тобою. ²¹Поста́ви, Го́споди, законоположи́теля над ними, да разуме́ют язы́цы, я́ко челове́цы суть. ²² Вску́ю, Го́споди, отстоя́ дале́че, презира́еши во благовре́мениих, в ско́рбех? ²³ Внегда́ горди́тися нечести́вому, возгара́ется нищий: увяза́ют в сове́тех, я́же помышля́ют. ²⁴ Яко хвали́мь есть грешный в по́хотех души́ своея́, и оби́дяй благослови́мь есть. ²⁵Раздражи́ Го́спода грешный: по мно́жеству гнева своего не взы́щет: несть Бога пред ним. ²⁶ Оскверня́ются путие́ его на всяко время: отъе́млются судьбы́ Твоя от лица́ его: всеми враги своими обладает. ²⁷ Рече́ бо в сердцы своем: не подви́жуся от рода в род без зла: ²⁸ его́же клятвы уста́ его по́лна суть, и горести и льсти: под язы́ком его труд и болезнь. ²⁹Приседи́т в лови́тельстве с богатыми в тайных, е́же уби́ти непови́ннаго: очи его на ни́щаго призира́ете. ³⁰Лови́т в тайне, я́ко лев во ограде своей; лови́т е́же восхи́тити ни́щаго; восхи́тити ни́щаго, внегда́ привлещи́ и́ в се́ти своей. ³¹Смири́т его: преклони́тся и паде́т, внегда́ ему облада́ти убо́гими. ³² Рече бо в сердце своем: забы́ Бог, отврати́ лице́ Свое, да не ви́дит до конца. ³³Воскресни́, Го́споди Боже мой, да вознесе́тся рука Твоя, не забуди убо́гих Твоих до конца. ³⁴Чесо́ ради прогне́ва нечести́вый Бога, рече́ бо в сердцы своем: не взы́щет? ³⁵Ви́диши, я́ко Ты болезнь и ярость смотря́еши, да пре́дан будет в ру́це Твои: Тебе оста́влен есть нищий, си́ру Ты бу́ди Помощник. ³⁶Сокруши́ мы́щцу грешному и лука́вому: взы́щется грех его и не обря́щется. ³⁷ Госпо́дь Царь во век и в век века: поги́бнете, язы́цы, от земли Его. ³⁸Жела́ние убо́гих услышал еси, Го́споди, угото́ванию се́рдца их внят ухо Твое. ³⁹Суди́ си́ру и смире́ну, да не приложи́т ктому́ велича́тися человек на земли́.

В конец, псалом Давиду, 10.

¹ На Господа уповах, ка́ко рече́те души́ моей: превита́й по гора́м, яко птица? ²Яко се грешницы наляко́ша лук, угото́ваша стре́лы в ту́ле, состреля́ти во мра́це пра́выя сердцем. ³ Зане́ я́же Ты совершил еси, они разруши́ша: праведник же что́ сотвори? Госпо́дь во храме святем Своем. ⁴Госпо́дь, на Небеси́ Престол Его: очи Его на ни́щаго призира́ете, ве́жди Его испыта́ете сы́ны человеческия. ⁵ Госпо́дь испыта́ет пра́веднаго и нечести́ваго: любя́й же неправду ненави́дит свою душу. ⁶Одожди́т на гре́шники сети: огнь и жупел, и дух бурен часть чаши их. ⁷ Яко праведен Господь и правды возлюби́: правоты́ ви́де лице́ Его.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

¹ В конец, о осмей, псалом Давиду, 11.

² Спаси́ мя, Го́споди, я́ко оскуде́ преподо́бный: я́ко ума́лишася и́стины от сыно́в человеческих. ³Су́етная глаго́ла ки́йждо ко искреннему своему: устне́ льсти́выя в сердцы, и в сердцы глаго́лаша злая. ⁴Потреби́т Господь вся устны́ льсти́выя, язык велере́чивый, ⁵ ре́кшия: язык наш возвели́чим, устны́ наша при нас суть: кто нам Господь есть? ⁶ Страсти ради нищих и воздыха́ния убогих ны́не воскресну́, глаголет Господь: положу́ся во спасение, не обиню́ся о нем. ⁷ Словеса Госпо́дня словеса́ чи́ста, сребро́ разжже́но, искуше́но земли́, очище́но седмери́цею. ⁸ Ты, Господи, сохрани́ши ны и соблюде́ши ны от рода сего и во век. ⁹ Окрест нечести́вии ходят: по высоте́ Твоей умножил еси сы́ны челове́ческия.

¹ В конец, псалом Давиду, 12.

² Доко́ле, Го́споди, забу́деши мя до конца? Доко́ле отвраща́еши лице́ Твое от мене́? ³Доко́ле положу́ сове́ты в души́ моей, болезни в сердцы моем день и нощь? доко́ле вознесе́тся враг мой на мя? ⁴При́зри, услы́ши мя, Го́споди Боже мой: просвети́ очи мои, да не когда́ усну́ в смерть: ⁵ да не когда́ речет враг мой: укрепихся на него. ⁶Стужа́ющии ми возра́дуются, а́ще подви́жуся. ⁷ Аз же на милость Твою упова́х: возра́дуется сердце мое о спасении Твоем: воспою Го́сподеви, благоде́явшему мне, и пою имени Господа Вы́шняго.

В конец, псалом Давиду, 13.

¹ Рече́ безу́мен в сердце своем: несть Бог. Растлеша и омерзи́шася в начинаниих: несть творя́й благосты́ню. ² Госпо́дь с Небесе́ прини́че на сы́ны челове́ческия, ви́дети, а́ще есть разумева́яй или взыскаяй Бога. ³Вси́ уклони́шася, вку́пе неключи́ми бы́ша: несть творя́й благосты́ню, несть до еди́наго. ⁴Ни ли́ уразуме́ют вси́ де́лающии беззако́ние, снеда́ющии лю́ди моя в снедь хле́ба? Го́спода не призва́ша. ⁵ Тамо убоя́шася страхa, иде́же не бе страх, я́ко Господь в роде праведных. ⁶Совет ни́щаго посрами́сте: Господь же упова́ние его есть. ⁷ Кто даст от Сиона спасение Изра́илево? ⁸ Внегда возврати́т Госпо́дь плене́ние людий Своих, возра́дуется Иаков и возвесели́тся Израиль.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

В конец, псалом Давиду, 14.

¹ Го́споди, кто обита́ет в жили́щи Твоем? Или́ кто всели́тся во святу́ю го́ру Твою? ²Ходя́й непоро́чен и де́лаяй правду, глаго́ляй истину в сердцы своем: ³иже не ульсти́ язы́ком своим и не сотвори́ и́скреннему своему зла, и поноше́ния не прия́т на бли́жния своя́: ⁴уничиже́н есть пред ним лука́внуяй, боя́щияжеся Господа сла́вит: клены́йся и́скреннему своему и не отмета́яся: ⁵ сребра своего не даде́ в ли́хву и мзды на непови́нных не прия́т. Творя́й сия́ не подви́жится во век.

Столпописа́ние Давиду, 15.

¹ Сохрани́ мя, Господи, я́ко на Тя упова́х. ² Рех Го́сподеви: Госпо́дь мой еси Ты, я́ко благи́х моих не тре́буеши. ³Святым, и́же суть на земли́ Его, удиви́ Госпо́дь вся хоте́ния Своя в них. ⁴Умно́жишася не́мощи их, по сих ускори́ша: не соберу́ соборы их от крове́й, ни помяну́ же име́н их устна́ма мои́ма. ⁵Госпо́дь часть достоя́ния моего и чаши моея: Ты еси устроя́яй достоя́ние мое мне. ⁶ Ужа нападо́ша ми в держа́вных моих, и́бо достоя́ние мое держа́вно есть мне. ⁷Благословлю́ Господа, вразуми́вшаго мя: еще́ же и до но́щи наказа́ша мя утро́бы моя. ⁸Предзрех Го́спода предо мною вы́ну, яко одесну́ю мене́ есть, да не подви́жуся. ⁹Сего́ ра́ди возвесели́ся сердце мое и возра́довася язык мой: еще же и плоть моя всели́тся на упова́нии. ¹⁰ Яко не оста́виши ду́шу мою во аде, ниже́ да́си преподобному Твоему ви́дети истле́ния. ¹¹Сказал ми еси́ пути́ живота: исполниши мя веселия с лице́м Твоим: красота в десни́це Твоей в конец.

Молитва Давиду, 16.

¹ Услы́ши, Го́споди, правду мою, вонми́ моле́нию моему, внуши́ молитву мою не во устна́х льсти́вых. ² От лица Твоего судьба моя изы́дет: очи мои да ви́дита правоты́. ³Искуси́л еси́ сердце мое, посетил еси но́щию: искуси́л мя еси, и не обре́теся во мне неправда. ⁴ Яко да не возглаго́лют уста́ моя дел человеческих, за словеса́ усте́н Твоих аз сохрани́х пути́ же́стоки. ⁵Соверши́ стопы́ моя во стезя́х Твоих, да не подви́жутся стопы́ моя. ⁶Аз воззва́х, я́ко услышал мя еси, Боже: приклони́ ухо Твое мне и услыши глаго́лы моя. ⁷Удиви́ ми́лости Твоя, спаса́яй упова́ющия на Тя от проти́вящихся десни́це Твоей: ⁸ сохрани мя, Господи, я́ко зе́ницу о́ка: в кро́ве крилу́ Твоею покры́еши мя: ⁹ от лица нечести́вых, остра́стших мя: врази́ мои душу мою одержаша, ¹⁰ тук свой затвори́ша: уста́ их глаго́лаша горды́ню. ¹¹Изгоня́щии мя ныне обыдо́ша мя, очи свои возложи́ша уклони́ти на зе́млю. ¹²Объяша мя яко лев готов на лов и яко ски́мен обита́яй в та́йных. ¹³ Воскресни́, Го́споди, предвари́ я́ и запни им: изба́ви ду́шу мою от нечести́ваго, оружие Твое ¹⁴ от враг руки Твоея, Го́споди, от малых от земли: раздели я́ в животе́ их, и сокровенных Твоих исполнися чрево их: насы́тишася сыно́в, и оста́виша оста́нки младе́нцем своим. ¹⁵Аз же правдою явлю́ся лицу Твоему; насы́щуся, внегда́ яви́ти ми ся славе Твоей.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

(До погребения тропари и молитву после кафиcмы не читают, а переходят к следующей кафисме.)

По 2-й кафисме:

Трисвятое по Отче наш.

Тропари́, глас 2-й: Аз сый дре́во непло́дное, Господи, умиле́ния плода́ не ношу́ отнюд, и посече́ния страшу́ся, и огня о́наго бою́ся негаси́маго. Темже Тя молю: прежде о́ныя ну́жды обрати́ и спаси́ мя.

Яко во́лны морски́я, на мя воста́ша беззако́ния моя, яко корабле́ц в пучи́не, аз един обурева́юся от прегреше́ний многих; но в тихое приста́нище наста́ви мя, Господи, покая́нием и спаси мя.

Слава: Помилуй мя, рече́ Давид, и аз Тебе зову́: согреших, Спа́се, грехи моя очи́стив покаянием, помилуй мя.

И ныне: Предстательство те́плое христиан, Сына Твоего моли́, Богоро́дице, вся́каго злоде́йства и лю́тости избавити нас ра́тника, и дати прощение нам, о нихже согреши́хом, милосе́рдия ради щедро́т, Твоими молитвами, Мати Де́во.

Господи, помилуй (40 раз).

Влады́ко Вседержи́телю, Отче Господа нашего Иисуса Христа, Единоро́днаго Твоего Сына, даждь ми тело нескве́рное, сердце чистое, ум бодр, разум незаблу́дный, Духа Свята́го наше́ствие, к стяжанию и дово́льству ис84 тины во Христе Твоем: с Ни́мже Тебе слава подоба́ет, честь и поклонение со Святым Духом, ны́не и при́сно и во веки веков, аминь.

Кафисма третия

¹ В конец, о́троку Господню Давиду, я́же глаго́ла Го́сподеви словеса́  песни сея́, в день, в о́ньже изба́ви его Го́сподь от руки всех враг его и из руки Сау́ли, и рече: 17.

² Возлюблю́ Тя, Го́споди, кре́посте моя: ³ Го́сподь утвержде́ние мое, и прибе́жище мое, и Изба́витель мой, Бог мой, Помощник мой, и уповаю на Него: Защи́титель мой, и рог спасения моего, и Засту́пник мой. ⁴Хваля́ призову́ Го́спода и от враг моих спасу́ся. ⁵Одержа́ша мя болезни сме́ртныя, и пото́цы беззако́ния смято́ша мя: ⁶болезни адовы обыдо́ша мя, предвари́ша мя сети смертныя. ⁷И внегда́ скорбе́ти ми, призва́х Го́спода, и к Богу моему воззва́х: услы́ша от храма святаго Своего глас мой, и вопль мой пред Ним вни́дет во уши Его. ⁸И подви́жеся и тре́петна бысть земля, и основания гор смято́шася и подвиго́шася, я́ко прогне́вася на ня Бог. ⁹Взыде дым гневом Его, и огнь от лица Его воспла́менится: у́глие возгоре́ся от Hего. ¹⁰И приклони́ небеса и сни́де, и мрак под нога́ма Его. ¹¹И взы́де на Херуви́мы, и лете́, лете́ на крилу́ ве́треню. ¹² И положи тьму закро́в Свой: о́крест Его селе́ние Его, темна́ вода во о́блацех возду́шных. ¹³ От облиста́ния пред Ним о́блацы проидоша, град и углие огненное. ¹⁴ И возгреме́ с Небесе́ Госпо́дь, и Вы́шний даде́ глас Свой. ¹⁵Низпосла́ стре́лы, и разгна́ я́, и молнии умножи, и смяте́ я. ¹⁶И яви́шася исто́чницы водни́и, и откры́шася основа́ния вселе́нныя от запреще́ния Твоего, Го́споди, от дохнове́ния духа гнева Твоего. ¹⁷Низпосла́ с высоты́ и прия́т мя, восприя́т мя от вод мно́гих. ¹⁸Изба́вит мя от врагов моих сильных и от ненави́дящих мя: я́ко утверди́шася па́че мене́. ¹⁹Предвари́ша мя в день озлобле́ния моего: и бысть Господь утвержде́ние мое. ²⁰И изведе́ мя на широту́: изба́вит мя, я́ко восхоте́ мя. ²¹И возда́ст ми Господь по правде моей, и по чистоте́ руку́ моею возда́ст ми, ²² яко сохраних пути Господни и не нече́ствовах от Бога моего. ²³ Яко вся судьбы́ Его предо мно́ю, и оправда́ния Его не отступи́ша от мене́. ²⁴И буду непоро́чен с Ним и сохраню́ся от беззако́ния моего. ²⁵ И возда́ст ми Господь по правде моей и по чистоте́ руку́ моею пред очима Его. ²⁶С преподо́бным преподо́бен бу́деши, и с му́жем непови́нным непови́нен бу́деши, ²⁷ и со избра́нным избра́н бу́деши, и со стропти́вым разврати́шися. ²⁸Яко Ты лю́ди смире́нныя спасе́ши и очи гордых смири́ши. ²⁹Яко Ты просвети́ши светильник мой, Господи, Боже мой, просвети́ши тьму мою. ³⁰Яко Тобою избавлюся от искушения, и Богом моим прейду́ сте́ну. ³¹Бог мой, непорочен путь Его: словеса Господня разжженна. Защи́титель есть всех упова́ющих на Него. ³² Яко кто бог, ра́зве Го́спода? или́ кто бог, ра́зве Бога нашего? ³³ Бог препоясу́яй мя си́лою, и положи непоро́чен путь мой: ³⁴соверша́яй но́зе мои, яко еле́ни, и на высоких поставля́яй мя: ³⁵ науча́яй ру́це мои на брань, и положи́л еси́ лук ме́дян мы́шца моя. ³⁶И дал ми еси защище́ние спасения, и десни́ца Твоя восприя́т мя: и наказа́ние Твое испра́вит мя в конец, и наказа́ние Твое то́ мя научи́т. ³⁷Ушири́л еси стопы́ моя подо мно́ю, и не изнемого́сте плесне́ мои. ³⁸Пожену́ враги моя, и пости́гну я́, и не возвращу́ся, до́ндеже сконча́ются: ³⁹ оскорблю́ их, и не возмо́гут ста́ти, падут под нога́ма мои́ма. ⁴⁰И препоя́сал мя еси си́лою на брань, спял еси вся востаю́щия на мя под мя. ⁴¹ И врагов моих дал ми еси хребе́т и ненави́дящия мя потребил еси. ⁴² Воззва́ша, и не бе спасаяй: ко Го́споду, и не услы́ша их. ⁴³И истню́ я́, я́ко прах пред лицем ветра, я́ко бре́ние пути́й погла́жду я́. ⁴⁴Изба́виши мя от пререкания людий, поста́виши мя во главу́ язы́ков: лю́дие, ихже не ве́дех, рабо́таша ми, ⁴⁵ в слух уха послу́шаша мя. Сы́нове чужди́и солга́ша ми, ⁴⁶сынове чужди́и обетша́ша и охромо́ша от стезь своих. ⁴⁷Жив Госпо́дь, и благослове́н Бог, и да вознесе́тся Бог спасе́ния моего, ⁴⁸Бог дая́й отмще́ние мне и покори́вый люди под мя, ⁴⁹Изба́витель мой от враг моих гневли́вых: от востаю́щих на мя вознесеши мя, от мужа непра́ведна изба́виши мя. ⁵⁰Сего́ ра́ди испове́мся Тебе во язы́цех, Го́споди, и имени Твоему пою: ⁵¹ велича́яй спасения царе́ва и творяй милость христу³ Своему Давиду и семени его до века.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

¹ В конец, псалом Давиду, 18.

² Небеса пове́дают славу Божию, творе́ние же руку́ Его возвеща́ет твердь. ³ День дни отрыга́ет глаго́л, и нощь но́щи возвеща́ет ра́зум. ⁴ Не суть ре́чи, ниже́ словеса́, и́хже не слы́шатся гла́си их. ⁵Во всю зе́млю изы́де веща́ние их, и в концы́ вселе́нныя глаго́лы их: в солнце положи́ селение Свое: ⁶ и той, я́ко жених, исходя́й от черто́га своего, возра́дуется, я́ко исполи́н тещи́ путь. ⁷ От края небесе́ исход его, и сре́тение его до края небесе́: и несть, и́же укры́ется теплоты́ его. ⁸ Закон Госпо́день непоро́чен, обраща́яй ду́ши: свидетельство Господне верно, умудря́ющее младе́нцы. ⁹Оправда́ния Госпо́дня пра́ва, веселя́щая сердце: за́поведь Госпо́дня светла́, просвеща́ющая очи. ¹⁰ Страх Госпо́день чист, пребыва́яй в век ве́ка: судьбы́ Госпо́дни и́стинны, оправда́нны вку́пе, ¹¹ вожделе́нны па́че зла́та и ка́мене че́стна мно́га, и сла́ждша па́че ме́да и со́та. ¹² Ибо раб Твой хранит я́: внегда́ сохрани́ти я́, воздаяние много. ¹³ Грехопаде́ния кто разуме́ет? От тайных моих очи́сти мя, ¹⁴ и от чужди́х пощади раба Твоего: а́ще не облада́ют мною, тогда́ непоро́чен буду и очи́щуся от греха вели́ка. ¹⁵ И будут во благоволе́ние словеса́ уст моих, и поуче́ние се́рдца моего пред Тобою вы́ну, Го́споди, Помо́щниче мой и Изба́вителю мой.

¹ В конец, псалом Давиду, 19.

² Услы́шит тя Господь в день печали, защи́тит тя имя Бога Иа́ковля. ³По́слет ти помощь от Свята́го, и от Сио́на засту́пит тя. ⁴Помяне́т вся́ку жертву твою, и всесожже́ние твое ту́чно бу́ди. ⁵ Даст ти Госпо́дь по сердцу твоему и весь совет твой испо́лнит. ⁶ Возра́дуемся о спасе́нии твоем, и во имя Го́спода Бога нашего возвели́чимся: испо́лнит Госпо́дь вся проше́ния твоя. ⁷Ны́не позна́х, я́ко спасе́ Госпо́дь христа Своего: услы́шит его с Небесе́ свята́го Своего: в си́лах спасе́ние десни́цы Его. ⁸Си́и на колесни́цах, и си́и на ко́нех: мы же во имя Го́спода Бога нашего призове́м. ⁹Ти́и спя́ти бы́ша и падо́ша: мы же воста́хом и испра́вихомся. ¹⁰Го́споди, спаси́ царя и услы́ши ны, в о́ньже аще день призове́м Тя.

¹Псалом Давиду, 20.

² Го́споди, си́лою Твоею возвесели́тся царь и о спасе́нии Твое́м возра́дуется зело́. ³Жела́ние се́рдца его дал еси́ ему, и хоте́ния устну́ его не́си лиши́л его. ⁴Яко предвари́л еси его благослове́нием благосты́нным, положи́л еси на главе его вене́ц от ка́мене че́стна. ⁵Живота́ проси́л есть у Тебе, и дал еси́ ему долготу́ дний во век века. ⁶Ве́лия слава его спасе́нием Твоим: сла́ву и велеле́пие возложи́ши на него. ⁷ Яко да́си ему благослове́ние во век ве́ка: возвесели́ши его ра́достию с лице́м Твоим. ⁸ Яко царь упова́ет на Го́спода, и милостию Вы́шняго не подви́жится. ⁹ Да обря́щется рука Твоя всем врагом Твоим, десни́ца Твоя да обря́щет вся ненави́дящия Тебе. ¹⁰Яко положи́ши их я́ко пещь о́гненную во время лица Твоего: Господь гневом Своим смяте́т я́, и сне́сть их огнь. ¹¹ Плод их от земли погуби́ши, и семя их от сынов человеческих. ¹²Яко уклони́ша на Тя зла́я, помы́слиша советы, и́хже не возмо́гут соста́вити. ¹³Яко положи́ши я́ хребе́т: во избы́тцех Твоих угото́виши лице́ их. ¹⁴Вознеси́ся, Го́споди, силою Твоею: воспое́м и пое́м силы Твоя.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

1 В конец, о заступле́нии у́треннем, псалом Давиду, 21.

² Боже, Боже мой, вонми́ ми, вску́ю оста́вил мя еси́? Дале́че от спасе́ния моего словеса грехопаде́ний моих. ³Боже мой, воззову́ во дни, и не услы́шиши, и в нощи́, и не в безу́мие мне. ⁴Ты же во Святе́м живе́ши, хвало́ Изра́илева. ⁵На Тя упова́ша отцы́ наши: упова́ша, и изба́вил еси я: ⁶ к Тебе воззва́ша, и спасо́шася: на Тя упова́ша, и не постыде́шася. ⁷ Аз же есмь червь, а не человек, поноше́ние челове́ков и уничиже́ние людей. ⁸Вси ви́дящии мя поруга́ша ми ся, глаго́лаша устна́ми, покива́ша главою: ⁹ упова́ на Господа, да изба́вит его, да спасе́т его, я́ко хо́щет его. ¹⁰Яко Ты еси́ исто́ргий мя из чре́ва, упова́ние мое от сосцу́ ма́тере моея. ¹¹К Тебе приве́ржен есмь от ложе́сн, от чре́ва ма́тере моея Бог мой еси Ты. ¹² Да не отсту́пиши от мене́, я́ко скорбь близ, яко несть помога́яй ми. ¹³Обыдо́ша мя тельцы́ мно́зи, юнцы́ ту́чнии одержа́ша мя: ¹⁴ отверзо́ша на мя уста Своя́, я́ко лев восхища́яй и рыка́яй. ¹⁵ Яко вода излия́хся, и разсы́пашася вся кости моя, бысть сердце мое я́ко воск та́яй посреде́ чрева моего. ¹⁶Изсше я́ко скуде́ль кре́пость моя, и язык мой прильпе́ горта́ни моему, и в персть смерти свел мя еси. ¹⁷Яко обыдо́ша мя пси мно́зи, сонм лука́вых одержа́ша мя: ископа́ша ру́це мои и но́зе мои. ¹⁸Исчето́ша вся кости моя: ти́и же смотри́ша и презре́ша мя. ¹⁹Раздели́ша ри́зы моя себе, и о оде́жди моей мета́ша жребий. ²⁰Ты же, Го́споди, не удали́ помощь Твою от мене́: на заступле́ние мое вонми́. ²¹Изба́ви от ору́жия ду́шу мою, и из руки́ пе́сии единоро́дную мою. ²²Спаси мя от уст льво́вых и от рог единоро́жь смире́ние мое. Пове́м имя Твое бра́тии моей, посреде́ це́ркве воспою́ Тя. ²⁴Боя́щиися Го́спода, восхвали́те Его, все семя Иа́ковле, просла́вите Его, да убои́тся же от Него все семя Израи́лево. ²⁵ Яко не уничижи́, ниже́ негодова́ молитвы ни́щаго, ниже́ отврати́ лице Свое от мене́, и егда́ воззва́х к Hему, услы́ша мя. ²⁶От Тебе похвала́ моя, в церкви вели́цей испове́мся Тебе: молитвы моя воздам пред боя́щимися Его. ²⁷Ядя́т убо́зии и насы́тятся, и восхва́лят Господа взыска́ющии Его́: жива́ бу́дут сердца́ их в век ве́ка. ²⁸Помяну́тся и обратя́тся ко Господу вси концы́ земли́, и покло́нятся пред Ним вся оте́чествия язык: ²⁹ яко Господне есть ца́рствие, и Той облада́ет язы́ки. ³⁰Ядо́ша и поклони́шася вси ту́чнии земли́: пред Ним припаду́т вси низходя́щии в зе́млю: и душа моя тому́ живе́т. ³¹И семя мое порабо́тает Ему: возвести́т Господеви род гряду́щий: ³² и возвестя́т правду Его лю́дем ро́ждшимся, я́же сотвори́ Господь.

Псалом Давиду, 22.

¹ Господь пасе́т мя, и ничто́же мя лиши́т. ² На месте зла́чне, та́мо всели́ мя, на воде́ поко́йне воспита́ мя. ³Ду́шу мою обрати, наста́ви мя на стези́ пра́вды, и́мене ра́ди Своего. ⁴Аще бо и пойду́ посреде́ се́ни сме́ртныя, не убою́ся зла, я́ко Ты со мно́ю еси́: жезл Твой и па́лица Твоя́, та мя уте́шиста. ⁵Угото́вал еси предо мно́ю трапе́зу сопроти́в стужа́ющим мне: ума́стил еси́ еле́ом главу́ мою, и чаша Твоя́ упоява́ющи мя, я́ко держа́вна. ⁶И ми́лость Твоя́ пожене́т мя вся дни живота́ моего́, и е́же всели́ти ми ся в дом Господень в долготу́ дний.

Псало́м Давиду, еди́ныя от суббо́т, 23.

¹ Господня земля, и исполне́ние ея, вселе́нная и вси живу́щии на ней. ²Той на моря́х основа́л ю́ есть и на река́х угото́вал ю́ есть. ³Кто взы́дет на го́ру Господню? или́ кто ста́нет на ме́сте святе́м Его́? 4Непови́нен рука́ма и чист се́рдцем, и́же не прия́т всу́е душу свою и не кля́тся ле́стию и́скреннему своему. ⁵Сей прии́мет благослове́ние от Господа и ми́лостыню от Бога, Спа́са своего́. ⁶Сей род и́щущих Господа, и́щущих лице́ Бо́га Иа́ковля. ⁷Возми́те врата́ кня́зи ва́ша, и возми́теся врата́ ве́чная: и вни́дет Царь сла́вы. ⁸Кто́ есть сей Царь сла́вы? Господь кре́пок и си́лен, Господь си́лен в бра́ни. ⁹ Возми́те врата́ кня́зи ваша, и возми́теся врата́ вечная: и вни́дет Царь сла́вы. ¹⁰ Кто есть се́й Царь сла́вы? Господь сил, Той есть Царь сла́вы.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

(До погребения тропари и молитву после кафисмы не читают, а переходят к следующей кафисме.)

По 3-й кафисме:

Трисвятое по Отче наш.

Тропари́, глас 3-й: Живу́щи на земли́, душе́ моя, покайся: персть во гро́бе не пое́т, прегреше́ний не избавляет. Возопи́й Христу Богу:

Сердцеве́дче, согреши́х, прежде даже не осу́диши мя, помилуй мя.

Доко́ле, душе моя, пребыва́еши в прегреше́ниих? Доко́ле прие́млеши покаяния преложе́ние? Приими́ во уме суд грядущий и возопи́й Господу: Сердцеве́дче, согреших, прежде даже не осу́диши мя, помилуй мя.

Слава: На Страшном Суди́щи без оглаго́льников облича́юся, без свидетелей осужда́юся, книги бо со́вестныя разгиба́ются, и дела́ сокрове́нная открываются. Прежде не́же во о́ном всенародном позо́рищи и́маши испыта́ти, я́же мною соде́янная, Боже, очисти мя и спаси мя.

И ныне: Недоразумева́емое и непостижи́мое есть, Влады́чице Богоблагода́тная, соде́янное о Тебе страшное таинство: Необъе́млемаго бо, заче́нши, родила́ еси пло́тию обложе́ннаго от чи́стых крове́й Твоих: Егоже, Чистая, яко Сына Твоего, моли спасти вся пою́щия Тя.

Господи, помилуй (40 раз).

Господи Вседержи́телю, Слове Пребезнача́льнаго Отца, самосоверше́нный Боже Иисусе Христе, милосе́рдия ради безприкла́днаго милости Твоея, ника́коже разлуча́яйся Твоих рабо́в, но при́сно в них почива́яй, не остави мя, раба Твоего, Всесвяты́й Царю, но даждь мне, недостойному, радование спасения Твоего и просвети мой ум светом познания Ева́нгелия Твоего, ду́шу мою любовию Креста Твоего обяжи́, тело же мое Твоим безстра́стием украси́, мысли умири́ и но́зе мои сохрани от поползнове́ния, и не погуби мя со беззако́ньми моими, Благи́й Господи; но искуси́ мя, Боже, и вразуми́ сердце мое, испыта́й мя, и уве́ждь стези́ моя, и ви́ждь, а́ще путь беззакония во мне, и отврати от него, и наста́ви мя на путь ве́чен. Ты бо еси Путь, и Истина, и Живот, и Тебе славу возсыла́ем, со Безнача́льным Твоим Отце́м и Пресвятым, и Благим, и Животворя́щим Духом ныне и присно и во веки веков, аминь.

Кафисма четвертая

Псалом Давиду, 24.

¹ К Тебе́, Господи, воздвиго́х ду́шу мою, Боже мо́й, на Тя упова́х, да не постыжу́ся во век, ниже́ да посмею́т ми ся врази́ мои, ²и́бо вси терпя́щии Тя не постыдя́тся. ³Да постыдя́тся беззако́ннующии вотще́. ⁴Пути́ Твоя, Господи, скажи́ ми и стезя́м Твоим научи мя. ⁵Наста́ви мя на и́стину Твою и научи мя, я́ко Ты еси́ Бог Спас мо́й, и Тебе терпе́х весь день. ⁶Помяни́ щедро́ты Твоя, Господи, и милости Твоя́, яко от века суть. ⁷ Грех ю́ности моея и неве́дения моего́ не помяни́, по милости Твое́й помяни́ мя Ты, ради благости́ Твоея́, Господи. ⁸ Благ и прав Господь, сего́ ра́ди законоположи́т согреша́ющим на пути́. ⁹Наста́вит кро́ткия на суд, научи́т кро́ткия путе́м Своим. ¹⁰Вси путие́ Господни милость и и́стина, взыска́ющим заве́та Его и свиде́ния Его. ¹¹Ра́ди и́мене Твоего́, Господи, и очи́сти грех мой, мног бо есть. ¹²Кто есть челове́к боя́йся Господа? Законоположи́т ему на пути́, его́же изво́ли. ¹³Душа его во благи́х водвори́тся, и семя его насле́дит зе́млю. ¹⁴Держа́ва Господь боя́щихся Его, и заве́т Его яви́т им. ¹⁵Очи мои́ вы́ну ко Господу, яко Той исто́ргнет от се́ти но́зе мои. ¹⁶При́зри на мя и поми́луй мя, яко единоро́д и нищ есмь аз. ¹⁷Ско́рби се́рдца моего умно́жишася, от нужд моих изведи́ мя. ¹⁸Виждь смире́ние мое и труд мой, и оста́ви вся грехи́ моя. ¹⁹Виждь враги́ моя, яко умно́жишася, и ненавиде́нием непра́ведным возненави́деша мя. ²⁰Сохрани́ ду́шу мою и изба́ви мя, да не постыжу́ся, яко упова́х на Тя. ²¹Незло́бивии и пра́вии прилепля́хуся мне, яко потерпе́х Тя, Господи. ²²Изба́ви, Боже, Изра́иля от всех скорбе́й его́.

Псалом Давиду, 25.

¹ Суди́ ми, Господи, яко аз незло́бою моею ходи́х: и на Господа упова́я, не изнемогу́. ² Искуси́ мя, Господи, и испыта́й мя, разжжи́ утро́бы моя и сердце мое. ³ Яко ми́лость Твоя пред очи́ма мои́ма есть, и благоугоди́х во истине Твоей. ⁴ Не седо́х с со́нмом су́етным, и со законопресту́пными не вни́ду. ⁵Возненави́дех церковь лука́внующих, и с нечести́выми не ся́ду. ⁶Умы́ю в непови́нных ру́це мои, и обы́ду же́ртвенник Твой, Господи, ⁷еже услы́шати ми глас хвалы́ Твоея́ и пове́дати вся чудеса́ Твоя́. ⁸ Господи, возлюби́х благоле́пие до́му Твоего и ме́сто селе́ния сла́вы Твоея. ⁹Да не погуби́ши с нечести́выми ду́шу мою и с му́жи крове́й живот мой, ¹⁰ ихже в руку́ беззако́ния, десни́ца их испо́лнися мзды. ¹¹Аз же незло́бою мое́ю ходи́х: изба́ви мя, Господи, и помилуй мя. ¹²Нога́ моя ста на правоте: в це́рквах благословлю́ Тя, Господи.

Псалом Давиду, пре́жде пома́зания, 26.

¹ Господь просвеще́ние мое и Спаси́тель мой, кого́ убою́ся? Господь Защи́титель живота́ моего, от кого́ устрашу́ся?

² Внегда́ приближа́тися на мя зло́бующим, е́же сне́сти пло́ти моя, оскорбля́ющии мя и врази́ мои́, ти́и изнемого́ша и падо́ша. ³Аще ополчи́тся на мя полк, не убои́тся се́рдце мое́: а́ще воста́нет на мя брань, на Него́ аз упова́ю. ⁴Еди́но проси́х от Господа, то взыщу́: е́же жи́ти ми в дому́ Господни вся дни живота́ моего, зре́ти ми красоту́ Господню и посеща́ти храм святы́й Его. ⁵Яко скры мя в селе́нии Свое́м в день зол моих, покры́ мя в та́йне селе́ния Своего́, на ка́мень вознесе́ мя. ⁶И ны́не се вознесе́ главу́ мою на враги́ моя: обыдо́х и пожро́х в селе́нии Его же́ртву хвале́ния и воскликнове́ния: пою́ и воспою́ Господеви. ⁷Услы́ши, Господи, глас мой, и́мже воззва́х, поми́луй мя и услыши мя. ⁸ Тебе́ рече́ се́рдце мое: Господа взыщу́, взыска́ Тебе́ лице́ мое, лица́ Твоего, Господи, взыщу́. ⁹ Hе отврати́ лица́ Твоего от мене́ и не уклони́ся гне́вом от раба́ Твоего: Помо́щник мой бу́ди, не отри́ни мене и не оста́ви мене́, Боже, Спаси́телю мой. ¹⁰ Яко отец мой и мати́ моя оста́виста мя, Господь же восприя́т мя. ¹¹ Законоположи́ ми, Господи, в пути́ Твоем, и наста́ви мя на стезю́ пра́вую враг моих ра́ди. ¹²Не преда́ждь мене́ в ду́ши стужа́ющих ми: я́ко воста́ша на мя свиде́теле непра́веднии, и солга́ непра́вда себе́. ¹³Ве́рую ви́дети блага́я Госпо́дня на земли́ живых. ¹⁴Потерпи́ Господа, мужа́йся, и да крепи́тся се́рдце твое́, и потерпи́ Господа.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

Поко́й, Господи, душу усо́пшаго раба Твоего (имярек) (поклон), и ели́ко в житии́ сем яко человек согреши́, Ты же, яко Человеколю́бец Бог, прости́ его и помилуй (поклон), ве́чныя му́ки изба́ви (поклон), Небесному Царствию прича́стника учини́ (поклон) и душа́м на́шим поле́зная сотвори́ (поклон).

И ныне и присно и во веки веков, аминь.

Псалом Давиду, 27.

¹ К Тебе, Господи, воззову́, Боже мой: да не премолчи́ши от мене́: да не когда́ премолчи́ши от мене́, и уподо́блюся низходя́щим в ров. ²Услы́ши, Господи, глас моле́ния моего, внегда́ моли́ти ми ся к Тебе, внегда́ возде́ти ми ру́це мои́ ко хра́му святому Твоему́. ³Не привлецы́ мене со гре́шники, и с де́лающими непра́вду не погуби́ мене́, глаго́лющими мир с бли́жними свои́ми, злая же в сердца́х свои́х. ⁴Да́ждь им, Господи, по дело́м их и по лука́вству начина́ний их; по дело́м руку́ их даждь им, возда́ждь воздая́ние их им. ⁵Яко не разуме́ша в дела́ Господня и в дела́ руку́ Его: разори́ши я́ и не сози́ждеши я́. ⁶ Благослове́н Господь, яко услыша глас моле́ния моего́. ⁷Господь Помо́щник мой и Защи́титель мой: на Него упова́ се́рдце мое́, и помо́же ми, и процвете́ плоть моя́: и во́лею моею испове́мся Ему. ⁸ Господь Утвержде́ние людей Своих и Защи́титель спасе́ний христа́ Своего́ есть. ⁹Спаси́ люди Твоя, и благослови́ достоя́ние Твое́, и упаси́ я́, и возми́ я́ до ве́ка.

Псалом Давиду, исхо́да ски́нии, 28.

¹ Принеси́те Го́сподеви, сы́нове Божии, принеси́те Господеви сы́ны о́вни, принеси́те Го́сподеви сла́ву и честь: ²принесите Господеви славу имени Его́: поклони́теся Го́сподеви во дворе́ святе́м Его. ³ Глас Господень на вода́х, Бог сла́вы возгреме́, Господь на вода́х мно́гих. ⁴ Глас Господень в кре́пости, глас Госпо́день в великоле́пии. ⁵ Глас Господа, сокруша́ющаго ке́дры: и стры́ет Господь ке́дры Лива́нския, ⁶ и истни́т я́ я́ко тельца́ Лива́нска: и возлю́бленный я́ко сын единоро́жь. ⁷ Глас Господа, пресеца́ющаго пла́мень огня. ⁸ Глас Господа, стряса́ющаго пусты́ню: и стрясе́т Господь пусты́ню Кадди́йскую. ⁹ Глас Госпо́день, сверша́ющий еле́ни, и откры́ет дубра́вы, и в хра́ме Его всякий глаго́лет сла́ву. ¹⁰Господь пото́п населя́ет, и ся́дет Господь Царь в век. ¹¹ Господь кре́пость лю́дем Своим даст, Господь благослови́т лю́ди Своя́ ми́ром.

¹ Псалом пе́сни обновления до́му Давидова, 29.

² Вознесу́ Тя, Господи, я́ко подъя́л мя еси́, и не возвесели́л еси́ враго́в моих о мне. ³ Господи Боже мой, воззва́х к Тебе, и иcцели́л мя еси́. ⁴ Господи, возве́л еси́ от а́да ду́шу мою, спасл мя еси́ от низходя́щих в ров. ⁵По́йте Го́сподеви, преподо́бнии Его́, и испове́дайте па́мять святы́ни Его: ⁶ яко гнев в я́рости Его́, и живо́т в во́ли Его́: ве́чер водворится плачь, и зау́тра радость.⁷ Аз же рех во оби́лии мое́м: не подви́жуся во век. ⁸ Господи, во́лею Твое́ю пода́ждь добро́те мое́й силу: отврати́л же еси́ лице́ Твое́, и бых смуще́н. ⁹К Тебе́, Господи, воззову́, и к Богу моему́ помолю́ся. ¹⁰Kа́я по́льза в кро́ви моей, внегда́ сходи́ти ми во истле́ние? Еда́ испове́стся Тебе́ персть, или возвести́т и́стину Тво́ю? ¹¹Слы́ша Господь и поми́лова мя: Господь бысть Помо́щник мой. ¹²Обрати́л еси́ плачь мой в ра́дость мне, растерза́л еси́ вре́тище мое́ и препоя́сал мя еси́ весе́лием, ¹³ яко да воспое́т Тебе́ сла́вa моя́, и не умилю́ся. Господи Боже мо́й, во век испове́мся Тебе́.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

1 В конец, псалом Давиду, изступления, 30.

² На Тя, Господи, упова́х, да не постыжу́ся во век: пра́вдою Твое́ю изба́ви мя и изми́ мя. ³Приклони́ ко мне у́хо Твое́, ускори́ изъя́ти мя: бу́ди ми в Бога Защи́тителя и в дом прибе́жища, е́же спасти́ мя. ⁴Яко держава моя́ и прибе́жище мое́ еси Ты: и и́мене Твоего́ ра́ди наста́виши мя и препита́еши мя. ⁵Изведе́ши мя от се́ти сея́, ю́же скры́ша ми: я́ко Ты еси Зaщи́титель мой, Господи. ⁶ В ру́це Твои предложу́ дух мой: изба́вил мя еси́, Господи, Боже истины. ⁷Возненави́дел еси храня́щия суеты́ вотще́: аз же на Господа уповах. ⁸Возра́дуюся и возвеселю́ся о милости Твоей, я́ко призре́л еси́ на смире́ние мое́, спасл еси́ от нужд душу мою ⁹и не́си мене́ затворил в руках вра́жиих, поста́вил еси́ на простра́нне но́зе мои. ¹⁰Поми́луй мя, Господи, я́ко скорблю: смяте́ся я́ростию око мое́, душа́ моя и утро́ба моя. ¹¹ Яко исчезе́ в болезни живот мой, и ле́та моя в воздыха́ниих: изнемо́же нището́ю крепость моя, и кости моя смято́шася. ¹² От всех враг моих бых поноше́ние, и сосе́дом моим зело́, и страх зна́емым моим: ви́дящии мя вон бежа́ша от мене́. ¹³ Забве́н бых я́ко мертв от се́рдца: бых я́ко сосуд погубле́н. ¹⁴Яко слы́шах гажде́ние многих живу́щих о́крест: внегда́ собра́тися им вку́пе на мя, прия́ти ду́шу мою совеща́ша. ¹⁵ Аз же на Тя, Господи, упова́х, рех: Ты еси́ Бог мой. ¹⁶В руку́ Твое́ю жре́бии мои́: изба́ви мя из руки́ враг моих и от гоня́щих мя. ¹⁷Просвети́ лице́ Твое на раба Твоего: спаси мя ми́лостию Твоею. ¹⁸ Господи, да не постыжу́ся, я́ко призвах Тя: да постыдя́тся нечести́вии и сни́дут во ад. ¹⁹ Не́мы да будут устны́ льсти́выя, глаго́лющия на пра́веднаго беззако́ние, горды́нею и уничиже́нием. ²⁰Коль многое мно́жество бла́гости Твоея, Господи, ю́же скрыл еси боя́щимся Тебе, соде́лал еси упова́ющим на Тя пред сы́ны челове́ческими: ²¹скры́еши их в тайне лица Твоего от мяте́жа челове́ческа, покры́еши их в кро́ве от пререка́ния язык. ²² Благослове́н Господь, я́ко удиви́ милость Свою во граде огражде́ния. ²³ Аз же рех во изступле́нии моем: отве́ржен есмь от лица о́чию Твоею: сего ради услы́шал еси́ глас моли́твы моея́, внегда́ воззва́х к Тебе. ²⁴Возлюби́те Господа, вси преподо́бнии Его: яко истины взыска́ет Господь и воздае́т изли́ше творя́щим горды́ню. ²⁵Мужа́йтеся, и да крепи́тся се́рдце ваше, вси упова́ющии на Господа.

Псалом Давиду, ра́зума, 31.

¹Блаже́ни, и́хже оста́вишася беззако́ния, и и́хже прикры́шася греси́. ² Блаже́н муж, ему́же не вмени́т Господь греха́, ниже́ есть во усте́х его лесть. ³Яко умолча́х, обетша́ша ко́сти моя, от е́же зва́ти ми весь день, ⁴яко день и нощь отяготе́ на мне рука Твоя: возврати́хся на страсть, егда́ унзе́ ми терн. ⁵ Беззако́ние мое позна́х и греха́ моего не покры́х, рех: испове́м на мя беззако́ние мое Го́сподеви: и Ты оставил еси́ нече́стие сердца моего. ⁶ За то помо́лится к Тебе всяк преподобный во время благопотре́бно: оба́че в пото́пе вод многих к нему не прибли́жатся. ⁷Ты еси́ прибе́жище мое от скорби обдержа́щия мя: Ра́досте моя, изба́ви мя от обыше́дших мя. ⁸Вразумлю́ тя и наста́влю тя на путь сей, в о́ньже по́йдеши: утвержу́ на тя очи Мои. ⁹ Hе бу́дите яко конь и меск, и́мже несть ра́зума: брозда́ми и уздо́ю челюсти их востя́гнеши, не приближа́ющихся к тебе. ¹⁰Мно́ги ра́ны грешному: упова́ющаго же на Господа милость обы́дет. ¹¹ Весели́теся о Господе и ра́дуйтеся, пра́веднии, и хвали́теся, вси правии сердцем.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

(До погребения тропари и молитву после кафисмы не читают, а переходят к следующей кафисме.)

По 4-й кафисме:

Трисвятое по Отче наш.

Тропари́, глас 7-й: Смире́нную мою ду́шу посети́, Господи, во гресе́х все житие́ ижди́вшую: и́мже образом блудни́цу, приими́ и мене́, и спаси́ мя.

Препла́вая пучи́ну настоящаго жития́, помышля́ю бе́здну многих моих зол, и не име́яй окорми́теля помышле́ний, Петров провещава́ю Ти глас: спаси́ мя, Христе, спаси́ мя, Боже, яко Человеколю́бец.

Слава: Скоро совни́дем в неве́стник Христов, да вси услышим блаженный глас Христа

Бога нашего: прииди́те, лю́бящии Небесную славу, соприча́стницы бы́вше мудрых дев, уясни́вше свещи́ на́ша верою.

И ныне: Душе́, пока́йся прежде исхода твоего, суд неумы́тен грешным есть и нестерпи́мый. Возопи́й Господу во умиле́нии сердца: согреши́х Ти в ве́дении и не в ве́дении, Ще́дрый, молитвами Богородицы уще́дри и спаси́ мя.

Господи, помилуй (40 раз).

Тебе, Господи, Еди́ному Благо́му и Непамятозло́бному, испове́даю грехи моя, Тебе припа́даю вопия́, недостойный: согреши́х, Господи, согреши́х и несмь достоин воззре́ти на высоту Небесную от множества неправд моих.

Но, Господи мой, Господи, да́руй ми сле́зы умиле́ния, Единый Бла́же и Ми́лостивый, яко да ими Тя умолю, очи́ститися прежде конца от вся́каго греха: страшно бо и грозно место и́мам проити́, тела разлучи́вся, и множество мя мра́чное и безчелове́чное де́монов сря́щет, и никто́же в помощь спу́тствуяй или избавля́яй. Тем припа́даю Твоей бла́гости, не преда́ждь оби́дящим мя, ниже́ да похва́лятся о мне врази́ мои, Благи́й Господи, ниже́ да реку́т: в руки на́ша прише́л еси, и нам пре́дан еси. Ни, Господи, не забу́ди щедро́т Твоих, и не возда́ждь ми по беззако́нием моим, и не отврати́ лица́ Твоего от мене́: но Ты, Господи, накажи́ мя оба́че ми́лостию и щедро́тами.

Враг же мой да не возра́дуется о мне, но угаси́ его на мя преще́ния и все упраздни́ его де́йство, и даждь ми к Тебе путь неуко́рный, Благи́й Господи: зане́же и согреши́в, не прибего́х ко ино́му врачу, и не простро́х руки́ моея к богу чужде́му, не отри́ни убо моле́ния моего, но услыши мя Твоею бла́гостию и утверди́ мое сердце страхом Твоим, и да будет благодать Твоя на мне, Господи, яко огнь попаля́яй нечистыя во мне по́мыслы. Ты бо еси, Господи, Свет, па́че вся́каго света; Радость, па́че всякия радости; Упокое́ние, па́че вся́каго упокое́ния; Жизнь и́стинная и Спасение, пребывающее во веки веков, аминь.

Кафисма пятая

Псалом Давиду, не надпи́сан у еврей, 32.

¹ Ра́дуйтеся, пра́веднии, о Господе: пра́вым подоба́ет похвала́. ²Испове́дайтеся Господеви в гу́слех, во псалти́ри десятостру́ннем пойте Ему: ³воспо́йте Ему песнь нову, до́бре по́йте Ему со восклица́нием: ⁴ яко пра́во сло́во Господне, и вся дела́ Его в ве́ре. ⁵Лю́бит милостыню и суд Господь, ми́лости Господни испо́лнь земля́. ⁶Сло́вом Господним Небеса́ утверди́шася, и ду́хом уст Его вся сила их: ⁷ собира́яй я́ко мех во́ды морски́я, полага́яй в сокро́вищах бе́здны. ⁸ Да убои́тся Господа вся земля́, от Него́же да подви́жутся вси живу́щии по вселе́нней. ⁹ Яко Той рече́, и бы́ша: То́й повеле́, и созда́шася. ¹⁰ Господь разоряет сове́ты язы́ков, отмета́ет же мысли людий и отмета́ет сове́ты князе́й. ¹¹Сове́т же Госпо́день во век пребыва́ет, помышле́ния се́рдца Его́ в род и род. ¹² Блаже́н язык, ему́же есть Господь Бог его, лю́дие, я́же избра́ в насле́дие Себе́. ¹³С Небесе́ призре́ Господь, ви́де вся сы́ны челове́чеcкия. ¹⁴ От гото́ваго жили́ща Своего́ призре́ на вся живу́щия на земли́: ¹⁵ Созда́вый на еди́не сердца́ их, разумева́яй на вся дела́ их. ¹⁶ Не спасется царь мно́гою си́лою, и исполи́н не спасе́тся мно́жеством кре́пости своея́. ¹⁷Лож конь во спасе́ние, во мно́жестве же си́лы своея́ не спасе́тся. ¹⁸ Се о́чи Господни на боя́щияся Его, упова́ющия на милость Его: ¹⁹ изба́вити от сме́рти ду́ши их, и препита́ти я́ в глад. ²⁰Душа́ же на́ша ча́ет Господа, я́ко Помо́щник и Защи́титель наш есть: ²¹ яко о Нем возвесели́тся се́рдце на́ше, и во и́мя свято́е Его упова́хом. ²²Бу́ди, Господи, ми́лость Твоя́ на на́с, я́коже упова́хом на Тя.

¹Псалом Давиду, внегда́ измени́ лице́ свое́ пред Авимеле́хом: и отпусти его, и оты́де, 33.

²Благословлю́ Господа на вся́кое вре́мя, вы́ну хвала́ Его во усте́х мои́х. ³О Господе похва́лится душа́ моя́: да услы́шат кро́тцыи и возвеселя́тся. ⁴Возвели́чите Господа со мно́ю, и вознесе́м и́мя Его вку́пе. ⁵Взыска́х Господа, и услы́ша мя и от всех скорбе́й моих изба́ви мя. ⁶Приступи́те к Нему́ и просвети́теся, и ли́ца ва́ша не постыдя́тся. ⁷Сей ни́щий воззва́, и Господь услы́ша и́, и от всех скорбе́й его спасе́ и́. ⁸Ополчи́тся Ангел Госпо́день о́крест боя́щихся Его и изба́вит их. ⁹ Вкуси́те и ви́дите, я́ко благ Господь: блаже́н муж, и́же упова́ет Нань. ¹⁰Бо́йтеся Господа, вси святи́и Его, я́ко несть лише́ния боя́щимся Его. ¹¹ Бога́тии обнища́ша и взалка́ша: взыска́ющии же Господа не лиша́тся вся́каго бла́га. ¹²Прииди́те ча́да, послу́шайте мене́, стра́ху Господню научу́ вас. ¹³Кто́ есть челове́к хотя́й живо́т, любя́й дни ви́дети бла́ги? ¹⁴Удержи́ язы́к твой от зла и устне́ твои́, е́же не глаго́лати льсти. ¹⁵Уклони́ся от зла и сотвори́ бла́го: взыщи́ ми́ра и пожени́ и́. ¹⁶Очи Господни на пра́ведныя, и у́ши Его́ в молитву их. ¹⁷Лице́ же Господне на творя́щия зла́я, е́же потреби́ти от земли́ па́мять их. ¹⁸Воззва́ша пра́веднии, и Господь услы́ша их и от всех скорбе́й их изба́ви их. ¹⁹Близ Госпо́дь сокруше́нных се́рдцем, и смире́нныя ду́хом спасе́т. ²⁰Мно́ги ско́рби пра́ведным, и от всех их изба́вит я́ Господь. ²¹Храни́т Господь вся ко́сти их, ни еди́на от них сокруши́тся. ²² Смерть гре́шников люта́, и ненави́дящии пра́веднаго прегреша́т. ²³Изба́вит Господь ду́ши раб Свои́х, и не прегреша́т вси упова́ющии на Него́.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

Псалом Давиду, 34.

¹ Суди́, Господи, оби́дящия мя, побори́ борю́щия мя. ²Приими́ ору́жие и щит и воста́ни в по́мощь мою: ³ изсу́ни меч и заключи́ сопроти́в гоня́щих мя: рцы души́ мое́й: спасе́ние твое́ есмь Аз. ⁴ Да постыдя́тся и посра́мятся и́щущии ду́шу мою́, да возвратя́тся вспять и постыдя́тся мы́слящии ми злая. ⁵ Да бу́дут я́ко прах пред лице́м ве́тра, и Ангел Господень оскорбля́я их: ⁶ да бу́дет путь их тьма и по́лзок, и Ангел Господень погоня́яй их: ⁷ яко ту́не скры́ша ми па́губу се́ти своея́, всу́е поноси́ша души́ мое́й. ⁸Да прии́дет ему сеть, ю́же не весть, и лови́тва, ю́же скры, да обымет и́, и в сеть да впаде́т в ню. ⁹Душа́ же моя́ возра́дуется о Господе, возвесели́тся о спасе́нии Его. ¹⁰Вся ко́сти моя реку́т: Господи, Господи, кто́ подо́бен Тебе́? Избавля́яй ни́ща из руки́ кре́пльших его, и ни́ща и убо́га от расхища́ющих его. ¹¹ Воста́вше на мя свиде́теле непра́веднии, я́же не ве́дах, вопроша́ху мя. ¹² Возда́ша ми лука́вая воз блага́я, и безча́дие души́ моей. ¹³ Аз же, внегда́ они стужа́ху ми, облача́хся во вре́тище и смиря́х посто́м ду́шу мою́, и молитва моя́ в не́дро мое́ возврати́тся. ¹⁴Я́ко бли́жнему, я́ко брату на́шему, та́ко угожда́х: я́ко пла́ча и се́туя, та́ко смиря́хся. ¹⁵И на мя возвесели́шася и собра́шася: собра́шася на мя ра́ны, и не позна́х: раздели́шася, и не умили́шася. ¹⁶Искуси́ша мя, подражни́ша мя подражне́нием, поскрежета́ша на мя зубы́ своими. ¹⁷ Господи, когда у́зриши? Устрой душу мою от злоде́йства их, от лев единоро́дную мою. ¹⁸Испове́мся Тебе в церкви мно́зе, в лю́дех тя́жцех восхвалю́ Тя. ¹⁹ Да не возра́дуются о мне вражду́ющии ми непра́ведно, ненави́дящии мя ту́не и помиза́ющии очи́ма: ²⁰яко мне у́бо ми́рная глаго́лаху, и на гнев ле́сти помышля́ху. ²¹Расшири́ша на мя уста́ своя, ре́ша: бла́гоже, бла́гоже, ви́деша очи наши. ²²Ви́дел еси, Господи, да не премолчи́ши: Господи, не отступи́ от мене́. ²³ Востани, Господи, и вонми́ суду́ моему, Боже мой и Господи мой, на прю мою. ²⁴Суди́ ми, Господи, по правде Твоей, Господи Боже мой, и да не возра́дуются о мне. ²⁵ Да не реку́т в сердца́х своих: бла́гоже, бла́гоже души́ нашей: ниже́ да рекут: пожро́хом его. ²⁶Да постыдя́тся и посра́мятся вку́пе ра́дующиися злом моим: да облеку́тся в студ и срам велере́чующии на мя. ²⁷Да возра́дуются и возвеселя́тся хотя́щии правды моея́: и да рекут вы́ну, да возвели́чится Господь, хотя́щии мира рабу Его. ²⁸И язык мой поучи́тся правде Твоей, весь день хвале́ Твоей.

¹В конец, отроку Господню Давиду, 35.

² Глаго́лет пребеззако́нный согреша́ти в себе: несть страха Божия пред очи́ма его: ³ яко ульсти́ пред ним обрести́ беззако́ние свое и возненави́дети. ⁴ Глаго́лы уст его беззако́ние и лесть: не восхоте́ разуме́ти еже ублажи́ти. 5 Беззаконие помысли на ложи своем: предста всякому пути небла́гу, о злобе же не негодова́. ⁶ Господи, на Небеси́ милость Твоя, и истина Твоя до о́блак: ⁷ правда Твоя, яко го́ры Божия, судьбы́ Твоя бе́здна мно́га: человеки и скоты спасе́ши, Господи. ⁸ Яко умно́жил еси милость твою, Бо́же: сы́нове же челове́честии в кро́ве крилу́ Твоею наде́ятися и́мут. ⁹Упию́тся от ту́ка до́му Твоего, и пото́ком сла́дости Твоея напои́ши я́. ¹⁰ Яко у Тебе источник живота́, во свете Твоем у́зрим свет. ¹¹Проба́ви милость Твою ве́дущим Тя и правду Твою пра́вым сердцем. ¹²Да не прии́дет мне нога́ горды́ни, и рука́ гре́шнича да не подви́жит мене́. ¹³Та́мо падо́ша вси де́лающии беззако́ние: изринове́ни бы́ша, и не возмо́гут стати.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

Псалом Давиду, 36.

¹ Не ревну́й лука́внующим, ниже́ зави́ди творя́щим беззако́ние. ²Зане́ яко трава скоро и́зсшут, и яко зе́лие злака скоро отпаду́т. ³Упова́й на Господа и твори благосты́ню: и насели́ зе́млю, и упасе́шися в богатстве ея. ⁴Наслади́ся Го́сподеви, и даст ти проше́ния се́рдца твоего. ⁵Откры́й ко Господу путь твой и уповай на Него, и Той сотвори́т. ⁶И изведет, яко свет, правду твою и судьбу твою, яко полу́дне. ⁷Повини́ся Господеви и умоли́ Его. Не ревну́й спе́ющему в пути своем, человеку, творя́щему законопреступле́ние. ⁸Преста́ни от гнева и остави ярость: не ревну́й, е́же лука́вновати, ⁹зане́ лука́внующии потребя́тся, терпя́щии же Господа, тии насле́дят зе́млю. ¹⁰И еще ма́ло, и не будет грешника: и взы́щеши место его и не обря́щеши. ¹¹Кро́тцыи же насле́дят землю и насладя́тся о мно́жестве мира. ¹²Назира́ет грешный пра́веднаго и поскреже́щет нань зубы́ своими: ¹³Господь же посмее́тся ему, зане́ прозира́ет, яко прии́дет день его. ¹⁴Меч извлеко́ша гре́шницы, напряго́ша лук свой, низложи́ти убо́га и ни́ща, закла́ти пра́выя се́рдцем. ¹⁵Меч их да вни́дет в сердца́ их, и лу́цы их да сокруша́тся. ¹⁶Лучше малое праведнику, паче богатства грешных мно́га. ¹⁷ Зане́ мы́шцы грешных сокруша́тся, утверждает же пра́ведныя Господь. ¹⁸ Весть Господь пути непоро́чных, и достоя́ние их в век будет. ¹⁹Не постыдя́тся во время лю́тое и во днех гла́да насы́тятся, яко гре́шницы поги́бнут. ²⁰Врази́ же Господни, ку́пно просла́витися им и вознести́ся, исчеза́юще яко дым исчезо́ша. ²¹ Зае́млет гре́шный и не возврати́т: праведный же ще́дрит и дае́т. ²² Яко благословя́щии Его насле́дят зе́млю, клену́щии же Его потребя́тся. ²³ От Господа стопы́ человеку исправля́ются, и пути его восхо́щет зело́. ²⁴ Егда́ паде́т, не разбие́тся, яко Господь подкрепляет ру́ку его. ²⁵Юне́йший бых, ибо состаре́хся, и не ви́дех праведника оста́влена, ниже́ се́мени его прося́ща хле́бы. ²⁶Весь день ми́лует и взаи́м да́ет прaведный, и се́мя его во благослове́ние будет. ²⁷Уклони́ся от зла и сотвори́ бла́го, и всели́ся в век века. ²⁸Яко Господь любит суд и не оста́вит преподо́бных Своих: во век сохраня́тся; беззако́нницы же изжену́тся, и семя нечести́вых потреби́тся. ²⁹Пра́ведницы же насле́дят землю и вселя́тся в век ве́ка на ней. ³⁰ Уста́ пра́веднаго поуча́тся прему́дрости, и язык его возглаго́лет суд. ³¹ Закон Бога его в сердце его, и не за́пнутся стопы́ его. ³²Сматря́ет гре́шный пра́веднаго и и́щет е́же умертви́ти его: ³³ Господь же не оста́вит его в руку́ его, ниже́ осу́дит его, егда́ су́дит ему. ³⁴Потерпи́ Господа и сохрани́ путь Его, и вознесе́т тя, е́же насле́дити землю: внегда́ потребля́тися гре́шником, у́зриши. ³⁵Ви́дех нечести́ваго превознося́щася и вы́сящася, яко ке́дры Лива́нския: ³⁶и ми́мо идо́х, и се не бе, и взыска́х его, и не обре́теся место его. ³⁷ Храни незло́бие и виждь правоту́, я́ко есть оста́нок человеку ми́рну. ³⁸ Беззако́нницы же потребятся вку́пе: оста́нцы же нечести́вых потребя́тся. ³⁹Спасе́ние же пра́ведных от Господа, и Защи́титель их есть во вре́мя ско́рби: ⁴⁰и помо́жет им Господь и изба́вит их, и и́змет их от гре́шник и спасе́т их, я́ко упова́ша на Него.

Слава Отцу и Сыну и Святому Духу, и ныне и присно и во веки веков, аминь.

Аллилуия, аллилуия, аллилуия, слава Тебе, Боже (трижды).

Господи, помилуй (трижды).

Слава Отцу и Сыну и Святому Духу.

И ныне и присно и во веки веков, аминь.

(До погребения тропари и молитву после кафисмы не читают, а переходят к следующей кафисме.)

По 5-й кафисме:

Трисвятое по Отче наш.

Тропари́, глас 5-й: Страшный Твой Престо́л, лукавое мое житие́: и кто мя избавит тогда́шния ну́жды, а́ще не Ты поми́луеши мя, Христе Боже, яко Щедр и Человеколю́бец?

Слава: Попече́ние жития́ изгна́ мя рая́, и что сотворю́, отча́янный? Сего́ ради толку́ во врата́ и зову: Господи, Господи, отве́рзи ми покая́нием, и спаси́ мя.

И ныне: Кий нарече́м храм Твой, Богоро́дице? Приста́нище ли духовное? Или́ рай сладости Hебе́сныя, хода́тайствен жизни неконча́емыя? Вся бо и́маши до́брая, всегда моли́ся

Христу спастися душам нашим.

Господи, помилуй (40 раз).

Боже Праведный и Хва́льный, Боже Великий и Крепкий, Боже Преве́чный, услыши гре́шнаго му́жа молитву в час сей: услыши мя, обеща́вый услы́шати во и́стине Тя призыва́ющих, и не омерзи́ мя, нечистыя устне́ иму́ща и во гресе́х содержи́ма, упование всех конце́в земли и странствующих дале́че. Приими́ оружие и щит, и воста́ни в помощь мою: излей меч и заключи сопротив гоня́щих мя. Запрети́ нечистым духово́м от лица безу́мия моего, и да отлучи́тся от моея мысли дух не́нависти и злопомне́ния, дух за́висти и лести, дух боязни и уныния, дух гордости и всякия ины́я зло́бы; и да угаснет всякое разжже́ние и движение пло́ти моея, от диа́вольскаго действа составляемое, и да просвети́тся моя душа и тело, и дух светом Твоего Божественнаго познания: да мно́жеством щедро́т Твоих дости́гну соединения веры, в мужа соверше́нна, в меру возраста, и просла́влю со Ангелы и всеми святыми Твоими всечестно́е и великолепое имя Твое, Отца и Сына и Свята́го Духа, ныне и присно и во веки веков, аминь.

1.В случае кончины болящего (-ей) во время чтения канона продолжаем канон с припевом: Упокой, Господи, душу усопшаго раба Твоего (усопшия рабы Твоея).

2.В случае кончины болящего (-ей) во время чтения канона читаем Окончание заупокойных канонов (стр. 404).

3.Помазаннику Божию (здесь и далее в широком смысле).

Бесплатный фрагмент закончился.

Псалтирь и каноны, чтомые по усопшим

Сборник

4,7

30 оценок

отзыва

цитата

199 ₽

Жанры и теги

Молитвенники

Молитвословы / акафисты / каноны / псалмы

Возрастное ограничение:

12+

Дата выхода на Литрес:

06 ноября 2018

Дата написания:

2017

Объем:

293 стр. 6 иллюстраций

ISBN:

978-5-89101-621-7

Составитель:

Иеродиакон Димитрий (Николаев)

Правообладатель:

Данилов мужской монастырь

Формат скачивания:

epub, fb2, fb3, ios.epub, mobi, pdf, txt, zip

Читать книгу: «Псалтирь и каноны, чтомые по усопшим»

О поминовении усопших по уставу Православной Церкви

Приготовление к кончине

Надгробное чтение Псалтири

Молитвы о усопших на Светлой седмице

Погребение

Дни памяти усопших

Церковное поминовение усопших

Домашние молитвы о усопших

Поминальная трапеза

Когда не совершается поминовение

Молитвы о умерших без покаяния

О ком Церковь не молится

Как молиться о некрещеных и иноверцах

О пользе молитв о усопших

Молитвы на исход души

Последование при разлучении души от тела всякого правоверного

Псало́м 50

Канон ко Господу Иисусу Христу и ко Пресвятой Богородице, глас 6-й

Песнь 1

Песнь 3

Седален, глас 8-й

Песнь 4

Песнь 5

Песнь 6

Кондак, глас 6-й

Икос

Песнь 7

Песнь 8

Песнь 9

Окончание канона2

Тропари

Псалтирь и каноны, чтомые по усопшим

Псалтирь пророка и царя Давида

Начало чтения Псалтири до погребения

Псалом 90

Тропарь, глас 8-й

Начало чтения Псалтири после погребения

Кафисма первая

Псалом Давиду, не надпи́сан у еврей, 1.

Псалом Давиду, 2.

1 Псалом Давиду, внегда отбега́ше от лица Авессало́ма, сына своего, 3.

1 В конец, в песнех, псалом Давиду, 4.

1 О насле́дствующем, псалом Давиду, 5.

1 В конец, в песнех о осмо́м, псалом Давиду, 6.

1 Псалом Давиду, егоже воспе́т Го́сподеви о словесе́х Хусие́вых, сына Иемении́ на, 7.

1 В конец, о точи́лех, псалом Давиду, 8.

Кафисма вторая

1 В конец, о тайных сына, псалом Давиду, 9.

В конец, псалом Давиду, 10.

1 В конец, о осмей, псалом Давиду, 11.

1 В конец, псалом Давиду, 12.

В конец, псалом Давиду, 13.

В конец, псалом Давиду, 14.

Столпописа́ние Давиду, 15.

Молитва Давиду, 16.

Кафисма третия

1 В конец, псалом Давиду, 18.

1 В конец, псалом Давиду, 19.

1 Псалом Давиду, 20.

1 В конец, о заступле́нии у́треннем, псалом Давиду, 21.

Псалом Давиду, 22.

Псало́м Давиду, еди́ныя от суббо́т, 23.

Кафисма четвертая

Псалом Давиду, 24.

Псалом Давиду, 25.

Псалом Давиду, пре́жде пома́зания, 26.

Псалом Давиду, 27.

Псалом Давиду, исхо́да ски́нии, 28.

1 Псалом пе́сни обновления до́му Давидова, 29.

1 В конец, псалом Давиду, изступления, 30.

Псалом Давиду, ра́зума, 31.

Кафисма пятая

Псалом Давиду, не надпи́сан у еврей, 32.

1Псалом Давиду, внегда́ измени́ лице́ свое́ пред Авимеле́хом: и отпусти его, и оты́де, 33.

Псалом Давиду, 34.

1В конец, отроку Господню Давиду, 35.

Псалом Давиду, 36.

Жанры и теги

С этой книгой читают

Окончание канона²

¹ Псалом Давиду, внегда отбега́ше от лица Авессало́ма, сына своего, 3.

¹ В конец, в песнех, псалом Давиду, 4.

¹ О насле́дствующем, псалом Давиду, 5.

¹ В конец, в песнех о осмо́м, псалом Давиду, 6.

¹ Псалом Давиду, егоже воспе́т Го́сподеви о словесе́х Хусие́вых, сына Иемении́ на, 7.

¹ В конец, о точи́лех, псалом Давиду, 8.

¹ В конец, о тайных сына, псалом Давиду, 9.

¹ В конец, о осмей, псалом Давиду, 11.

¹ В конец, псалом Давиду, 12.

¹ В конец, псалом Давиду, 18.

¹ В конец, псалом Давиду, 19.

¹Псалом Давиду, 20.

¹ Псалом пе́сни обновления до́му Давидова, 29.

¹Псалом Давиду, внегда́ измени́ лице́ свое́ пред Авимеле́хом: и отпусти его, и оты́де, 33.

¹В конец, отроку Господню Давиду, 35.