Goazen txangora!

Contenido

1  SINOPSIA

2  IRAKURKETA ERRAZA

3  Tximeleten lorategia

4  Paisaia liluragarria

5  EGILEAK

6  LEGEZKOA

SINOPSIA

Goazen txangora! izenburupean,

idazkera errazean landutako bi istorio aurkezten dira.

Lehenengo ipuina Tximeleten lorategia da

eta Hugo du protagonista bezala.

10 urte ditu eta txikitan izandako istripu baten ondorioz

Dena izeneko gurpil-aulkian mugitu behar da.

Ikastolatik, tximeletak ikustera joateko txango bat antolatu dute

eta bertan dituen zailtasun eta erraztasunak ikusiko ditugu.

Bigarren ipuinak Paisaia liluragarria izena darama.

Bertako protagonista Naiara da,

10 urte ditu eta begietako gaixotasun baten ondorioz, oso txikitatik itsu dago.

Kasu honetan, ikastolatik Santa Krutz mendira txango bat antolatu dute

paisaia baten deskribapena egiteko helburuarekin.

Bertan jakingo dugu nola bizi duen Naiarak egun hau

eta bere gaitasun eta ezgaitasunak nola azaltzen dituen.

Ikastolatik antolatutako bi irteeren deskribapenaren bidez,

desgaitasun ezberdineko pertsonaien ikuspuntuak azaltzen dira,

beraien bizipenak eta nola elkarbizitzen duten inguruarekin.

/* Script */

Liburuari buruzko informazio gehiago:

www.edicionesbeta.com

Jarrai iezaguzu hemen:

@EdicionesBeta

@edicionesbeta

@EdicionesBeta

/* Script */

IRAKURKETA ERRAZA

Irakurketa Erraza bilduma, irakurtzeko eta ulertzeko zailtasunak dituzten pertsonei zuzenduta dago.

Liburuetan hizkuntza erraza, zuzena eta egunerokoa erabiltzen da.

Hizki handiak, bazter zabalak, ilustrazioak eta hitzen definizioak, koadroetan, erabiltzen dira.

/* Script */

/* Script */

Tximeleten lorategia

/* Script */

Nire izena Hugo da eta 10 urte ditut.

Mendaro izeneko Gipuzkoako herri txiki polit batean bizi naiz.

Ni jaiotzean nire gurasoak oso pozik jarri ziren.

Aitonak esan zidan ikusi nindutenean negar egin zutela

eta musu asko eman zizkidatela.

Ez nekien pozagatik negar egitea posible zenik.

Baina egun batean, oso triste jarri ziren.

4 urte nituela, auto batek kolpea jo zidan

eta momentu horretatik ezin izan dut berriz ibili.

Ordutik aurrera, nire gurpil-aulkiak beti laguntzen dit,

nire lagunik onena da.

Bere izena Dena da, kolorez beterik dago

eta lagunek nire gustuko marrazkiak egiten dizkidate,

niri baimena eskatu ondoren.

Gaur ilusio handiarekin noa ikastolara.

Nereak, gure gelako irakasleak,

biharko txangoaren berri emango digu.

–Aurten tximeletak ikustera goaz San Pedrora!

–esan du Nereak.

San Pedro Elgoibarko mendi bat da, gertu dago,

mahai asko ditu eta zelai handi politak ere bai.

Txikitan, autoaren istripuaren aurretik eta ondoren,

bertara askotan joaten nintzen gurasoekin eta lagunekin,

eguna pasatzera eta primeran pasatzen genuen.

Ze ondo! Tximeletak maite ditut

eta oso zoriontsu egin nau hori entzuteak.

–Bikoteak egingo ditugu eta jolas bat egingo dugu.

Argazki kamera bat emango dizuegu bikote bakoitzari

eta egun osoa izango duzue

tximeletei argazkiak ateratzeko.

Hurrengo egunean, inprimatu egingo ditugu

eta bozketa¹ bat egingo dugu. Puntu gehien lortzen duen bikotearen argazkia natura aldizkari² ospetsu batean argitaratuko da eta denek ikusi ahal izango dute!

Oso pozik nago oso jolas interesgarria delako, baina...

Zergatik ez du inork nire bikotea izan nahi?

Nerea irakasleari esan diot

ez dudala txangorako bikoterik.

Bat-batean Ana ikaslaguna etorri da

eta haserretuta esan dit

bera izango dela nire bikotea irakasleak esan diolako.

Bihar, goizeko 9etan gelditu gara autobus geltokian.

Dena, nire aulki laguna, maletategian joan beharko da.

Gaur tximeletei buruzko informazioa irakurriko dut:

non bizi diren, nola bizi diren,