Отправим уведомление о новых книгах, аудиокнигах, подкастах
Пісьменнік Віктар Праўдзін (Праўдзін Віктар Аляксандравіч) нарадзіўся 11 мая 1955 года ў горадзе Ліда Гродзенскай вобласці ў сям’і ваеннаслужачага.
9 мая 1973 года быў прызваны на службу ў Савецкую армію, служыў на Балтыйскім ваенным флоце на малым супрацьлодачным караблі.
Дэмабілізаваўся ў 1976 годзе і па 1994 год працаваў ў праваахоўных органах Рэспублікі Беларусь. У 1981 годзе скончыў Мінскую вышэйшую школу МУС СССР, мае адукацыю юрыста-прававеда.
З 1994 года па 2001 год працаваў намескікам галоўнага рэдактара часопіса “Нёман”, з 2001 па 2002 вібіраўся першым намеснікам старшыні Саюза беларускіх пісьменнікаў. З 2002 па 2003 — намеснік галоўнага рэдактара часопіса “Полымя”. З 2003 па 2008 — галоўны рэдактар выдавецтва “Мастацкая літаратура”. З 2008 па 2010 — першы сакратар Саюза пісьменнікаў Беларусі. З 2010 — на творчай працы.
Першыя апавяданні пісьменніка пабачылі свет у 1987 годзе ў газеце “Звязда”, у 1988 годзе — у часопісе “Маладосць”.
Віктар Праўдзін аўтар кніг:
-- “Пад знакам Стральца”, 1989г. (калектыўны зборнік);
-- “Візіцер з Поўначы”, 1991г.;
-- “Боль альбо споведзь міліцыянера”, 1996г.;
-- “Эксгумацыя”, 1997г.;
-- “Вяртанне з апраметнай” (раман), 1997г.;
-- “Танцавальны марафон”(раман), 2002г.;
-- “Возвращение из преисподней”, 2002г.;
-- “Шлях да Галгофы”, 2003г;
-- “Нелюбімыя гінуць” (кніга першая), 2010г.;
-- “Тайны минских перекрестков”, 2013г.;
-- “Іду насустрач…”, 2013г.;
-- “Парыж, Эйфелева вежа і…”, 2020г.
— … і інш.
У літаратурных часопісах друкаваліся раманы, аповесці, апавяданні.