Көктемде

 
Күпісі жалба жабағы
Тойтаң қағып, тай бопты.
Ісек шығып есіред,
Көрпелдес кентек көк тоқты.
Есінде шығар, елім-ау,
Емдеп ед Қоқаң қай көкті?
Қоқаң көгі құлпырды,
Құм сіркеден құтылды.
Қунаң қақты, қоң бітті,
Көгі көкке тойынды,
Құтырып Қоқаң орғытты;
Көмір жинап, көрік жығып,
Ұсталар, ойдай, іс соқты.
Ауылдың бейлі биыл кең,
Үйткені мал-жан дін аман.
Қисаймай шықты қылшығы
Қысыңнан да қысаған.
Азықсыраған ауыл жоқ,
Ашып алды астық ұрадан.
Ақ шықгы, жатыр жағысып,